استفسار عن النوبيرا ( ليه الناس بتبعد عن الاوتوماتيك )

[mxz911]

السلام عليكم

عاوز اعرف ليه الناس بتبعد عن الفتيس الاوتوماتيك ف النوبيرا 2 ...

احنا ان شاء الله ناوين نجيب عربيه نوبيرا 2 مستعمله وعاوزينها اوتوماتيك عاوز اعرف بقى كله بيقولى ابعد عن الاوتوماتيك ليه ؟؟؟؟

المانيوال بيكره الواحد ف الدنيا وقت الزحمه

[3ateef]

كل اللى بيقول كده بيبقى (سمع),,ومحدش شاف بعينه....

و %99.9 من اللى بيقولوا كده مش بيكون ليهم خبرة فعلية مع العربية....

ممكن يكون واحد يعرف واحد قابل واحد كلم واحد وقف جنب واحد قال ان الفتيس الاتوماتيك بيبوظ بسرعة....

من غير اى خلفية او معلومات عن طريقة الاستعمال,,,او اسلوب القيادة....

ومن غير اى بيانات عن هل الشخص اللى باظ منه الفتيس ده كان بيعمل صيانة الفتيس بصفة دورية او لأ....


ولله الحمد العربية معايا عاملة 140 الف,,,ولله الحمد مفيش اى مشاكل من جانب الفتيس....

(ما شاء الله تبارك الله)

[MaZaGAngeE]

اختي عاشت معاها النوبيرا 2 اوتو من غير اي مشاكل خالص طوال 5 سنوات لحد ما باعتها و جابت صني عشان ياباني و بعد كده زعلت على النوبيرا و كان نفسها ترجعها تاني

[محمد الشامي]

هو للاسف في سمعه سيئه طالعه على كل الكوري بشكل عام , ان تجميع السرعات في الاتوماتيك بطئ ومش زي الياباني والفرنساوي مثلا

وكمان مشاكله على المدى الطويل بتكون مرهقه لصاحب العربيه

[shadykandeel]

كل دا كلام وخلاص هاتها يا عم وسيبك من الي بيقول كدا انا معايا دايو ليجانزا فتيسي اوتوماتيك وعلي حد علمي انهم هما زي بعض والعربيه عامله دلوقتي 200 الف كيلو بنفس الفتيس وبسم الله ماشاء الله مافيش اي مشاكل توكل علي الله ياباشا ومتسمعشي كلام حد مع العلم ان ايه حاجه بالمحافظه والصيانه بتعييييييييييييييييييش

[MoMohsen]

بلاش تسمع للصنايعية و التجار و اسمع من واحد معاة العربيه فعلا
انا معايا نوبيرا اتوماتيك و ماشاء الله زى الفل .اهم حاجة حافظ على الصيانة و تغيير الزيت
بس بردة للامانه هو تجميعه ضعيف شويه ودة انا شايفة ضريبة الراحة لو عاوز اجرى كنت جبت مانيوال

[M.Zaher]

طبعا الاخوه جابوا الخلاصه و مافيش كلام يتقال بعدهم
بس على فكره سحب العربيه ماشاء الله
وحاجة كمان فتيس العربيه انتاج شركه zf الالمانيه
وفيه نوع تاني انتاج gm
اظن كده تمام

[fady554]

يا باشا بس انت اتوكل ياما ناس جابت المانى و يابانى و زعلت بعد كدة المهم العربية تكون شدة حيلها متكونش تعبانة و تيجى بعد كدة تقول النوبيرا وحشة ((((لازم تكون عربية كويسة))))))

[mxz911]

الف شكر ليكم جميعا وان شاء الله انا بدور على عربيه نوبيرا يكون سعرها حنين


ربنا يكرمكم لردودكم وللافاده :)

[uosif]

توكل على الله وهات اوتوماتك اهم حاجه الصيانه وتغير الزيت والفلتر

[ahmedelaraby]

للعلم يا جماعة الكلام اللى بيتقال عن النوبيرا الاتو انها بتجيب فتيس مش صحيح
بس هو الفتيس اللى رخم شويه بس مش بيبوظ يعنى تحس ان الغيارات تقيله اوى ولما تغير بتحسس كل اللى راكبين انها بتغير يعنى كأن فى حد قاعد جوه الفتيس وهو اللى بيغير يعنى الغيارات مش حلوة وكمان تجميعها وحش اوى فى المطالع تحس انك عايز تنزل تزقها انا كنت راكبها وطالع مطلع ومحمل العربية كنت حاسس انها هتبطل منى من كتر ضعفها بس على المدى البعيد بتجرى ديه وجهة نظرى اللى يمكن تكون غلط لانى متعود على الاوبل بصراحة بس بخلاف كدة النوبيرا مع اخويا 4 سنوات اتو كانت زى الفل وكنا بنسافر بيها الغردقة وشرم و 100 100
وفى الاخر دى مجرد وجهة نظرى
وعلى فكرة فتيس الليجانزا مش هو هو بتاع النوبيرا ياراجل حرام عليك
الليجانزا دى اسطورة الدايو عربيه محترمة محترمة محترمة لحد اخر الدنيا دى تقارن بالفكترا ال 2000 مثلا

[M.Zaher]

للعلم يا جماعة الكلام اللى بيتقال عن النوبيرا الاتو انها بتجيب فتيس مش صحيح
بس هو الفتيس اللى رخم شويه بس مش بيبوظ يعنى تحس ان الغيارات تقيله اوى ولما تغير بتحسس كل اللى راكبين انها بتغير يعنى كأن فى حد قاعد جوه الفتيس وهو اللى بيغير يعنى الغيارات مش حلوة وكمان تجميعها وحش اوى فى المطالع تحس انك عايز تنزل تزقها انا كنت راكبها وطالع مطلع ومحمل العربية كنت حاسس انها هتبطل منى من كتر ضعفها بس على المدى البعيد بتجرى ديه وجهة نظرى اللى يمكن تكون غلط لانى متعود على الاوبل بصراحة بس بخلاف كدة النوبيرا مع اخويا 4 سنوات اتو كانت زى الفل وكنا بنسافر بيها الغردقة وشرم و 100 100
وفى الاخر دى مجرد وجهة نظرى
وعلى فكرة فتيس الليجانزا مش هو هو بتاع النوبيرا ياراجل حرام عليك
الليجانزا دى اسطورة الدايو عربيه محترمة محترمة محترمة لحد اخر الدنيا دى تقارن بالفكترا ال 2000 مثلا

الطبيعي انك ماتحسش بالنقلات
و التجميع كويس مش تعبان زي مابتقول وفي المطالع كمان