اتوماتيك نوبيرا حلو ولا لأ

[WalidAdel]

هذه اول مشاركه ليا في المنتدي و يا ريت حد يقولي رايه و يكون عن تجربه كمان عن نوبيرا اوتوماتيك علشان انا انشاء الله ناوي اجبها زيرو
و ياريت حد يقولي بردوا اوقات الصيانه بتاعت الاوتوماتيك و ايه اللي بيحصل فيها

أفيدوني ارجوكم

[ahmedsrs]

انا معنديش نوبيرا بس لو خت لفة فى المنتدى فى ناس تنصح بعدم شراء الكورى الأتوماتيك عموما

[WalidAdel]

ايوه لاكن زي ما حضرتك عارف احنا شعب بيحب الفتي تسال ليه يقولك معرفش بس الناس هيا اللي بتقول و هكذا
ممكن يكون من شوء الاستعمال مثلا او من عدم الصيانه
بس علي العموم شكراً علي الرد

[azhk]

كنت افكر مثلك تماما فى هذه السيارة وماوجدت احدا الا وهو يشكك فى جودة فتيس النوبيرا الاوتوماتيك ولااظن ان معظم من ادلوا برأيهم فى هذا الموضوع مخطئون وكما يقال مافيش دخان من غير نار و84000 جنيها ليس مبلغا صغيرا ليجازف الانسان به فى سيارة يكاد معظم المهتمين بمجال السيارات ان يجمعوا على عيوب صارخة فى الدايو النوبيرا وخصوصا الاوتوماتيك منها ولاضرب لك امثالا من اقوال اعضاء المنتدى فعضو يبدل الرشاشات بعد 60000 كم والاخر يبدل المقصات بعد 20000 كم وثالث يشتكى من العفشة ورابع وخامس وهذا هو المشاهد على انه احقاقا للحق فان الموديلات الكوريه منها لاتجد اصحابها يعانون من هذه المشكلات مما يعطى انطباعا بان هذه المشاكل انما هى فى الموديلات المجمعة محليا . عموما هذا رايى الشخصى الذى كونته من واقع استعراضى لآراء الاعضاء الافاضل فى هذا المنتدى الرائع باعضائه وبمشرفيه .
وبالنسبة لى فانا لو كنت مكانك وكان معى الامكانات لزدت 8000 جنيها واشتريت النيسان صنى ex saloon رغم مايقال عن بعض العيوب بها ولكن العيوب التى تطرق اليها عامة المشاركين بارائهم فى النيسان الصنى يتحدثون عن عيوب لاتؤثر فى كفائة السيارة من حيث قوتها او تحملها مع الزمن من مثل عيوب فى تقفيل الموكيت وعدا ذلك من بعض العيوب والتى نجدها صارخة فى التجميع المحلى لانواع كثيرة من السيارات وانظر الى السيارة الاوبترا مثلا والتى يعتبرها البعض وريث النوبيرا انظر الى اعلانات من يعرضونها للبيع ستجد ان اكثر من 90% من هذه السيارات ذات ناقل حركة اوتوماتيكى مما يجعل الانسان يتشكك فى جدوى شراء سيارات كورية ذات ناقل اوتوماتيكى وفقك الله الى الخيى وآسف على الاطالة

[WalidAdel]

شكراً للرد يا ... ولكن واحد صحبي معاه لانوس اوتوماتيك شوف انت بقي العربيه دي من امتي و مش بيشتكي من الاتوماتيك خالص و انا لا اقارن استخدامي باي استخدام يعني حقولك حاجه بردوا انا معايا لانوس 2004 و عامل بيها 146500 لحد دلوقتي و الحمد لله مافيهاش حاجه ظهرت ولا عيب حتي من الناس بتقولوا عليها و بخصوص النيسان انا ركبتها و لكن صالونها ضيق اضيق من النوبيرا مع العلم انا وزني
125 و طولي 175 سم

[tom]

ابعد عن النوبيرا اتوماتيك لو عاوز اتوماتيك يبقى لانسر مفيش كلام ميه ميه

[Xpert]

ابعد عن الاتوماتيك الا اذا كنت ناوي تبيع العربيه بعد مده اقصاها 5 سنوات استخدام باشاواتي .. الاتوماتيك مابيستحملش و بيبوظ (في البي ام قبل ال 150 الف كم بتكون مغير الفتيس ..)
انا شخصياً انصح بالمانوال .. هاتها فول اوبشن مانوال .. هاتعيش معاك و محدش عارف الظروف ..
الفتيس الاتوماتيك من جوه فيه اسطوانات كتيره هيا المسؤله عن الغيارات ..الاسطوانات دي اشبه باسطوانه الدبرياج بس صغيره .. و عليها تيل لا يتعدي سمكه سمك كرتونه .. و نظراً لان الفتيس الاتوماتيك مافهوش دبرياج .. فالفتيس بيفضل "معلق علي الغيار" اول ما تنقل العصايه .. لحد ما تفصلها تاني .. ده غير انك كل ما تدوس فرامل بتدوس والعربيه واخده غيار .. هوه الاتوماتيك كده . و هذا ما يؤدي الي تلفه .. ده غير بقي عندك في العربيات الحديثه الاتوماتيك بيبقي علي كونترول يونيت .. لو خدت مطب جامد شويه الكونترول يونيت يفصل فتيسك يبوظ .. و هكذا من دوامات بقي كبيره ..
الاتوماتيك ده بتاع بره .. الاوتوبان و الكلام ده .. هنا في مصر انت عاوز فتيس التروس ... حته الحديده الاينفينسيبل ..لو عملت ايه يمشي معاك .. لو اتكسر حتت يديك اداء .. هات المانوال و اشتري دماغك ...

[WalidAdel]

شكراً يا رجاله علي النصح و إن شاء الله مانيوال بقي و خلاص

[cpt_shawky]

ابعد عن الاتوماتيك الا اذا كنت ناوي تبيع العربيه بعد مده اقصاها 5 سنوات استخدام باشاواتي .. الاتوماتيك مابيستحملش و بيبوظ (في البي ام قبل ال 150 الف كم بتكون مغير الفتيس ..)
انا شخصياً انصح بالمانوال .. هاتها فول اوبشن مانوال .. هاتعيش معاك و محدش عارف الظروف ..
الفتيس الاتوماتيك من جوه فيه اسطوانات كتيره هيا المسؤله عن الغيارات ..الاسطوانات دي اشبه باسطوانه الدبرياج بس صغيره .. و عليها تيل لا يتعدي سمكه سمك كرتونه .. و نظراً لان الفتيس الاتوماتيك مافهوش دبرياج .. فالفتيس بيفضل "معلق علي الغيار" اول ما تنقل العصايه .. لحد ما تفصلها تاني .. ده غير انك كل ما تدوس فرامل بتدوس والعربيه واخده غيار .. هوه الاتوماتيك كده . و هذا ما يؤدي الي تلفه .. ده غير بقي عندك في العربيات الحديثه الاتوماتيك بيبقي علي كونترول يونيت .. لو خدت مطب جامد شويه الكونترول يونيت يفصل فتيسك يبوظ .. و هكذا من دوامات بقي كبيره ..
الاتوماتيك ده بتاع بره .. الاوتوبان و الكلام ده .. هنا في مصر انت عاوز فتيس التروس ... حته الحديده الاينفينسيبل ..لو عملت ايه يمشي معاك .. لو اتكسر حتت يديك اداء .. هات المانوال و اشتري دماغك ...

دى حرب ولا ايه......الكلام ده يصلح سنة 1900 يمكن كانوا بيعملوا فتيس متلزق بصمغ مش فـ 2008

شكراً يا رجاله علي النصح و إن شاء الله مانيوال بقي و خلاص

اخى لا تتردد اشترى الاتوماتيك وستعرف قيمة هذا القرار وفائدته وانت تقود سيارتك يوميا وانت مش اول ولا اخر واحد هيشترى اتوماتيك توكل على الله.

[Xpert]

ده عم تجربه و تعاملات مع اكتر من فتيس اوتوماتيك في انواع مختلفه مثل البي ام و المرسيدس و البيجو و العديد من السيارات ..
انا ماباقولش الاتوماتيك وحش ..ده بالعكس انا عن نفسي كنت احب الاتوماتيك .. بس الاتوماتيك مش للاجواء المصريه .. انا سواقتي بتتعدد ما بين الاستخدام الباشاواتي و الاستخدام الشاق و كله .. انا ناقص ياخدوني تست درايفر ههههههه

[WalidAdel]

امد انت يا استاذ شوقي اقنعتني انت بحكايت مش اول ولا اخر واحد دي فعلاً خير الكلام ما قل و دل

[xenon]

wallahy ya gama3a ana kan ma3aya mitsubishi Mirage Original we kanet automatic kont awel mashel regly mn dawaset en benzen sot el 3arabeya beyehda we te3mel mor enama ana now ma3aya nubira 1 oroby el automatic beta3ha sa7bo kowayes bas mesh beyefsel we saye2 ged