كيف احول الانوس من مانيول لاتوماتيك

[fady.bekatcho]

كنت عايز اعرف ازاى اقدر احول الانوس من مانيول لاتوماتيك


حد يعرف يا جماعة

[Tamer-Ezzat]

الموضوع مش بالسهولة دى

دة فيلم .. هندى حتغير حاجات كتير ... وتعدل حاجات أكتر ...

لو عايز اتوماتيك ,, بيع العربية اللى معاك وهات واحدة اتوماتيك "بس مش بحبذ اللانوس الاتوماتيك"

[cpt_shawky]

ياريت لو حد عندو التفاصيل الفنية يشرحها ويا ترى تتكلف قد ايه الموضوع ده

[Xpert]

هايتكلف كتير و زي ما قال تي فايف فايف فايف ..فور ناين .. ايت ثري ..(حاسس ان انا باقول رقم تليفون هههه) ..
هاتحتاج تغير حاجات كتيره كتيره و فيلم هندي .. و صدقاُ الموضوع مش مستاهل (انا تاجر قطع غيار (سابق) و باقولك الكلام ده.. اي نعم تخصصي مش دايو بس الموضوع عام) ..
هايكلفك فتيس .. تمنه حسب عربيتك .. اقدر عندك انت مثلاً 1500 جنيه ..
هاتحتاج طقم بدالات .. مواسير زيت - تغيير الردياتير ..و حاجات رفايع تاني ..
يااه بقي لو الاتوماتيك عندك شغال بكنترول يونيت .. تبقي مصيبه .. هاتحتاج تغير ساعتها الكونترول يونيت و الضفيره بتاعه المكنه .. هاتحتاج تركب الدفيره بتاعه الفتيس و ليله بقي مالهاش اخر ..
بجد بجد مش مستاهله .. بيع و اشتري اسهل..

[cpt_shawky]

أنا شفت صديق حول لادا نيفا لأتوماتيك وحط فيها موتور تويوتا ديزل 2000 Cc

[Xpert]

صديقك ده مزجانجي قوي .. عندنا نيفا بتاعه شغل و دي بالذات اخر عربيه افكر احولها اوتوماتيك هههه .. تيوتا ديزل ده ماشي .. بس كان قبل القانون الجديد بتاع المرور .. انما اوتوماتيك دي ؟ خساره فيها ..
دي حاجه ؟؟ تاني حاجه الاتوماتيك بتاع التيوتا ال 200 الديزل ده اكيد مش كهرباء .. و ده سهل الماموريه شويه .. انا ماقلتش مستحيل .. بس هايبقي تعب علي الفاضي
انا حولت عربيه عمي بيجو 504 اوتوماتيك .. بس دس تكنولوجيا ما قبل التاريخ مافيش كهرباء ولا بتاع .. و كذلك حولت البي ام بتاعتي مانوال(نفس الخطوات بس بالعكس) ..
عموماُ انا متخوف من انه يكون بالكهرباء لسبب .. لاءن بعد 95 معظم مصنعين العربيات اضافت تكنولوجيا حديثه علي العربيات و اصبح الفتيس ليه كونترول يونيت و متصل بالكنترول يونيت بتاع الموتور و كده .. و اصبحت الليله كبيره ..

[cpt_shawky]

وكمان ركبلها باور ستيرينج وعنده 3 نيفا :)

[Xpert]

اه مانا عارف انها بتتقلب باور .. بعلبه دريكسيون تيوتا كرولا كمان .. و ممكن بعلبه دريكسيون ال132 ال 2000 .. و التعديلات كتيره .. بس بجد مش مستاهله ..

[fady.bekatcho]

شكرا ليكم يا شباب

وعلى فكرة يا xpert انا من بنى سويف برضوا

وهشترى لانوس فكنت عايز اسال يعنى التحويل للاتوماتيك اخبارة اية

وطبعا انتوا فيكم الخير

[Xpert]

يا راجل يا بتاع بني سويف .. كده بقينا 3 هههه قوللي بقي انت منين من بني سويف (انا من بني سويف نفسها - الحميات .. بيشوي اللواي ) .. (علي الخاص بقي و ابعتلي ايميلك لو بتستخدم مازنجر هه)
بالنسبه للاوتوماتيك : يا عم خليك في المانوال و اشتري دماغك .. نصيحه من اخ بلدياتك ههه المانوال مش هاينفع عندنا ..احنا استخدام شاق ... و كمان لو عاوز واحده لانوس قوللي اوريك عربيه و اقعدك مع صاحبها .. قدامي واحده بس والله ما فاكر بيانات عشان اللانوس انا مابركبوش اصلاً .. هيا حسب مانا فاكر موديل 97 باين .. هيا لانوس 2 و لونها زيتي غامق و بتاعه المحامي بتاعي اكل دماغي بيها ..

[fady.bekatcho]

97 مش 2 يا مان

2 بدات اواخر 2000 على ما اتذكر

انا هجبها جديد

على العموم نتكلم على الياهو بقى

[Xpert]

مش فاكر الموديل و البيانات .. بس اهه اديني باكلم سيادتك علي الهوتميل اهه ههه

[Tamer-Ezzat]

هايتكلف كتير و زي ما قال تي فايف فايف فايف ..فور ناين .. ايت ثري ..(حاسس ان انا باقول رقم تليفون هههه) ....

ما هو فعلا رقم تليفون المكتب بس حط قبله( 03) وتحت أمركم فى أى حاجة ...

بس أول مرة أسمعة بالحلاوة دى .. (كلة بيقول خمسة وثمانية و....... :):))

[MMamdouh]

كل شىء ممكن بالفلوس

اضافة على اللى قالة اكسبرت:

حتغير قواعد الفتيس بقاعدة عصفورة (دى ب 250 جنية لوحدها)
الكونسول اللى فى النص اللى فيه عصاية الفتيس
حتغير ECU
حتغير ضفيرة
حتغير عدادات التابلوة
حتغير كبالن
حتغير الفلام

اشترى لانوس اوتوماتك من الاول

MMamdouh

[Xpert]

هع هع هع .. هوه الفتيس عندكم شغال بكونترول يونيت يا حج محمد ؟ .. لو كده يبقي احسنلك تبيع و تغير العربيه كامله يا حج .. احسنلك .. (شوف .. حاجات جديده بتطلع اهه و لسه ههه زيت و مصنعيه و مش عارف ايه ..)