الحقونى العربية اتجننت

[drmomoking]

النهاردة الصبح وانا فى طريقى للشغل مسكت فرامل و عينى بالصدفة جت على التابلوة لقيت لمبة فرامل اليد منورة بصيت عليها لقيتها نازلة للاخر رفعت رجلى من على الفرامل لقيتها طفت و هكذا كل ما امسك فرامل وعند نهاية مشوار البدال تنور اشيل رجلى تطفى دة ممكن يبقى اية عيب كهرباء ولا ميكانيكا وارجو الرد سريعا لانى مسافر يوم الجمعة الساحل و خايف من اى مفاجات فى الطريق

[khaled_bibo]

كهربا غالبا حاول تتأكد ان مفيش اي سلوك ملمسه مع بعضها و استنى اراء بقيت الاعضاء

[محمد الشامي]

ان شاء الله حاجه بسيطه , متقلقش

بصيت على منسوب زيت الفرامل ؟؟؟ و حاله التيل عندك عامله اد ايه ؟؟؟

[mahmoud5777]

عيب كهرباء فى حاجة بتلمس لما بتجيب آخر المشوار بتاع الدواسة

[wesam_salom]

زيت الفرامل ناقص

وغالبا هتلاقى التيل قرب يخلص فالزيت نقص

لو الزيت ناقص بس مش خلصان متزودوش اكشف على التيل الاول

[ahmedsalam77]

بص على زيت الفرامل ممكن بكون ناقص

[drmomoking]

انا كدة كدة رايح اغير زيت الموتور فى بنزينة كار جاز فاخليهم يبصوا على زيت الفرامل بس الفكرة ان الفرامل بتمسك طبيعى جدا يعنى مش خفيفة فعشان كدة ما شكيتش فى التيل ولا زيت الفرامل بس مش مشكلة اطمن عليهم برضة احتياطى ولو طلعوا كويسين يبقى كدة فى حاجة كهرباء ملمسة زى ما الاخوة قالوا وشكرا لاهتمامكم

[mohfud]

أكشف على التيل والطنابير أمام وخلف ورجلاش الفرامل خلف وفرامل اليد
لا تستهين بالفرامل لانها حياة ناس مش لعبة

[drmomoking]

ولو لقيت زيت الفرامل مش ناقص يبقى التيل كدة فى السليم ولا اية معلش انا معلوماتى ضايعة فى الميكانيكا

[محمد الشامي]

شييك على التيل والزيت مبدئياً , ولو كانو تمام يبقه كمل تشييك على دوره الفرامل بشكل عام

لكن بصراحه استبعد شويه يكون خلل كهربي , ده رأيي

[drmomoking]

فى حاجة بس نسيت اقولها و هى ان اللمبة مش بتنور الا وانا بدوس فرامل وانا ماشى بس انما وانا واقف وادوس فرامل مش بتنور او وانا حتى حاطط العربية على ال d ولسة العربية بتطلع ودوست فرامل ايا كانت الشدة مش بتنور يعنى لازم اكون ماشى بسرعة شوية عشان لما ادوس تنور دة بأة ممكن يكون اية هل دة علامة على استهلاك التيل ولو طلع تيل فعلا تنصحونى باى نوع؟؟؟؟؟؟؟؟؟؟؟

[AHMADALY1999]

عندى استفسار هام
هل اللمبة الى بتنور فعلا هى لمبة فرامل اليد و لا لمبة تانية لان معظم العربيات اذا مكنش كلهم فى لمبتين واحدة بتاعة فرامل اليد ودى غالبا عليها علامة تعجب ! و التانية شبهها شوية بس الاقواس الجانبية عبارة عن خطوط متقطعة و دى بتاعة تاكل التيل و غالبا من خلال نقص الزيت

فزى ما قالوا السادة الاعضاء ان احتمال كبير الزيت نقص نتيجة للتاكل (لان التاكل بيتعوض بزيت)

بس لو طلعت لمبة فرامل اليد هى الى بتنور فكده فى حاجة بتلمس

[jojowork1]

يا باشا الكلام كده اكيد نقص زيت الباكم ومع الضغط علي الفرامل والعربيه دايره الزيت بيهبط فبيشغل سوتشايه الزيت اللي بدورها بتنور لمبه فرامل اليد ولا تقلق ابدا بس وفعلا ممكن يكون التيل برده عشان مشاوره كبر بينقص الزيت او بمعني اصح بيستهلك زيت كتير عشان يجيب اخره علي الطمبوره بس اولا اتائكد من منسوب الزيت في علبه الباكم او حاجه

[drmomoking]

شكرا يا رجالة على الردود انا لقيت زيت الباكم ناقص فرحت للميكانيكى لقينا المستر الشمال ضارب وللقيت كمان كاوتش الكوبلن ضارب و ناطر الشحم بس الكوبلن سليم المهم غيرنا المستر بكل حاجتة و خرطومة استيراد بتاع اللانوس ب 220 جنية وكاوتش الكوبلن والشحم وكيلو زيت فتيس اوتو وزيت باكم ب 120 جنية + 100 جنية مصنعية عشان كان فية شوية شغل فى العفشة برضة اية رايكم فى الاسعار لقطع الغيار والمصنعية ولقينا التيل لسة كويس

[محمد الشامي]

طيب الحمد لله انها جت على اد كده :-) وربنا يستر طريقك