استفسار عن الرشاشات وترتيب سلوك البوجيهات

[Car's Sniper]

السلام عليكم ورحمة الله وبركاته
امبارح رحت اشتريت رشاشات من عند المحل اللى البشمهندس محمد ممدوح قال عليه..وبصراحة الراجل كان فعلا لسة فاككهم قدامى من ماتور بى ام...كنت رايح مع واحد صاحبى من غير عربيتى فاشتريتهم ورجعت وانا ضامنهم لأنهم اتفكوا قدامى والراجل قالى دى حاجتنا ولو فيها حاجة جبهالى تانى
ويافرحة ماتمت...بعد مارجعت الشرقية اكتشفت الصدمة...لاقيت جلدة من الجلد اللى فى الرشاش من ناحية السن اللى بيرش مش موجودة ..طبعا انا اتضايقت جدا انى مخدش بالى من حاجة زى دى وانا عنده , بس خلاص قدر الله وماشاء فعل
لاحظوا عدم وجود الجلدة السودة من ناحية الشمال فى الرشاش اللى فوق



فممكن حد من الخبرا يعرفنى هل فى الامكان انى اجيب الجلدة دى من رشاشات العربية الاصلية(القديمة البايظة) مثلا واركبها ولا ماينفعش وهل فى حلول تانية لأن عشان ارجعها فيها مشوار كبييير جدا
انا لسة لغاية دلوقتى ماركبتهمش وقلقان اركب اللى من غير جلدة دى

وكنت عايز اسأل على حاجة تانية
المهندس محمد ممدوح قال فى مسألة ترتيب اسلاك البوجيهات ان المفروض الترتيب يكون السلك الاول فى البوجيه الاول وهكذا
انا مش عارف اوضح كويس لأنى مش عارف اسماء القطع
بس فى حاجة محطوطة بالطول اللى طالع منها الاسلاك للبوجيهات وطبعا البوجيهات محطوطة بالعرض
والمهند محمد ممدوح كان قايل ان السلك الاول اللى طالع من الحاجة اللى بالطول المفروض انه يدخل للبوجيه الاول
مش مهم تعدوا من انهى ناحية عشان اكتشفت حاجة غريبة عندى
هاعد من الامام للخلف(فى الحاجة اللى بالطول) ومن شمال جسم العربية(اقصد من ناحية الدركسيون) للناحية التانية
السلك الاول(فى الحاجة اللى بالطول) رايح للبوجيه التالت... والسلك التانى رايح للبوجيه الاول.... والسلك التالت رايح للبوجيه التانى.... والسلك الرابع رايح للبوجيه الرابع
فطبعا الحكاية ملخبطة عندى خالص ومش عارف هى كدة صح ولا غلط
ولو حاولت ارتبهم بالترتيب (الاول للاول والتانى للتانى وهكذا) ايه اللى ممكن يحصل لو طلع الترتيب غلط؟؟...قصدى اجرب ولا لأ؟؟
ارجوا الرد خصوصا فى موضوع الرشاشات بالذات
واسف لو الموضوع طوبل ومعقد جدا بس اعذرونى ..انا ماليش غيركوا بعد ربنا
واسف كمان على التعقيد الذرى ده

[m_mekkawy]

خد جلده من جلد بخاخات عربيتك

[Car's Sniper]

الله يخرب بيت الفتايين ...رحت للميكانيكى والراجل كشفلى عليها (من غير سكانر) بإيده وقالى رشاشات ودلوقتى لسة رايح عند واحد تانى سمعت ان عنده سكانر... بس من غير سكانر قاللى العيب مش فى الرشاشات وطلع ان السلك بتاع حساس الشكمان كان مفصول
ورحت اشتريت حاجة جديدةاسمها bullsone..intake system cleaner ب 25 جنيه ونضفلى بيها المانفلود والعربية بقت تمام مع انى وريته الwd-40 وقاللى لأ عايز سبراى رشاشات
دلوقتى بقى عايز ارجع الرشاشات البى ام للمتحدة اللى فى الحرفيين ومش عارف الراجل هيرضى ولا لأ...فلو حد معاه رقم تليفونه ياريت يقولهولى عشان اشوف ايه نظامه

[Car's Sniper]

خد جلده من جلد بخاخات عربيتك

شكرا لرد حضرتك وفعلا الراجل قاللى بسيطة وممكن نجيب الجلدة بتاعت القديمة...بس الحمد لله ماركبتش حاجة

[dr.hany]

حضرتك اشترتيهم بكام؟

[M.Zaher]

ده ترتيب اسلاك البوجيهات

الاول حنرقم البساتم بالترتيب من ناحية سير الكاتينة الى البطارية 1 و 2 و 3 و 4

و بعد كدة حنرقم فتحات البوبينة من فوق لتحت (او من صدر العربية للرادياتير لو نوبيرا او ليجانزا) 1 و 2 و 3 و 4

الترتيب الصح حيبقى:

سلك رقم 1 من البوبينة رايح للبستم 1
سلك رقم 2 من البوبينة رايح للبستم 4
سلك رقم 3 من البوبينة رايح للبستم 2
سلك رقم 4 من البوبينة رايح للبستم 3



mmamdouh

بالنسبه للرشاشات
سعرهم كام

[m_mekkawy]

انا رايى رحله وحتى لو مش رضى قله هبدلهم وبدلهم بأى حاجه تنفعك

[Dodo2009]

الله يخرب بيت الفتايين ...رحت للميكانيكى والراجل كشفلى عليها (من غير سكانر) بإيده وقالى رشاشات ودلوقتى لسة رايح عند واحد تانى سمعت ان عنده سكانر... بس من غير سكانر قاللى العيب مش فى الرشاشات وطلع ان السلك بتاع حساس الشكمان كان مفصول
ورحت اشتريت حاجة جديدةاسمها bullsone..intake system cleaner ب 25 جنيه ونضفلى بيها المانفلود والعربية بقت تمام مع انى وريته الwd-40 وقاللى لأ عايز سبراى رشاشات
دلوقتى بقى عايز ارجع الرشاشات البى ام للمتحدة اللى فى الحرفيين ومش عارف الراجل هيرضى ولا لأ...فلو حد معاه رقم تليفونه ياريت يقولهولى عشان اشوف ايه نظامه

رقم ت المتحده اللى فى الحرفيين هو 0101124108

[Dodo2009]

أنا اشتريت الرشاشات يوم 6-7-2010 من المتحده ب 180 جنيه والراجل كان بيفكها من مكنه جديده فى حاله ممتازه وياريت اللى يشترى من هناك بجربها ويركبها فى نفس الوقت هناك على طول علشان يكون ضامن ان كل حاجه تمام

[Car's Sniper]

حضرتك اشترتيهم بكام؟

جبتهم ب220 جنيه بس انا فاشل فى الفصال واخرتى باقول للبياعين جملة واحدة:قبل ماتقول السعر انا مش هفاصل معاك فجيب من الاخر..هو كان قايلى ب250 وتقريبا لو حد بيعرف يفاصل كويس ممكن يجيبهم ارخص منى

ده ترتيب اسلاك البوجيهات




بالنسبه للرشاشات
سعرهم كام

جبتهم ب220 ياباشا وشكرا لحضرتك على الترتيب بس طلع ان النوبيرا مش بالترتيب دا

انا رايى رحله وحتى لو مش رضى قله هبدلهم وبدلهم بأى حاجه تنفعك

لسة ضارب المشوار حلا ..بصراحة وكلمة حق, الناس دى اكثر من محترمة اول مادخلت بالظبط القيت السلام ولسة بقوله انا اشتريت دى امبارح وماطلعش العيب رشاشات وكنت..وقبل ماكمل قاللى عادى ياباشا ولا يهمك وفى اقل من نص دقيقة كنت واخد فلوسى ومروح

رقم ت المتحده اللى فى الحرفيين هو 0101124108

الف شكر ياباشا ربنا يباركلك ..انا توكلت على الله ورحت ورجعتهم والحمد لله

أنا اشتريت الرشاشات يوم 6-7-2010 من المتحده ب 180 جنيه والراجل كان بيفكها من مكنه جديده فى حاله ممتازه وياريت اللى يشترى من هناك بجربها ويركبها فى نفس الوقت هناك على طول علشان يكون ضامن ان كل حاجه تمام

سعر ممتاز ...للاسف رخص العربية منتهية فماكنش ينفع اروح بيها