تغيير زجاج الدايو لانوس من عادي الي كهرباء

[marozzzz]

عايز اغير الزجاج في دايو لانوس 2 من عادي الي كهرباء
1- عايز اعرف اية الحجات الي حاشتريها و حيكلف كولو كام.
2- حاحتاج اغير البطارية او اركب حاجة زي الكتاوت ( معرفش) عشان الاربعة يشتغلو كويس و بسرعة معقولة و مأسرش علي كهربة العربية.

[khalid9411]

اولا/لازم اربع ماكينات زجاج كهرباء بالمواتير بتاعتها
ثانيا/انت لو عايز الاربعه يبقى لازم تغغير فرش الابواب ليه؟
علشان زراير الزجاج الكهربائى
اذا كنت عايز تعمل الاتنيين اللى قدام بس ممكن يعمل المفتاحين بين الكرسيين مش هتحتاج فرش ابواب
الحاجات ده مش محتاجة ولا تغيير بطاريه ولا كتوت ولا شئ

[tuttoo]

الشغله دي لازم تعملها من استيراد الخارج ( استعمال الخارج) افضل دي وجهة نظري

[mmd3]

انا مرة سالت علي ال 4 ماكينات زجاج استيراد قالي 280 جنية من غير المفاتيح ولا التركيب ولا اي حاجة
وقالي هتروح لواحد بتاع ابواب يركبهم وبعد كدة للكهربائي عشان يوصلهم
وفي واحد صاحبي مركب الاربع ابواب كلهم زجاج وبالمفاتيح ب 400 جنية بس الماكينات صيني

[marozzzz]

شكرا يا خالد باشا , بس لو امكن اعرف تقريبا حتتكلف كام لو عملت الاربعة ؟

[marozzzz]

انا بفكر يا tuttoo اعملها استيراد بس لسة موش عارف حاتكلفني كام واعملها عند ميين

[marozzzz]

انا مرة سالت علي ال 4 ماكينات زجاج استيراد قالي 280 جنية من غير المفاتيح ولا التركيب ولا اي حاجة
وقالي هتروح لواحد بتاع ابواب يركبهم وبعد كدة للكهربائي عشان يوصلهم
وفي واحد صاحبي مركب الاربع ابواب كلهم زجاج وبالمفاتيح ب 400 جنية بس الماكينات صيني

المشكلة اني بخاف من الصيني و بحب لما اعمل حاجة اعملها احسن حاجة موجودة عشان اريح دماغي منها.
بس كدة شكل السعر حتي لو حاجة اندف موش حيبقي غالي اويز

[dr.hany]

الشغله دي لازم تعملها من استيراد الخارج ( استعمال الخارج) افضل دي وجهة نظري

11111111111111111111111111

[migo76]

حد يعرف مكان اشترى منة استيراد فى القاهرة

[Shiref_mohamed]

حد يعرف مكان اشترى منة استيراد فى القاهرة

الحرفيين ، الوكالة

[JAM]

حد يعرف مكان اشترى منة استيراد فى القاهرة

عليك وعلى الحرفيين ... والأحسن انك تنزل بورسعيد

[khalid9411]

عليك وعلى الحرفيين ... والأحسن انك تنزل بورسعيد

+1

[Akram]

انزل التوفيقية عند (لهيطة) هيركب مكن ياباني للبابين الأمامين و المفتاح الأصلي اللي بين الكرسين (تحت فرامل اليد) و هيشيل الأوكر اللي راكبة و يركب مكانها طبة بنفس اللون ,

و التكلفة حوالي 400ج شاملة كل حاجة و التركيب في حدود ساعتين .
و ممكن تزود 50ج و تركب وحدة رفع .

[احمد ابراهيم]

السلام عليكم
انا لسه مركب مكنتين امامى بالزرارين و المكن و كل حاجة و دفعت 300 جنية و عند واحد شغله نضيف جدا و اخدت المكن القديم بتاعى و شغالين الحمد لله كويس
و على فكرة اللى انا مركبهم استيراد و قالى انه يضمنهم سنتين و قالى لو عايز اركب صينى اوك بس هيضمنهم اسبوع بس
لو حبيت ادلك عليه قولى هو فى امبابة عموما

[marozzzz]

السلام عليكم
انا لسه مركب مكنتين امامى بالزرارين و المكن و كل حاجة و دفعت 300 جنية و عند واحد شغله نضيف جدا و اخدت المكن القديم بتاعى و شغالين الحمد لله كويس
و على فكرة اللى انا مركبهم استيراد و قالى انه يضمنهم سنتين و قالى لو عايز اركب صينى اوك بس هيضمنهم اسبوع بس
لو حبيت ادلك عليه قولى هو فى امبابة عموما

1- المكنتين ألي انت مركبهم ياباني ولا اية بالظبط.
2- فيين بالظبط في امبابة.