الغيار الخامس

[coledge]

السلام عليكم ورحمة الله وبركاته

لو سمحتم عندى سؤال عن الغيار الخامس

صوت الماتور عادى جدا فى جميع الغيارات ولكن

فى الغيار الخامس الصوت بيعلى بشكل ملحوظ

ممكن يكون اية السبب

لانوس 99

وشكرا مقدما على المشاركات

[محمد الشامي]

الصوت بيكون عالى ازاي ؟ يعني بتحس بصوت نعررره من الفتيس ؟؟؟؟ ولا الموتور صوته عالى والسرعه مش على اد الصوت المسموع ؟؟؟

[japaroky]

السلام عليكم ورحمة الله وبركاته

لو سمحتم عندى سؤال عن الغيار الخامس

صوت الماتور عادى جدا فى جميع الغيارات ولكن

فى الغيار الخامس الصوت بيعلى بشكل ملحوظ

ممكن يكون اية السبب

لانوس 99

وشكرا مقدما على المشاركات

عربيتك محتاجة ديسك

[coledge]

الموتور صوتة بيعلى بس السرعة شغالة والعربية بتسحب عادى

[makkahboy]

اتاكد من الزيت حق الجربوكس او انك تشيك زي ما قال اخونا الي فوق على الدسك والكلتش

[coledge]

متابع اين الردود

[محمد الشامي]

متابع اين الردود

اصل لو حضرتك تقولنا تفاصيل اكتر هيكون التشخيص اسهل :-)

وبعدين ممكن توضيح للجمله دي

الموتور صوتة بيعلى بس السرعة شغالة والعربية بتسحب عادى

لان اللي يقرأها مش هيلاقي ان في مشكله اصلا !!!! انا مش عارف افهمها بصراحه

ولا حضرتك تقصد ان صوت المكنه بيعلى زياده عن اللزوم والسرعه شبه ثابته او مش على اد الصوت !؟؟؟
ولو ده قصدك , فلما الصوت بيعلى بيكون ال rpm على كام والسرعه على كام ؟؟؟؟

[محمد الشامي]

ياريت حضرتك بالمره تقولنا شويه تفاصيل عن العربيه

يعني مثلا عامله كام الف كم ؟؟؟؟
طقم الدبرياج الحالى عامل كام الف كم ؟؟؟؟؟
هل كان في مشاكل في طقم الدبرياج او الفتيس قبل كده ؟؟؟

واي تفاصيل تانيه حضرتك تحب تضيفها

[coledge]

اصل لو حضرتك تقولنا تفاصيل اكتر هيكون التشخيص اسهل :-)

وبعدين ممكن توضيح للجمله دي



ولا حضرتك تقصد ان صوت المكنه بيعلى زياده عن اللزوم والسرعه شبه ثابته او مش على اد الصوت !؟؟؟
ولو ده قصدك , فلما الصوت بيعلى بيكون ال rpm على كام والسرعه على كام ؟؟؟؟

ده قصدى بالضبط بس انا معنديش عداد rpm وشكرا للاهتمام

[محمد الشامي]

طيب احيانا بتحس برجرجه في الطلعه او مع بدايه الغيارات ؟؟؟؟

الفلاتر عندك حالتها ايه ؟؟؟؟ هوا وبنزين ؟؟؟؟

[coledge]

مفيش رجرجة والفلاتر لسة مغيرها من عشرة ايام تقريبا

[blazer]

ازاى يا جماعه ديسك او اسطوانه!
ياريت حضرتك توضح بلزبط اللى بيحصل
العربيه الماتور صوته بيعلى ولا الصوت جاى من الفتيس
هل بيحصل تقطيع للعربيه
يبقى اعتقد ممكن يكون فيه حاجه فى طرمبه البنزين - الرشاشات

[محمد الشامي]

طبعا مع كامل احترامي لكلام حضرتك بس لو المشكله في الرشاشات او طلمبه البنزين فكان العيب هيبان على كل الغيارات

لكن بما ان الغيارات شغاله مع السرعات العاديه بدون مشكله ولما يعشق الخامس بيحس العربيه مش بتجري وصوتها بيعلى ف في تخيلي ان دي مشكله طقم دبرياج - تحديداً الاسطوانه

عالاقل لان ترس الخامس يعتبر ترس مفتوح (يعني ممكن تمشي عليه من 80 كم / ساعه لغايه لما توصل لاخر العداد حتى) وده معناه ان كلما زاد عدد لفات الموتور كلما زادت السرعه
لكن حالتنا هنا عدد اللفات بيزيد بدون زياده في السرعه !! مش دي علامه على ان الاسطوانه خلاص منهكه ؟؟؟؟؟

هو بس للاسف الاخ الكريم صاحب الموضوع مش عايز يفيدنا ببيانات عربيته (عامله كام الف كيلو , وطقم الدبرياج الحالى عامل كام , وهل في صيانه تمت مؤخراً في الفتيس او طقم الدبرياج) !!!!!!!

[coledge]

العربية عاملة 110 الف كيلو

سرعة الخامس عادية جدا ومفيش تقطيع ولا حاجة

المشكلة فى ارتفاع صوت الموتور مع الغيار الخامس بس

بس موضوع الدبرياج معرفش عامل اد اية بصراحة

واسف على التأخير فى التوضيح

[محمد الشامي]

العربية عاملة 110 الف كيلو

سرعة الخامس عادية جدا ومفيش تقطيع ولا حاجة

المشكلة فى ارتفاع صوت الموتور مع الغيار الخامس بس

بس موضوع الدبرياج معرفش عامل اد اية بصراحة

واسف على التأخير فى التوضيح

في الغالب زي ما قولت لحضرتك ان طقم الدبرياج محتاج يتغيير

عالعموم ممكن تروح لميكانيكي فاهم وهو هيجرب العربيه ويعرف اذا كان الطقم ولا المشكله ف حاجه تانيه