طلمبة البنزين

[karwan]

السلام عليكم ورحمة الله وبركاته أولا احب اشكر اعضاء المنتدى على الروح العالية والجميلة اللي في المنتدى ربنا يديمها مودة
من يومين بدور العربية سمعت زنة عالية في طلمبة البنزين اعلى من المعتاد
دي علامة ان الطلمبة في البايباي ولا في حاجة عايزة تتزيت
ومش عاملة اي تأثير في العربية

[محمد الشامي]

علو صوت الطلمبه بيكون بدايه تلف موتورها
لكن بإذن الله التلف مش هيكون بالسرعه اللي انت ممكن تكون متوقعها , يعني لسا عليها شويه

ومش بعيد بعد يومين مثلا ولا حاجه تلاقي صوتها رجع طبيعي جدا زي الاول

حصلت معايا من شهر تقريبا ومن بعدها كنت مستني الطلمبه تبوظ لكن الحمد لله لسا شغاله تمام

لو في امكانك تعمل حسابك على واحده احتياطي تكون معاك في العربيه للطوارئ يبقه كويس

[AHMADALY1999]

علو صوت الطلمبه بيكون بدايه تلف موتورها
لكن بإذن الله التلف مش هيكون بالسرعه اللي انت ممكن تكون متوقعها , يعني لسا عليها شويه

ومش بعيد بعد يومين مثلا ولا حاجه تلاقي صوتها رجع طبيعي جدا زي الاول

حصلت معايا من شهر تقريبا ومن بعدها كنت مستني الطلمبه تبوظ لكن الحمد لله لسا شغاله تمام

لو في امكانك تعمل حسابك على واحده احتياطي تكون معاك في العربيه للطوارئ يبقه كويس

الله ينور
انا تقريبا قعدت 3 شهور و باظت بعد الصوت (بس متضمنش امتى حتبوظ)
فخد بنصيحة الاستاذ محمد ضرورى جدا لان مش مهم حتبوظ امتى
المهم حتبوظ فين انا وقفت معايا فى نص الصحراااااووووىىىىىى الذ مكان ممكن تعطل فيه

[hon]

السلام عليكم
حضرتك حضر نفسك عشان تشترى واحدة جديدة
وكأن العربية بتقولك غيرلى الحتة دى لو سمحت (عسل يا لانوس)
وانا بنصح بالطرمبة الاصلية سواء جديدة أو أستيراد
تقبل تحياتى

[Ibrahim Nabil]

خليك فى النوع ده

[mohfud]

ممكت تغير قلب الطرمبة فقط يعنى الموتور ويفضل تغيير الجوان و تنظيف الصباع النحاس بتاع مؤشر البنزين بالمرة وأنت فاكك الطرمبة وبالتوفيق بإذن الله
والله أعلم

[Sherif Khalifa]

الطلمبة لو ادت مؤشر للتلف
غيرها فورا
انا طلعت عندى الصوت دا و فصلت يوميها بليل