كاوتش 14 ولا 13

[abo_lamar]

السلام عليكم يا شباب
ايه احسن مقاس كاوتش بيحسن اتزان العربية وبيحسن ثباتها على الطريق ... مقاس 13 ولا مقاس 14 ؟
العربية لانوس 2 موديل 2000

[swimmer25]

ياباشا انت مركب جنط ايه اصلا

لو مركب 13 يبقي مينفعش تركب غير 13

لو هتغير الجنوط يبقي احسن تغير ل 14
اولا هتركب كاوتش اعرض 185/60r14

وده اكيد احسن في الثبات ومع الفرامل....
وكمان يبقي عندك فرصة تعمل تعديل الفرامل اذا قررت تعمله

[abo_lamar]

ايوه انا مركب جنط 13 بس حبيعه ان شاء الله وبفكر اغير لمقاس 14 سواء طبعا جنط او كاوتش عشان كده حبيت اعرف اي مقاس بيأثر على ثبات العربية .

[swimmer25]

تمام كده

انا عايز اعمل زيك ان شاء الله توكل علي الله وهات جنط 14
طبعا لازم هتركب عليه كاوتش 14 مينفعش 13

ال 13 بياخد كاوتش عرضه 175 لكن ال 14 بياخد كاوتش عرضه 185
يعني فيه فرق 1 سم وبكده انت عرضت ال 4 فرد 1 سم في كل فردة

يعني اكيد ثبات اكتر واداء الفرامل احسن لان تلامس العجل علي الارض هيبقي اكبر

[swimmer25]

انا بقي مشكلتي اني متردد

بفكر في 3 انواع جنوط

جنط حديد نوبيرا الاصلي
جنط سبور نوبيرا الاصلي
جنط سبور عادي..اندونيسي طبعا

لو انت سالت ولفيت قولنا المميزات والعيوب...

انا بحب الجنط الحديد لانه بيستحمل بس طبعا شكله مش حلو
جنط سبور نوبيرا مش عارف موجود جديد ولا مش موجود
جنط سبور اندونيسي سعره 1700 والتايلاندي 1350 تقريبا

انا بصراحة بحس ان الجنوط الاسبور لا يعتمد عليها ونفسي حد يفيدني في اي حاجة في الموضوع ده

[ahmedhilmy]

متابع باهتمام عرفونا اخر عمليات البحث اللي هتوصلولها و استقريتوا علي ايه لاني ناوي اجي و راكم ان شاء الله في الحوار ده

[Dodo2009]

السلام عليكم يا شباب
ايه احسن مقاس كاوتش بيحسن اتزان العربية وبيحسن ثباتها على الطريق ... مقاس 13 ولا مقاس 14 ؟
العربية لانوس 2 موديل 2000

أنا معايا لانوس 99 وغيرت من شهرين تقريبا الجنط و الكاوتش 14 والتزمت بنفس المقاسات الموجوده فى الكتالوج بتاع العربيه والصراحه اخترت جنط حديد بتاع نوبيرا وكاوتش كومهو ومن يومها حاسه بفرق جامد فى المطبات أحسن بكتير وكمان الثيات على السرعات العاليه حاسه ان العربيه اكتر اتزانا وربنا يوفقك للاحسن

نسيت اقولك ان سبب اختيارى للجنط الحديد لانى حسيت انه بيستحمل اكتر وكمان الجنوط السبور بتتباع كلها 4 فقط من غير استبن

[abo_lamar]

طيب المقاس حيكون كام بالضبط ؟؟
185 / 75 / 14 صح ولا غلط ؟

[Dodo2009]

طيب المقاس حيكون كام بالضبط ؟؟
185 / 75 / 14 صح ولا غلط ؟

أعتقد ان المقاس الموجود فى الكتالوج هو 60/185/14 وحاتاكد منه بكره ان شاء الله لان الكتالوج فى العربيه

[swimmer25]

أعتقد ان المقاس الموجود فى الكتالوج هو 60/185/14 وحاتاكد منه بكره انشاء الله لان الكتالوج فى العربيه

ده فعلا المقاس الصح ان شاء الله
واوعي حد يقنعك بمقاس اكبر ويقولك هيرفع العربية وهيظبط وحاجات من دي

لا يصح الا الصحيح

[swimmer25]

أنا معايا لانوس 99 وغيرت من شهرين تقريبا الجنط و الكاوتش 14 والتزمت بنفس المقاسات الموجوده فى الكتالوج بتاع العربيه والصراحه اخترت جنط حديد بتاع نوبيرا وكاوتش كومهو ومن يومها حاسه بفرق جامد فى المطبات أحسن بكتير وكمان الثيات على السرعات العاليه حاسه ان العربيه اكتر اتزانا وربنا يوفقك للاحسن

نسيت اقولك ان سبب اختيارى للجنط الحديد لانى حسيت انه بيستحمل اكتر وكمان الجنوط السبور بتتباع كلها 4 فقط من غير استبن

هي فعلا مشكلة ان الجنوط الاسبور بتتباع 4 بس....بس ممكن تجيبي الخامس حديد

ممكن تعرفينا اسعار الجنط الحديد ايه و جبتيه منين ؟
وسعر الكاوتش الكومهو....هو كوري ولا فيتنامي؟

[Dodo2009]

ده فعلا المقاس الصح ان شاء الله
واوعي حد يقنعك بمقاس اكبر ويقولك هيرفع العربية وهيظبط وحاجات من دي

لا يصح الا الصحيح

هما فعلا وانا باشترى فى المحل كانوا عايزينى اشترى مقاسات مختلفه بس انا كنت ماسكه الكتالوج ومصممه على المقاسات المطلوبه وكمان التاكد من سنة الصنع للكاوتش الجديد وكان الراجل مستغرب جدا ان سنة الصنع تكون على الاقل اخر2009 لان طبعا ماكنش عنده اى حاجه 2010 وبالنسبه للسعر ال5 جنوط حديد نوبيرا 14 فى حاله ممتازه حوالى 500 او 600 جنيه مش فاكره بالضبط اما الكومهو فالكاوتشه ب 220 تقريبا بعد المفاوضات وطبعا عملت عنده ترصيص كمان
بالنسبه للمحل هو فى شارع احمد سعيد بس حتدوخ شويه علشان تلاقى 5 جنوط نوبيرا وتقعد مستنى ساعه عقبال ما يدور عليهم فى المخزن ويقعد يقولك خد اى نوع تانى ويعملوا شوية افلام كده بس عامة لا تيأس وربنا يوفقك

[ahmedhilmy]

أنا معايا لانوس 99 وغيرت من شهرين تقريبا الجنط و الكاوتش 14 والتزمت بنفس المقاسات الموجوده فى الكتالوج بتاع العربيه والصراحه اخترت جنط حديد بتاع نوبيرا وكاوتش كومهو ومن يومها حاسه بفرق جامد فى المطبات أحسن بكتير وكمان الثيات على السرعات العاليه حاسه ان العربيه اكتر اتزانا وربنا يوفقك للاحسن

نسيت اقولك ان سبب اختيارى للجنط الحديد لانى حسيت انه بيستحمل اكتر وكمان الجنوط السبور بتتباع كلها 4 فقط من غير استبن

وحضرتك جبت الجنوط الحديد دي منين

[Dodo2009]

وحضرتك جبت الجنوط الحديد دي منين

من شارع احمد سعيد وافتكرت سعرهم كان الخمسه بحوالى 450 جنيه متهيألى السعر غالى بس انا ما صدقت لاقيتهم وما عرفتش افاصل معاه قوى بس هما ما شاء الله حالتهم كويسه

[MMamdouh]

أعتقد ان المقاس الموجود فى الكتالوج هو 60/185/14 وحاتاكد منه بكره ان شاء الله لان الكتالوج فى العربيه

+1

MMamdouh