ترشيح زيت فى منطقة الكاتينة بعد تغيير السيور

[eng_oss]

السلام عليكم يا شباب أحلى منتدى
انا غيرت مجموعة السيور على 60 الف وبعدها بشويه كده يعنى حوالى على 65 الف لاحظت ترشيح زيت ناحية مجموعة الكاتينة وكان بقالى مده طويلة لم اغسل الموتور فقولت اغسله بالمره وبعدها بشويه بصيت تانى لقيت برضه الترشيح موجود .... فياريت أراء خبرائنا المهندسين فى الحكاية ده ... مع العلم ان المكنه مافيهاش اى حاجه غريبه يعنى الصوت عادى والسحب كويس والاستهلاك عادى ... يعنى مفيش اى ملاحظة غريبه على الاداء بعد تغيير السيور .....

[محمد الشامي]

ممكن وصف ادق لمكان الترشيح ؟؟؟؟

[eng_oss]

ممكن وصف ادق لمكان الترشيح ؟؟؟؟

صباح الفل عليك يا محمد باشا وشكرا للاهتمام السريع
مكان الترشيح ناحية الموتور تقريبا حوالين اتصال الموتور بالسير يعنى انا شايفه وانا باصص للموتور من فوق بينه وبين غطاء السير ولو بصيت من قدام او من ورا بنظره دائريه برضه شايفه

[محمد الشامي]

صباح الفل عليك يا محمد باشا وشكرا للاهتمام السريع
مكان الترشيح ناحية الموتور تقريبا حوالين اتصال الموتور بالسير يعنى انا شايفه وانا باصص للموتور من فوق بينه وبين غطاء السير ولو بصيت من قدام او من ورا بنظره دائريه برضه شايفه

صباح الخير عليك يا ريس

طيب حضرتك كنت عملت حاجه تانيه مع تغيير السيور ولا غيرت سيور وبس ؟؟؟؟؟
وبعدين بتسمع صوت غريب ولا حاجه من الناحيه دي ؟؟؟؟؟؟

[eng_oss]

صباح الخير عليك يا ريس

طيب حضرتك كنت عملت حاجه تانيه مع تغيير السيور ولا غيرت سيور وبس ؟؟؟؟؟
وبعدين بتسمع صوت غريب ولا حاجه من الناحيه دي ؟؟؟؟؟؟

عملت تغيير بوجيهات وفلاتر وزيوت وسيور وتيل فرامل امامى فقط ولم الاحظ اى اصوات غريبه

[محمد الشامي]

بصراحه انا كده محتار وخايف افتي في حاجه مش فاهمها , بس المفروض ان تغيير السيور ميعملش القلق ده !!!!

عالعموم انا هتابع معاك رأي الاخوه الاعضاء وان شاء الله يكون الموضوع بسيط ومفيش حاجه خطر :-)

[eng_oss]

بصراحه انا كده محتار وخايف افتي في حاجه مش فاهمها , بس المفروض ان تغيير السيور ميعملش القلق ده !!!!

عالعموم انا هتابع معاك رأي الاخوه الاعضاء وان شاء الله يكون الموضوع بسيط ومفيش حاجه خطر :-)

شكرا لاهتمامك وفى انتظار اراء خبرائنا الكبار

[أحمد علاء]

لو الترشيح من فوق إحتمال يكون اويل سيل عامود الكامة ولو ان تغيير الكاتينة ملوش دعوة بيه بس إحتمال يكون عمره انتهى.

انا بتكلم عن الترشيح من المكان الي مشار إليه بالسهم الكبير في الصورة التالية (صورة محرك بس مش لانوس) الترشيح بيبان لو فكيت الغطاء بتاع الكاتينة بشكل واضح لو الموضوع اويل سيل عامود الكامة.


Uploaded with ImageShack.us

[eng_oss]

لو الترشيح من فوق إحتمال يكون اويل سيل عامود الكامة ولو ان تغيير الكاتينة ملوش دعوة بيه بس إحتمال يكون عمره انتهى.

انا بتكلم عن الترشيح من المكان الي مشار إليه بالسهم الكبير في الصورة التالية (صورة محرك بس مش لانوس) الترشيح بيبان لو فكيت الغطاء بتاع الكاتينة بشكل واضح لو الموضوع اويل سيل عامود الكامة.


uploaded with imageshack.us

الترشيح باين من غير ما أفك الغطاء بس هو فى الغالب من نفس المكان اللى انت مشاور عليه بالسهم الكبير
طيب ياترى لو هوه ده ... سهل تغييره والا محتاج شغلانه كبيرة

[أحمد علاء]

على كلامك لو حضرتك واقف امام المحرك بيبان الترشيح من على يمين الغطاء من تحت؟
والله انا مش عارف ممكن يبان من على يمين الغطاء ولا لأ
بس عموما التغيير بسيط مش صعب
بيفك الكاتينة عادي جدا وبعد كده بيفك الترس الخاص بإدارة عامود الكامة بعد كده بيفك الأويل سيل ويركب واحد جديد ونصيحه اشتري الأصلي
واعتقد الخطوات الي فوق بتم والماكينة باردة علشان الأويل سيل يبات مضبوط.

عموما ده تشخيصي لو التسريب من ناحية عامود الكامة
بس ممكن لو المكان مختلف يكون السبب مختلف

في حالة وجود زيت على سير الكاتينة وكان فعلا السبب الأويل سيل اياه لازم تتنظف كويس المنطقة ديه من اصار الزيت وتغيير الأويل سيل .

واكيد انت متأكد ان ترشيح الزيت مش من عند خرطوم بخار الزيت خرطوم صح؟

[eng_oss]

على كلامك لو حضرتك واقف امام المحرك بيبان الترشيح من على يمين الغطاء من تحت؟
والله انا مش عارف ممكن يبان من على يمين الغطاء ولا لأ
بس عموما التغيير بسيط مش صعب
بيفك الكاتينة عادي جدا وبعد كده بيفك الترس الخاص بإدارة عامود الكامة بعد كده بيفك الأويل سيل ويركب واحد جديد ونصيحه اشتري الأصلي
واعتقد الخطوات الي فوق بتم والماكينة باردة علشان الأويل سيل يبات مضبوط.

عموما ده تشخيصي لو التسريب من ناحية عامود الكامة
بس ممكن لو المكان مختلف يكون السبب مختلف

في حالة وجود زيت على سير الكاتينة وكان فعلا السبب الأويل سيل اياه لازم تتنظف كويس المنطقة ديه من اصار الزيت وتغيير الأويل سيل .

واكيد انت متأكد ان ترشيح الزيت مش من عند خرطوم بخار الزيت خرطوم صح؟

انا فعلا شايفه من على يمين الغطاء على الجزء المعدنى من الموتور
ومش عارف خرطوم بخار الزيت ده فين لأن على ما أذكر ماشوفت خراطيم فى المنطقة ده
عموما انا ممكن ابص بتمعن وهل ممكن افك الغطاء بسهوله عشان الرؤية تبقى اوضح

[mohfud]

فية كوعة كاوتش فى نصف الموتور راجع عليها وعلى خرطوم بخر الزيت العلى الشمال وكذلك الاويلسيلات بالطبع

[أحمد علاء]

يا ريت لو ممكن صورة لموضوع الزيت ده ومكانة علشان يكون التشخيص دقيق

[eng_oss]

يا ريت لو ممكن صورة لموضوع الزيت ده ومكانة علشان يكون التشخيص دقيق

ححاول أصوره وارفعه ..... ومستنى برضه اراء المستشار محمد ممدوح والمهندس سمير

[eng_oss]

فية كوعة كاوتش فى نصف الموتور راجع عليها وعلى خرطوم بخر الزيت العلى الشمال وكذلك الاويلسيلات بالطبع

بصيت على الكوعة الكاوتش ولقيت فيه فعلا ترشيح عندها وخرطوم بخر الزيت اللى على الشمال ده مفيش عنده حاجة ... اللى أقصده تحت خرطوم بخر الزيت .... أنا صورته وحاولت أرفع الصور بس مش نافع