فتح الشنطه بالريموت

[kastela]

انا قرأة قبل كده ان فى حد بيسئل عن فتح الشنطه بالريموت
انا بالفعل عملتها فى عربيتى ولكن لقيت الميزه ده موجوده فى جهاز السنتر
لازم يكون فى الجهاز فتح للشنطه والدايره بسيطه
وعلشان مطولش عليكم ويكون موضوعى متكرر اللى عاوز يعرف يقوللى

[JAM]

ياريت لإنى بفكر فيها بقالى فترة.. والعربية عندى نازل بسنتر ومركبلها إنذار ولف وقريت فى المانيوال بتاعه انه مجهز للعربيت اللى فيها فتح الشنطة كهربائيآ

[hosar]

طب ما ممكن تشرح الموضوع دا

[M.Zaher]

ياريت تقولنا الطريقة
و جهاز الانذار بتاعك ايه
وايه اللى ركبته و ازاي و كلف كام

[khalid9411]

سالت عليه الموضوع ده
قالوا لازم يكون فى الريموت زرار مخصص لذلك وفى انواع انذارات مخصصه لذلك
هو بيركب وحدة سنتر قفل وفتح فى كالون الشنطه من وراء وبيوصل عليها سلك كهرباء لو اريموت فيه زرار لكده يفتح من الريموت لو مفيش بيعملك مفتاح خارجى امامك فى التابلوة يفتح لما تدوس عليه بتوصيل سلك الكهرباء على المفتاح
اذن ينفع انك تفتح بالذراع السفلى اللى نازل بالعربيه ده واحد
وتفتح بالسنتر اللى اتركب ده ثانيا
على احتمال لو السلك اتقطع مثلا بلاش سلك جديد ولا مستعمل ده طريقه افضل واحسن لانوس ونوبيرا كمان

[kastela]

انا هشرحلكم اللى انا عملته بالضبط
انا اختبرت الجهاز اللى عندى الاول اذاى
بتدوس على زر فتح العربيه بس لفتره طويله 4 ثوانى لو سمعت ان فى الجهاز صوت تكه تانيه غير اللى بتفتح العربيه كده بيكون فى الجهاز فتح شنطه
هتدور على السلكه اللى بيوصلها الكهربه ساعت مبتسمع صوت التكه التانيه اللى بقولكم عليها بعد 4 ثوانى اذاى
هتجيب لمبه 12 فولت وتوصل لها سلكتين واحده فى جسم العربيه والتانيه هتلمسها مره مره على السلك اللى مش متوصل اللى فاضى فى الجهاز بتاعك ولما تلاقى السلكه هتمدلها سلك الى الشنطه وتجيب مكنه فتح ذى اللى فى الباب بتاع العربيه وتوصل السلكه عليه والسلكه التانيه بتاعه المكنه فى جسم العربيه لحد كده تمام تمام
وتجرب مفتاح السنتر لو لقيت المكنه بتشد لجوه يبقع صح ولو لقيت المكنه بتدفع لبره للخارج يبقى اقلب السلك من على المكنه الكهربه مكان الارضى
وبعد كده هتلاقى فى الشنطه عمود حديد متوصل من كالون المفتاح الى الطبله
فى اختيارين
الاول اما تلغى الكالون وتشغل العمود ده مع المكنه الكهربه بس
الثانى تجيب عدد 2 واير صغير وتوصلهم بالطبله واحد مع الكالون وواحد مع المكنه الكهربه
وكده يبقى الشنطه بتفتح من الخارج بالرموت وبالمفتاح ومن الداخل بالزراع اللى تحت الكرسى
وانا بفضل الغاء الكالون حمايه من السرقه
ولو فى اى شىء مش واضح بلغونى
وكده تبقى التكلفه (2 واير +مكنه باب 2 طرف +4متر سلك )
وعلشان منساش المكنه هتثبتها فى اى ثقب جنب الكالون بشرط تكون حركه المكنه سهله وميكونش فى حاجه منعاها
ولو حد مش عارف اذاى هصورها وهنزلها
وللعلم معظم الاجهزه فيها الكلام ده
وشكرا

[kastela]

لو العمليه تمام بلغونى ولاتشكرونى
الشكردائمآ لله...........