موشر بنزين النوبيرا

[al_manara]

السلام عليكم

ياجماعة ليا استفسار . هي النوبيرا وهي مطفية والمفتاح متشال من الكونتاكت مؤشر البنزين بيكون قاري البنزين الي موجود في العربية ؟

[Ibrahim Nabil]

ايوة يا باشا

[محمد الشامي]

مؤشر البنزين بيكون قاري التنك

[ahmed31031]

مؤشر البنزين بيكون قاري التنك

+11111111111111

[al_manara]

تسلم ايديكم

[mahmoudysf]

النوبيرا واللانوس نفس الكلام

[Car's Sniper]

السلام عليكم

ياجماعة ليا استفسار . هي النوبيرا وهي مطفية والمفتاح متشال من الكونتاكت مؤشر البنزين بيكون قاري البنزين الي موجود في العربية ؟

زى ماحضرتك مابتكونش موجود والعداد اللى فى صورة بروفايلك قارى التانك

[al_manara]

زى ماحضرتك مابتكونش موجود والعداد اللى فى صورة بروفايلك قارى التانك

بس ياريت التنك بتاعها يفضل مليان زي العداد بتاع البروفايل

[M.Alaa92]

طب انا ليا سءال بعد اذن صاحب الموضوع
انا بمون العربية لحد الزور و نفسى قبل ما اموت اشوف مؤشر البنزين فى السما كده يعنى بيبقى فى النص بين الشرطة الاخيرة واللى قبلها هل ده عيب فى حاجة و لا ده طبيعى؟؟؟؟؟؟؟؟؟؟

[M.Zaher]

طب انا ليا سءال بعد اذن صاحب الموضوع
انا بمون العربية لحد الزور و نفسى قبل ما اموت اشوف مؤشر البنزين فى السما كده يعنى بيبقى فى النص بين الشرطة الاخيرة واللى قبلها هل ده عيب فى حاجة و لا ده طبيعى؟؟؟؟؟؟؟؟؟؟

ممكن تكون العوامه فيها مشكله

[Car's Sniper]

بس ياريت التنك بتاعها يفضل مليان زي العداد بتاع البروفايل

هههههه ان شاء الله...وربنا قادر على كل شىء

طب انا ليا سءال بعد اذن صاحب الموضوع
انا بمون العربية لحد الزور و نفسى قبل ما اموت اشوف مؤشر البنزين فى السما كده يعنى بيبقى فى النص بين الشرطة الاخيرة واللى قبلها هل ده عيب فى حاجة و لا ده طبيعى؟؟؟؟؟؟؟؟؟؟

بعد الشر عليك
عمل عندى نفس الحكاية وقعد فوق الشهرين بالمنظر ده وبعدين اشتغل تانى لوحده
العربيات الكورى دى قمة التكنولوجيا بتصلح نفسها بنفسها
وكلام فى سرك ..بتوظ نفسها بنفسها بردو
عربيات بتستهبل

[nubera97]

السلام عليكم .. انا سيارتي نوبيرا 1 الكوري موديل 97 مش المفروض لما البنزين يوشك علي الانتهاء تكون هناك لمبه مؤشر لكدة فانا مش لاقي اللمبه دة ولا نور لها فهل الموديل دة دون لمبه بيان للبنيزين ولا موجودة ومش شغالة ولا ايه ايه ... ؟؟

[Car's Sniper]

السلام عليكم .. انا سيارتي نوبيرا 1 الكوري موديل 97 مش المفروض لما البنزين يوشك علي الانتهاء تكون هناك لمبه مؤشر لكدة فانا مش لاقي اللمبه دة ولا نور لها فهل الموديل دة دون لمبه بيان للبنيزين ولا موجودة ومش شغالة ولا ايه ايه ... ؟؟

معايا نفس الموديل ..وفيها لمبة للبنزين تحت فى الشريط اللى فيه باقى الانوار وممكن تكون اللمبة محروقة او فى حاجة مش واصلة
على فكرة انا معايا العربية من 3 سنين واول مرة اعرف ان الشنطة ليها لمبة صفرا فى التابلوه يعرفكك انها مفتوحة كان الشهر ده بالصدفة لما حبيت اصلح النور اللى فى الشنطة نفسها

[nubera97]

شكرا اخي الكريم علي سرعة الاهتمام ، وهراجع انوار التابلوه بتركيز شوية ، وبما انك معك نفس الموديل فأيه رايك في استهلال البنزين خاصة انا بمون 92 ولكن حاسس انها بتاكل بنزين اكتر من المعقول واذاي احسب الاستهلال الفعلي لها واسف علي الاطالة وكل عام وانت بخير

[Car's Sniper]

كل سنة وحضرتك طيب
انا كمان بمون 92 وبصراحة العربية دى حوت بنزين ومفجوعة جدا جوة البلد(بتعمل عندى 6.5 كيلو فى اللتر الواحد)..اما على الطرق السريعة فاستهلاكها ممتاز(14 كيلو فى اللتر)
وبتحسب الاستهلاك الفعلى بانك تفول بنزين لغاية الزور وتمشى بيها على طريق سريع 100 كيلو مثلا او اكثر على سرعة مابين 90 ل100 بعد كدة تفول تانى لحد الزور وتقسم المسافة اللى مشيتها على عدد ليترات البنزين اللى فولتها تانى مرة
يعنى حضرتك مشيت 100 كيلو ولما جيت تمون مونت 10 لتر يبقى 10/100=10 لتر فى ال100 كيلو.. يعنى 200 كيلو فى الصفيحة
واى استفسار انا تحت امرك