هل اللانوس سيارة ثابتة علي السرعات و بتستحمل السفر الطويل؟؟؟

[hon]

السلام عليكم ورحمه الله وبركاته
اللانوس عربية جيدة فى السفر عن تجربة وهى فعلا تستحمل السفر الطويل والتحميل
بالنسبة للثبات انا شايف أن أخرها 150 مقبول جدا لو العربية تمام بعد كدا على بيقل الثبات جامد
الفرامل ليست ضعيفة وليست ممتازة جيدة وبتسعف
ماتنسوش الفئة السعرية تقريبا 65 الف دى تعتبر أفضل صفقة من حيث قطع الغيار
خلاصة الكلام فى الانوس
حمل وسافر برحتك وحط بنزين 80 لوحبيت ومسافات كبيرة ولا يهمك بس متجريش وشكرا

[islambana]

السلام عليكم ورحمه الله وبركاته
اللانوس عربية جيدة فى السفر عن تجربة وهى فعلا تستحمل السفر الطويل والتحميل

ماتنسوش الفئة السعرية تقريبا 65 الف دى تعتبر أفضل صفقة من حيث قطع الغيار
خلاصة الكلام فى الانوس
حمل وسافر برحتك وحط بنزين 80 لوحبيت ومسافات كبيرة ولا يهمك بس متجريش وشكرا

+11111111111111
اما بالنسبه للفرامل فهي بتفكرني بفرامل ال 128 مع احترامي للعربيتين

[memoo305]

الانوس عربية إقتصادية تقدر تديها تقدير معقول في كل حاجة : يعني
ثبات : معقول بس مش زي الياباني أو الأوربي طبعاً أو حتي السيراتو والجين . بس ممكن تجيب بيها 140 عادي جداً
ميكانيكا: ماتور gm معقول مبني على تكنولوجيا الأوبل في التسعينات و فرامل معقولة (مش ديسكات خلفي ولا فيها abs ولا ...) بس كويسة.
السفر: أي عربية بتسافر ومابتقولوش لا. أنا على طريق العالمين شايف 127 ملاكي الفيوم .المهم أنك تسايس العربية يعني ماتقفلش الأمبير وتكون متأكد من حالة الكاوتش والسيور و.... على العموم الانوس عربية مريحة في السفر (ده رأي الشخصي)
الكماليات: معقول تكييف وباور وسنتر بس مش نفس جودة وفخامة الياباني أو عراقة الأوربي بس برده شغالة وزي الفل
الصيانات وقطع الغيار : درجة ممتاز مع مرتبة الشرف (جميع قطع الغيار موجوده بأسعار رخيصة و كل الميكانيكية بقو بيفتوا فيها . يعني تعتبر الحفيد الشرعي للـ 128)

[shaky]

لانوس .. 205 ... فرامل تمام
متأكد؟

بجد والله فعلا بس خلاص الحمد لله ربنا هدانا بس فعلا العربية كانت ثابتة معايا والفرامل بجد والله كانت تمام وأسأل المهندس سمير عياد ههههههههههههه

[تامر.محمد]

الانوس عربية إقتصادية تقدر تديها تقدير معقول في كل حاجة : يعني

ثبات : معقول بس مش زي الياباني أو الأوربي طبعاً أو حتي السيراتو والجين . بس ممكن تجيب بيها 140 عادي جداً (و ممكن أكتر بس عموما الثبات معقول لحد 140 , و انا ما جربتوش على سرعات اعلى من كده

ميكانيكا: ماتور gm معقول مبني على تكنولوجيا الأوبل في التسعينات و فرامل معقولة (مش ديسكات خلفي ولا فيها abs ولا ...) بس كويسة. (الفرامل ما تسعفش اوي في المواقف الفجائية انما غير كده شغالة )

السفر: أي عربية بتسافر ومابتقولوش لا. أنا على طريق العالمين شايف 127 ملاكي الفيوم .المهم أنك تسايس العربية يعني ماتقفلش الأمبير وتكون متأكد من حالة الكاوتش والسيور و.... على العموم الانوس عربية مريحة في السفر (ده رأي الشخصي)

الكماليات: معقول تكييف وباور وسنتر بس مش نفس جودة وفخامة الياباني أو عراقة الأوربي بس برده شغالة وزي الفل

الصيانات وقطع الغيار : درجة ممتاز مع مرتبة الشرف (جميع قطع الغيار موجوده بأسعار رخيصة و كل
الميكانيكية بقو بيفتوا فيها . يعني تعتبر الحفيد الشرعي للـ 128)

عايز أضيف كمان اني مؤخرا رحت بيها شرم الشيخ من القاهرة بالنهار و بعدها بأسبوع رجعت و الحمد لله مافيش اي مشاكل ( عربيتي موديل 99 )

[ibmtop]

انا عندي لانوس وعندي فيكترا
اللانوس مقارنه بالفيكترا ثبات مش تمام خالص اللي بحسه علي 160 بحسه علي 80 باللانوس
اعتماديه عاليه وقطع غيارها رخيصه وموتورها جبار يستحمل سفر مسافات طويله بس نصيحه بلاش تجري بيها
فرامل اي كلام

مقارنه ظالمه للانوس

الانوس عربية إقتصادية تقدر تديها تقدير معقول في كل حاجة : يعني
ثبات : معقول بس مش زي الياباني أو الأوربي طبعاً أو حتي السيراتو والجين . بس ممكن تجيب بيها 140 عادي جداً
ميكانيكا: ماتور gm معقول مبني على تكنولوجيا الأوبل في التسعينات و فرامل معقولة (مش ديسكات خلفي ولا فيها abs ولا ...) بس كويسة.
السفر: أي عربية بتسافر ومابتقولوش لا. أنا على طريق العالمين شايف 127 ملاكي الفيوم .المهم أنك تسايس العربية يعني ماتقفلش الأمبير وتكون متأكد من حالة الكاوتش والسيور و.... على العموم الانوس عربية مريحة في السفر (ده رأي الشخصي)
الكماليات: معقول تكييف وباور وسنتر بس مش نفس جودة وفخامة الياباني أو عراقة الأوربي بس برده شغالة وزي الفل
الصيانات وقطع الغيار : درجة ممتاز مع مرتبة الشرف (جميع قطع الغيار موجوده بأسعار رخيصة و كل الميكانيكية بقو بيفتوا فيها . يعني تعتبر الحفيد الشرعي للـ 128)

بصراحه عربيه كويسه جدا واصيله
كنت مسافر الاسكندريه ومعايا 4 وزن ثقيل والشطنه ميلاينه شنط ومشغل التكييف والعربيه زي الفل ماشاء الله عليها ومريحه

[alaasaid]

السلام عليكم و رحمة الله و بركاتة ,

أنا معايا العربية من 2008 و الحمد الله ممتازة و سافرت بيها كتير الاسكندرية و العين السخنة و الحمد الله عربية ممتازة .

[mahmoudysf]

بالاضافة لكل اللي اتقال
ممكن تحسين الثبات عن طريق جنوط 14 وكاوتش 185/60/14 بصراحة المقاس ده فارق معايا في الثبات لحد ما
والفرامل ممكن تعمل التعديل بتاع ممدوح على الاقل التعديل الامامي

[wael_dosoky]

كنت بأسافر باللانوس 99 حتي دهب وبسرعة لغاية 140 وكانت ممكن تجيب اكتر بس الثبات ماكنش يسمح
والحمد لله ما فيش اي مشاكل منها لا في السخونة ولا غيره

[ouba2]

طيب تفضلوهالي هي ولا اللانسر كريستالة؟؟

[khalid9411]

الانوس هتديلك موديل اعلى اما الكريستاله موديل قديم

[acoount]

العربيه على 140 ما تحسش انك خايف وبالتالى ده معناه ثبات بس الدركسيون بيبقى خف شويه نتيجه ان وزن العربيه خف من السرعه

[Amro_ON]

طيب تفضلوهالي هي ولا اللانسر كريستالة؟؟

طبعا الكريستالة ... ابن عمتي جاب الانوس زيرو وندم ندم فضيع عشان بتحك في كل حاجة و اي حاجة دة غير التأفيل المعفن بتاع مصر. نصيحة لوجه الله ابعد عنها تماما...... خد نظرة على اللوجان احسن مليون مرة من الانوس او زود شوية و جيب نيو أكسنت

[Eng.Geo]

حسب الحالة

[ahmedhilmy]

عربيات ما شاء الله عليها بجد اصيلة