صوت من عند الموتور محيرنى؟

[msms_ms2001]

السلام عليكم اخوانى
انا مشكلتى بسمع صوت فى العربيه جاى من ناحيه الموتور عباره عن بحه بمعنى حححححححححححح كده بس بتيجى وتروح يعنى مثلا نقلت على التانى فى اول الغيار ححححححح وبعد كده مفيش صوت والتالت نفس الكلام لاكن الاول والرابع تقريبا لا هو الصوت مش عالى منخفض بس ملحوظ مع العلم انى لسه مغير السيور والبوجيهات والصوت زى ماهو والعربيه الحمد لله زى الفل
ليا استفسار كل الناس بتقول لما بتشغل التكيف فى العربيه الاداء بيقل انا عندى العكس اشغل التكيف العربيه تجرى والسحب احسن من وهو مطفى هل يوجد سبب ولا دا عادى عند بعض الناس
عربيتى لانوس 2007 50 الف كيلو
وشكرا اخوانى

[ahmedsrs]

رش dw40 غلى السيور وشوف الآخبار

[al_manara]

ولو العربية ماشية ومورتها . الصوت بيروح ولا لا .

[msms_ms2001]

ولو العربية ماشية ومورتها . الصوت بيروح ولا لا .

اه بيروح هو مش بيجى غير لما ادوس بنزين

[msms_ms2001]

رش dw40 غلى السيور وشوف الآخبار

الصوت موجود قبل ما اغير السيور

[karimfahmy99]

ممكن يكون رومان بلى الدينامو او طلمبة المية خشن بيعمل البحة دى . شوف كهربائى همة ليهم طريقة فى الكشف على البلى من غير فك . و جرب حاجة كمان زود بنزين و انت دايس دبرياج مرة و مرة تانية وانت سايب و شوف بيروح الصوت و لا لأ ممكن بلية الدبرياج برضة فيها خشانة

[al_manara]

اه بيروح هو مش بيجى غير لما ادوس بنزين

طيب انا قصدي اما بتكون واخدة غيار . لانة احتمال يكون الفتيس هو الي فية المشكلة (خشن)

[mohfud]

أدام صوت البحة عند الغيار فقط يبقى فى مجموعة الدبرياج والله اعلم

[msms_ms2001]

الصوت بيجى مع الغيار فقط والفتيس فعلا سعات بيزرجن معايا فى المرشديل والتانى والاول سعات

[m_mekkawy]

انت بتبقى مشغل التكييف ساعتها؟؟؟؟
لانها ممكن يكون صوت الكومبريسور

[msms_ms2001]

انت بتبقى مشغل التكييف ساعتها؟؟؟؟
لانها ممكن يكون صوت الكومبريسور

فى صوت فى الحالتين سواء مشغل التطيف او طافيه

[samirayad]

انا مشكلتى بسمع صوت فى العربيه جاى من ناحيه الموتور عباره عن بحه بمعنى حححححححححححح

خللى بالك البحه دى ممكن تكون بسبب علبة البيئه

لما تدور والمكنه لسه فى بدايات تسخينها

أمسك علبة البيئه من تحت

لو الصوت راح يبقى ده صوت من العلبه فعلا

[msms_ms2001]

خللى بالك البحه دى ممكن تكون بسبب علبة البيئه

لما تدور والمكنه لسه فى بدايات تسخينها

أمسك علبة البيئه من تحت

لو الصوت راح يبقى ده صوت من العلبه فعلا

اهلا بروفسير سمير
هجرب واقول لحضرتك وربنا يستر مش متفائل

[msms_ms2001]

نسيت اقول لحضرتك اول لما بدور فى مرحله التسخين مفيش صوت خالص وامشى على الاول ومفيش صوت
اول لما انقل الغيار التانى يبتدى يظهر وبعد كده يروح بالضات مع الغيار التانى والثالث على فترات

[samirayad]

أحتمال بس تلاقى العلبه مش متوسطنه فى بيتها تحت العربيه

دى عيوب التجميع المصرى وعندى زيها بالضبط

وعاوز أعمل للعلبه قرصه ( عند شكمانانجى )

علشان أوسطنها بدقه

بس مكسل شويه

لأنها بتيجى مع أول الدواره وبتروح على طول مع أهتزاز الشكمان وسخونة العادم