إستفسار بخصوص المياه

[popahly]

أحب أسأل خبرائنا عربية زى بتاعتى كدا بعد موضوع ظبط دورة التبريد وكدا المفروض تقعد المياه فيها قد ايه وتخلص وهى موديل 99 ياعنى غير العربيات الزيرو.

علماً بإنى من حوالى 6 شهور كدا كنت مغير جوان وش سلندر وكوعة مياه وعملت كبس بعد الكلام دا كله وكان مفيش اى تسريب بس لاحظت من اسبوعين كدا ان المياه خلصت من القربة وكنت غاسل وحاطت مياه خضرة قبلها بشهرين يا ترى دا مشكلة جديدة فى دورة التبريد ولا ايه وشكرا

[MMamdouh]

كدة فيه تسريب فى دورة التبريد

MMamdouh

[popahly]

كدة فيه تسريب فى دورة التبريد

mmamdouh

محمد باشا وحشنى والله كتير...

طيب يا ترى ممكن يكون التسريب من إيه أنا والله بشك انه ممكن يكون من غطاء القربة بس مش متأكد لأن حسن الصغير وانا عند عبده عملى الكبس من فترة كدا ومكانش فيه اى تسريب قدام عينى بس برضوا كدا لازم اتأكد وأعمل كبس تانى عند عبده

بس يا ترى ممكن تقولى أتأكد أزاى أن الغطاء هو اللى عامل المشكلة دى إذا كان فيه طريقة اعرف بيها وياريت كمان تفيدنى المياه المفروض تقعد قد إيه فى القربة وشكرا

[MMamdouh]

اولا المية المفروض تبقى فى القربة على طول... طالما المية بتنقص يبقى فيه تسريب

لو شاكك فى الغطا امشى بالعربية مشوار رفيع و اركن و سيب العربية دايرة... اول ما مراوح التبريد تشتغل بطل العربية فورا و تابع وجود اصوات تنفيس من غطا القربة او خروج فقاقيع من بين الغطا و القربة نفسها... اصلا لو انت حاطت مية خضراء و الغطا وحش لازم تلاقى اثار مية على القربة من برة

MMamdouh

[popahly]

اولا المية المفروض تبقى فى القربة على طول... طالما المية بتنقص يبقى فيه تسريب

لو شاكك فى الغطا امشى بالعربية مشوار رفيع و اركن و سيب العربية دايرة... اول ما مراوح التبريد تشتغل بطل العربية فورا و تابع وجود اصوات تنفيس من غطا القربة او خروج فقاقيع من بين الغطا و القربة نفسها... اصلا لو انت حاطت مية خضراء و الغطا وحش لازم تلاقى اثار مية على القربة من برة

mmamdouh

انا لاحظت فعلا من فترة أثر لمياه خضراء على القربة من برة بس مش من عند الغطاء من عند خرطوم من الاتنين اللى داخل واللى خارج للقربة اللى على الشمال بشكل اوضح وكنت غيرتله القفيز قبل كدا بس فى اثر وهتأكد تانى كدا وأشوف هل فعلاً لسه فيه اثر ولا لاء

[khalid9411]

اولا المية المفروض تبقى فى القربة على طول... طالما المية بتنقص يبقى فيه تسريب

لو شاكك فى الغطا امشى بالعربية مشوار رفيع و اركن و سيب العربية دايرة... اول ما مراوح التبريد تشتغل بطل العربية فورا و تابع وجود اصوات تنفيس من غطا القربة او خروج فقاقيع من بين الغطا و القربة نفسها... اصلا لو انت حاطت مية خضراء و الغطا وحش لازم تلاقى اثار مية على القربة من برة

mmamdouh

الله يفتح عليك يا ابو يوسف ويبارك الله فيك وفى اولادك فى المعلومات القيمة ده

[engaass]

انا فى عربيتى اللادا بعد ماحطيط مياه خضرا لاقيتها بتنص وبتنط تحت القربة ولاقيت الكولية عايز يتغير وبعد ماظبته المية مابتنقش خالص وخلى بالك ان بقول في ال لادا

[popahly]

انا فى عربيتى اللادا بعد ماحطيط مياه خضرا لاقيتها بتنص وبتنط تحت القربة ولاقيت الكولية عايز يتغير وبعد ماظبته المية مابتنقش خالص وخلى بالك ان بقول في ال لادا

تمام واخد بالى طبعا ربنا يسهلها معانا بقى ونخلص من المشكلة اللى من ساعة مجبت العربية وهى ازلية معايا

[MMamdouh]

انا لاحظت فعلا من فترة أثر لمياه خضراء على القربة من برة بس مش من عند الغطاء من عند خرطوم من الاتنين اللى داخل واللى خارج للقربة اللى على الشمال بشكل اوضح وكنت غيرتله القفيز قبل كدا بس فى اثر وهتأكد تانى كدا وأشوف هل فعلاً لسه فيه اثر ولا لاء

كدة ممكن تكون القربة نفسها مشروخة... بص على البزبوز بتاع القربة اللى راكب فيه الخرطوم اللى بيخر

MMamdouh

[popahly]

كدة ممكن تكون القربة نفسها مشروخة... بص على البزبوز بتاع القربة اللى راكب فيه الخرطوم اللى بيخر

mmamdouh

يا مسهل وتطلع حاجة بسيطة إن شاء الله

[samirayad]

وكنت غيرتله القفيز قبل كدا بس فى اثر وهتأكد تانى كدا وأشوف هل فعلاً لسه فيه اثر ولا لاء

تلاقيك بس مش حاكم الخرطوم على الزور الجانبى للقربه أو البزبوز صح

ورابط الأفيز مش كويس

والخرطوم ملص شويه لورا

ومن هنا حدث ماقد حدث من نقصان للمياه

مع أرتفاع وزيادة ضغط مياه التبريد

[popahly]

تلاقيك بس مش حاكم الخرطوم على الزور الجانبى للقربه أو البزبوز صح

ورابط الأفيز مش كويس

والخرطوم ملص شويه لورا

ومن هنا حدث ماقد حدث من نقصان للمياه

مع أرتفاع وزيادة ضغط مياه التبريد

اخونا الكبير اللى وحشنى كتير والله يسلملى ردك واتمنى يكون تحليلنا صح للمشكلة وميطلعش حاجة جديدة والف شكر ليك يا بشمهندس سمير

[popahly]

النهاردة بعد الصلاة مباشرة قولت اعمل اللى نصحتونى بيه وابص كويس على الكوليهات واللذى منه فى موضوع المياه وكان فيه واحد صاحبى واقف جنبى وانا بفك الخرطومين اللى فى القربة علشان اشوف البزبوز بتاعهم ايه ظروفه ومرة واحدة الاقيه بيقول ( ولا يا ياسر إلحق بص على الخرطوم دا والكوليه دا ) بضرب بعينى لقيت الكوليه اللى ماسك الخرطوم اللى جاى من عند مراوح التبريد وداخل على كوعه المياه مقسوم نصين ومصدى وحالته بالبلاء المهم قولت (إستغفر الله العظيم) و (الحمد لله) طبعا كوعه المياه اللى لسه مغيرها من 5 شهور الزور بتاعها بعد مفكيت الخرطوم كان بدأ الصدأ ياكل فيه وباين شوية صدأ قومت جايب كوليه جديد ونظفت مكان الصدأ بالـ wd-40 ومسحت كويس بفوطه ناشفة وحطيت الخرطوم تانى وبعد كدا ربط الكوليه كويس وزودت طبعا شوية مياه مقطرة بدل المياه الخضراء اللى وقعت على الأرض وبرضوا راجعت على القربة اللى كان فيه زى اثر لتسيل من جنب الخرطوم الشمال اللى داخل فى البزبوز لاحظت ان البزبوز زى ميكون فيه شرخ بسيط بس إستنتاجى ان المياه نقصت مرة واحدة فى الفترة اللى فاتت دى نتيجة للكوليه اللى كان ماسك الخرطوم بكوعة المياه وسبحان الله مكنتش شايفه نهائى بس زيادة تأكيد برضوا ربط على كل الكوليهات كويس وعلمت مكان المياه فى القربة وهشوف بقى النتيجة ويارب يكون دا سبب اساسى فى نقص المياه ويكون إتحل... إيه رأيكم

سؤال بطرحه ياترى كدا كوعة المياه شوية الصدأ اللى فيها دا هيأثر بشئ سلبى ولا اتعايش ومفيش اضرار ولكم جزيل الشكر

[samirayad]

بضرب بعينى لقيت الكوليه اللى ماسك الخرطوم اللى جاى من عند مراوح التبريد وداخل على كوعه المياه مقسوم نصين ومصدى

أنت متأكد

أنك ضربت عينك كويس

ياباشا ده جاى من الردياتير ورايح لبزبوز القربه اللى جنب قربة الميه

وموضوع الشرخ ده

مينفعش الحكم عليه اللى أما يتشاف ويتعرف نظافه


والصدأ اللى كان على البزبوز ( عادى وسببه الكوليه المكسور )

[popahly]

أنت متأكد

أنك ضربت عينك كويس

ياباشا ده جاى من الردياتير ورايح لبزبوز القربه اللى جنب قربة الميه

وموضوع الشرخ ده

مينفعش الحكم عليه اللى أما يتشاف ويتعرف نظافه


والصدأ اللى كان على البزبوز ( عادى وسببه الكوليه المكسور )

لا يا بشمهندس الكولية اللى كان مكسور دا كان اللى مقرط على الخرطوم اللى راكب فى كوعة المياه بعيد خالص عن القربة دا حاجة فى ناحية تانى خالص منا بقول لحضرتك مكنتش شايفه بعيد عن المكان اللى كنت شاكك فيه