عناوين و تليفونات محلات قطع الغيار الأصليه للانوس

[ahmedezzat78]

طبعا قطع غيار الدايو فى منها مليون نوع و سعر و صناعه و القطع الغير أصليه بتتعبنا كلنا

فيه ناس كتير بتتكلم عن ابو الحسن و المنير و غيره ........ طيب مافيش فى مدينه نصر مثلا؟؟ أكيد فيه

يا ريت اللى يعرف محلات بتبيع أصلى يكتبها هنا فى الموضوع ده مع ذكر العنوان بالتفصيل و أى علامات مميزه و التليفون و لو حد عرف يحط الخريطه من جوجل يبقى تمام قوى

أعتقد ان الموضوع ده هيبقى مفيد زى موضوع أسعار قطع الغيار عشان كل واحد يرجع للموضوع ده عند اللزوم و يشترى حاجته من أقرب مكان لسكنه

[toni]

موضوع جميل و مفيد رجاء التثبيت

[mohfud]

أهم من العناوين الانواع المحترمة والماركات الكويسة وأسعارها لننا لانسمع إلا كلمة الاصلى يعنى جى أم وبوش فقط لكن هناك ماركات يابانى والمانى وتركى لقطع الغيار بتكون كويسة

وبعض الاشياء يفضل الجديد ولا الاستيراد ونريد أن نعرف موقع شارع دمشق بالضبط وهو الاحسن ولا التوفيقية وشكرا

[ahmedezzat78]

أهم من العناوين الانواع المحترمة والماركات الكويسة وأسعارها لننا لانسمع إلا كلمة الاصلى يعنى جى أم وبوش فقط لكن هناك ماركات يابانى والمانى وتركى لقطع الغيار بتكون كويسة

وبعض الاشياء يفضل الجديد ولا الاستيراد ونريد أن نعرف موقع شارع دمشق بالضبط وهو الاحسن ولا التوفيقية وشكرا

الأسعار و الماركات موجوده فى موضوع مثبت هنا

http://www.nilemotors.net/Nile/19945-a.html

وبعض الناس بتقول أنا جبت كذا من عند فلان ................ طيب فين فلان ده؟؟؟ هوه ده هدف الموضوع

[MMamdouh]

انا اللى اعرفة اتنين فى قطع الغيار

ابو الحسن فى شارع المرور - بين السرايات
المنير فى اول شارع فيصل

و اعرف وكيل NGK فى اول شارع قدرى بالسيدة زينب

و اعرف موزع معتمد لمونرو (غير ابو الحسن طبعا) و هو هشام لهيطة بشارع ذكى - التوفيقية

MMamdouh

[ahmedezzat78]

تمام يا باشا

لو عندك تليفونات حد منهم ياريت تحطها عشان نتأكد من توافرالحاجه بدل المشوار

[ahmedezzat78]

توكيلngk هو شركة التوفيق ورقم تليفونهم 23917679

ليهم فرعين السيده زينب----المعادي

منقول من موضوع فى قسم السوزوكى

[Car's Sniper]

فكرة جميلة جدا وحكاية خريطة جوجل تعتبر الحل الامثل عشان الفاتايين المنتشرين اليومين دول
امبارح كنت رايح لمحل المتحدة و اللى المهندس محمد ممدوح ربنا يباركله كان حاطط مكانه على خريطة جوجل..حفظت الخريطة صم وتوكلت على الله وعشان اتأكد سألت اتنين فى الشارع عن الثلاثى بتاع الزجاج لاقيت الاتنين (هما مش مع بعض) بدل مايقولوا مانعرفش لاقيت كل واحد منهم بيقولى على مكان شكل ومتاهات مع انى متأكد ان الشارع اللى احنا فيه اسمه جمال عبد الناصر وفيه الثلاثى بتاع الزجاج..بعدهم بعشرين متر بالظبط(يعنى لو كانوا بصوا كانوا هايشوفوه) لاقيت محل الثلاثى اللى منه اروح للمتحدة
ولو كنت مشيت ورا كلام اى حد منهم كنت زمانى لسة بادور حوالين نفسى

والحقيقة انا معرفش غير توكيل دايو اللى على اول الاسماعيلية وانت جاى من ناحية طريق القاهرة الاسماعيلية الصحراوى وهتلاقوا عليه يافطة كبيرة اوى للدايو وجنبها اسيبرانزا

[ahmedezzat78]

الشرقاوى: 166 شارع جسر السويس - امام فندق السلام
تليفونه : 22958722 - 22984176

منقول