الى سمير بك عياد ومحمد بك ممدوح واهل الخبره

[ashraf_5971]

السياره سحبها وحش جدا (لانوس99)....فى الصباح السحب بيبقى الى حد ما كويس نوعا وانا راجع من الشغل بعد الظهر بيبقى وحش جدا......مع وجود ارتفاع فى صوت الموتور......وصوت نحره عندما ازود بنزين

وفى حاجه تانيه....فى تقل فى الدركسيون وصوت حكه واضحه عند الدوران يسار(البطاحات جديده واصليه)

الفرش بتاع ارضيه العربيه ناحيه السائق معرق زيت

افيدونا يا اهل العلم والخبره افادكم الله

[samirayad]

السياره سحبها وحش جدا (لانوس99)....فى الصباح السحب بيبقى الى حد ما كويس نوعا وانا راجع من الشغل بعد الظهر بيبقى وحش جدا......مع وجود ارتفاع فى صوت الموتور......وصوت نحره عندما ازود بنزين

الدبرياج عمره أد أيه بالسياره ............؟

وفى حاجه تانيه....فى تقل فى الدركسيون وصوت حكه واضحه عند الدوران يسار(البطاحات جديده واصليه)

الفرش بتاع ارضيه العربيه ناحيه السائق معرق زيت

نغير الأول أويل سيل علبة الدركسيون

ونظبط مستوى زيت الباور ونأخد الهواء من الدايره

ونشحم البطاحات من داخل الحوض

ونجرب


______________________

وياريت

أخى الفاضل أنت وجميع الأخوه طارحى المواضيع

بلاش يتم كتابة أسمى على قائمة عنوان أى موضوع

وبالطبع حينما أجد نفسى قادرا على المشاركه

فى أى موضوع

فلن أتردد بإذن الله

وكل الأخوه فى القسم

بركه وأكفاء بفضل الله

[ashraf_5971]

[QUOTE=samirayad;3872841436]الدبرياج عمره أد أيه بالسياره ............؟




نغير الأول أويل سيل علبة الدركسيون

ونظبط مستوى زيت الباور ونأخد الهواء من الدايره

ونشحم البطاحات من داخل الحوض

ونجرب[/QUOTE

الدبرياج لم يكمل سنه

الميكانيكى هو اللى حيغير اويل سيل العلبه...ويعمل بقيه الشغل.....ام هناك صنايعى متخصص؟؟؟


وطب وموضوع النحره....والصوت العالى.......الخ

[ashraf_5971]

وياريت

أخى الفاضل أنت وجميع الأخوه طارحى المواضيع

بلاش يتم كتابة أسمى على قائمة عنوان أى موضوع

وبالطبع حينما أجد نفسى قادرا على المشاركه

فى أى موضوع

فلن أتردد بإذن الله

وكل الأخوه فى القسم

بركه وأكفاء بفضل الله






ارجو الا تزعل......فكلنا نحبك ونحترمك.....واسمك بيعطى ثقل لاى موضوع انت ومحمد ممدوح......لكن طلباتك اوامر يا هندسه

[samirayad]

الميكانيكى هو اللى حيغير اويل سيل العلبه...ويعمل بقيه الشغل.....ام هناك صنايعى متخصص؟؟؟

نعم الميكانيكى حيقوم بكل الشغل

وطب وموضوع النحره....والصوت العالى.......الخ

الدبرياج لم يكمل سنه

مش شرط على فكره قلة عمر الدبرياج بعد عمرته

فجايز تكون الخامات وحشه للمكونات

بالمناسبه أنت

عمرت الدبرياج بمكونات نوعها أيه .........جديده ولا أستيراد ؟

وماهى المكونات اللى أتغيرت وقت عمرته ........؟

وجارى دراسة أسباب أخرى تولد صوت نحر وسحب ردىء


وياريت تحاول تقرب لنا مكان صوت النحر

لأننى أعتقد هناك وجه صله بين النحر ونقصان قيمة السحب

فهل تسمح النحر داخل الصالون ( تحت الكنبه الخلفيه ) .......؟

أو عند العجلات وهل يوجد فى غرفة المحرك ..........؟


وبالتقريب فى أى منطقه من غرفة المحرك.........؟

[samirayad]

ارجو الا تزعل......فكلنا نحبك ونحترمك.....واسمك بيعطى ثقل لاى موضوع انت ومحمد ممدوح......لكن طلباتك اوامر يا هندسه

ربنا يخليك

ومفيش زعل ولا حاجه

وشكرا لك

أستاذ : أشرف

[ashraf_5971]

انا عملت دسك واسطوانه بس مش فاكر نوعهم الميكانيكى قالى دول انضف حاجه جداد.....بس انا عملت عمره موتور بعدها غيرت سبايك ((طقم شنبر وسبيكه و وش سلندر+قشط)

الصوت باسمعه تقريبا عند الدواسات(البنزين)

[samirayad]

الصوت باسمعه تقريبا عند الدواسات(البنزين)

حاول تبقى تفتح الغرفه وقت الحاله دى

وأنت مدور وزود بنزين من عند بكرة الأكسراتير

وتعرف على مكان الصوت أكتر

للتفرقه

هل هو من المكنه أو علبة الفتيس ومن داخلها الدبرياج

وممكن تخللى الميكانيكى

اللى حيغيرلك سيل علبة الدركسيون

يساعد معاك

وشوف حيقولك أيه

وقولنا برضه

علشان نشيك معاك على صدق كلامه من عدمه

وخليه يوريك مكان النحر

علشان تكون شاهد على صدق كلامه

ونقدر نقولك رأى صح

[samirayad]

بالمناسبه

أستاذ : أشرف

هل يوجد عندك بالشكمان ( علبة بيئه )

وهل بتحس بسخونه شديده عند يد النقل الخاصه بالفتيس

وقت الحاله دى بتاعة النحر وقلة السحب

[ashraf_5971]

انا مغير الشكمان كله بس مش مركب علبه بيئه

بس انا لم الاحظ سخونه العصايه بصراحه

هل ممكن تكون العمره فشلت فى حاجه......لان بعد العمره العربيه لم ترجع زى ما انا اشتريتها من سنه نصف.....ومنذ اسبوع ذهبت لميكانيكى مجاور واشتكيت له ضعف السحب..وهل العمره اللى عملتها فاشله ام ناجحه وصوت العربيه العالى.عمل الاتى:
فعمل اختبار امامى قاللى عشق الرابع وفك البوجيه رقم 1 من الشمال ورفع الجنب الامامى الايسر للسياره

وجاب مقاس الزيت وقعد يحرك العجله للامام والخلف واثناء تحريكه لها يضع مقاس الزيت مكان البوجيه وكان بيلا حظ حركه التروس الخارجيه

وبعدين اعاد كل شئ لاصله ونزل العربيه وخدها جربها وقاللى العمره كويسه ونصحنى بشراء كاوتشه للعمه(بتبقى موجوده تحت فلتر الهواء عشان عدم وجودها بيخنق العربيه

ما راى حضرتك

[samirayad]

عمل الاتى:
فعمل اختبار امامى قاللى عشق الرابع وفك البوجيه رقم 1 من الشمال ورفع الجنب الامامى الايسر للسياره

وجاب مقاس الزيت وقعد يحرك العجله للامام والخلف واثناء تحريكه لها يضع مقاس الزيت مكان البوجيه وكان بيلا حظ حركه التروس الخارجيه

تروس أيه الميكانيكى الربع كم ده

أيه دخل التروس بتاعة التقسيمه

بالعجله اللى متصله بالكبلن ثم كورونة الفتيس

ده كله شغل أستعراض فى نظرى

[samirayad]

ونصحنى بشراء كاوتشه للعمه(بتبقى موجوده تحت فلتر الهواء عشان عدم وجودها بيخنق العربيه

ونعم النصيحه

ممكن تورينى مكانها بصوره كده

أو أى زميل يورينى صورتها فى الانوس

دا أذا كانت موجوده أساسا

أما ألقى نظره كده

فى الكتالوج وأبص على اللى قبل الفلتر

لحسن الميكانيكى ده

حيجننى الصراحه

[ashraf_5971]

معلش يا باشا هو رفع الجنب الايمن مش الايسر......وكان بيحرك العجله اليمنى

طب اعمل ايه.......عشان انا زهقت بصراحه.....ربنا يكرمك ويرضى عليك

[samirayad]

شوف الصوره دى للعمه وأسفلها
وقوللى هو قالك أيه اللى ناقص عندك تحت الفلتر

[samirayad]

بس انا عملت عمره موتور بعدها غيرت سبايك ((طقم شنبر وسبيكه و وش سلندر+قشط)

وصوت نحره عندما ازود بنزين

بالمناسبه

بتستعمل زيت نوعه أيه

وهل لينت صح

وهل غيرت الزيت والفلتر بعد التليين مباشرة

وحتغير الزيت والفلتر الحاليين أمتى .........؟