العربية بتبطل لوحدها

[Strong]

العربية بتبطل لوحدها سواء سخنة أو باردة لكن مش دايما أحيانا تمشي طويس ومرة واحدة تتعفرت

بتقل فرصة التبطيل مع تشغيل المكيف

قبل ما تبطل العربية بتبدأ تتلت

بيقل السحب بدرجة ملحوظة

أحيانا بيكون في تقطيع في المشي

وساعات كتير بتمشي كويس بدون مشاكل

غالبا بتزيد فرصة التبطيل لما امشي فوق ال 100

العربية بتدور على طول لما ارميلها أو أشغل بالمارش

============
أنا غيرت طرمبة البنزين
وغيرت البوجيهات
وأسلاك البوجيهات
ونظفت البوابة
وعملت ايدل ليرن
وعملت اختبار شرارة

وعملت شنبر والمشكلة كانت موجودة قبل وبعد الشنبر


ولا زالت المشكلة

صدعتكوا



يا ترى ما السبب

[محمد الشامي]

بصراحه كل الحاجات اللي انت قولت انك غيرتها هي نفسها كل الاسباب اللي ممكن تسبب المشكله دي !!!!!!!!

أنا غيرت طرمبة البنزين
وغيرت البوجيهات
وأسلاك البوجيهات
ونظفت البوابة
وعملت ايدل ليرن
وعملت اختبار شرارة

[mahmoudysf]

بعد كل التغييرات دي
ولو اتاكدت ان كل القطع المتغيرة تعمل بكفاءة
ممكن يكو الكنترول فيه حاجة
بس الاول راجع على فيوزات طرمبة البنزين والكاتوت بتاعها

[Shiref_mohamed]

اعمل اسكانر و اكيد هيبان السبب

[leeamra99]

بص يا باشا انا كان عندى نفس المشكله و الميكانيكى غيرلى الرشاشات لان الرشاشات كانت بتسيل و البوجيهات مش بتحرق كويس بعد ما شيك على ترس الكاتينه و العربيه بقت زى الفل و الرشاشات دى استيراد ب 200 ج

[samirayad]

وعملت شنبر والمشكلة كانت موجودة قبل وبعد الشنبر

أعتقد هنا مربط الفرس

وهنا يكمن سبب التبطيل مع السرعات

فعاوز أعرف

1- غيرت شنبر ليه وعربيك أساسا 2006 على ما أتذكر ياحج : أحمد

2- غيرت كاوتش صباب ولا لا

3- هل كشفت على البوجيهات وخصوصا أول ما بتبطل منك


لأننى شاكك فى كاوتش الصباب


_____________________

ياريت برضه تكون متأكد أن فيشة حساس الكرنك راكبه بأحكام ونظيفه

[Strong]

بعد كل التغييرات دي
ولو اتاكدت ان كل القطع المتغيرة تعمل بكفاءة
ممكن يكو الكنترول فيه حاجة
بس الاول راجع على فيوزات طرمبة البنزين والكاتوت بتاعها

أنا هابدأ أولا بمراجعة الكتاوت والفيوزات يمكن يكون في حاجة بتفصل مع المشي

اعمل اسكانر و اكيد هيبان السبب

هل الاسكانر هيبين ضغط الطلمبة وجودة الرشاشات وجودة الحريق وهيظهر السبب المباشر للتبطيل حتى لو ما بطلتش عنده علشان هي بحالات يعني ممكن تيجي عند الميكانيكي وتبقى تمام

بص يا باشا انا كان عندى نفس المشكله و الميكانيكى غيرلى الرشاشات لان الرشاشات كانت بتسيل و البوجيهات مش بتحرق كويس بعد ما شيك على ترس الكاتينه و العربيه بقت زى الفل و الرشاشات دى استيراد ب 200 ج

الرشاشات بتاعتي غير متوفرة استيراد وسعرها جديدة 700 الكوري واعتقد انهم سلام لان استهلاك البنزين كويس جدا وبتدور الصبح على طول والوجيهات بتطلع حارقة وكويسة وطبعا هاكشف عليهم للاحتياط

أعتقد هنا مربط الفرس

وهنا يكمن سبب التبطيل مع السرعات

فعاوز أعرف

1- غيرت شنبر ليه وعربيك أساسا 2006 على ما أتذكر ياحج : أحمد

2- غيرت كاوتش صباب ولا لا

3- هل كشفت على البوجيهات وخصوصا أول ما بتبطل منك


لأننى شاكك فى كاوتش الصباب


_____________________

ياريت برضه تكون متأكد أن فيشة حساس الكرنك راكبه بأحكام ونظيفه

غيرت شنبر لأن العربية كانت بتبطل وده السبب الاساسي وكانت بتطلع دخان بكل الألوان في الصبح أول ماشغل بتبقى دخانة بيضاء كثيفة جدااااااااا وبعد 30 ثانية تقريبا تبقى سوداء قاتمة زي عربيات الجاز وكل ماضغط بنزين الدخانة بتزيد بطريقة بشعة جميع أنواع الأدخنة بتختفي بعد مامشي 2 كيلو وبتظهر دخانة زرقاء بسيطة وغير ملحوظة لما امشي بيها أكتر من 3 ساعات وعلى سرعة عالية فالميكانيكي فاللي غير حساس شكمان ورشاشات واعمل شنبر وكاويتش صباب فأنا قلت نبدأ بالشنبر وكاويتش الصباب ونشوف الوضع ايه وبعد ما عملتهم ولله الحمد اختفت جميع أنواع الأدخنة في كل الأوقات المشكلة الحالية التبطيل بدون سبب يعني أكون ماشي 100-120 مثلا لو ضغطت دبرياج علشان انقل ألاقي العربية بطلت والفرامل حجرت والدريكسيون تقل ولما اسيب دبرياج ترجع تمشي تاني وكل حاجة ترجع مظبوطة ولو هديت ل 20 وضغطت دبرياج بتبطل على طول طبعا ده بيحصل في معظم الأوقات وليس كلها

[samirayad]

المشكلة الحالية التبطيل بدون سبب يعني أكون ماشي 100-120 مثلا لو ضغطت دبرياج علشان انقل ألاقي العربية بطلت والفرامل حجرت والدريكسيون تقل ولما اسيب دبرياج ترجع تمشي تاني وكل حاجة ترجع مظبوطة ولو هديت ل 20 بتبطل على طول طبعا ده بيحصل في معظم الأوقات وليس كلها

شوف الكتاوتات والفيوزات كلها أولا وجرب

وبعد كده خش على الفيش

سواء بوبينا أو فيشة حساس الكرنك

وكده المشكله عندك فعلا

عباره عن فصل كهربى مؤقت بيحصل مع نقل وفصل القدره من المحرك للفتيس

[Strong]

شوف الكتاوتات والفيوزات كلها أولا وجرب

وبعد كده خش على الفيش

سواء بوبينا أو فيشة حساس الكرنك

وكده المشكله عندك فعلا

عباره عن فصل كهربى مؤقت بيحصل مع نقل وفصل القدره من المحرك للفتيس

جاري التجربة وخصوصا إني بقيت مستريح ولله الحمد بعد تحول السيارة للنظام البري بدلا من الطيران بس سؤال كده سريع أنا عايز أجيب علاية أكبر لأن العلاية الكاويتش بتنكمش بعد فترة والعربية بتحتك في المطبات أجيب علاية نوعها أو خامتها ايه بس تكون مش بتتفعص مع كتر المطبات

[samirayad]

ياحج أحمد

هى عربيتك طرازها أيه

فانتوم ولا أير باص

خليك مع العلايه الكاوتش

حنينه وطريه على الأسنان

ومبتعملش أصوات مع المطبات

ولا تحتاج خرطوم للفه حول الياى

أنا مركبهم عندى من 3 سنوات

ولسه على أبوهم

ولا أتفعصوا ولا حاجه

دى علايات ياحج : أحمد

مش طماطم .....ممكن تتفعص

[wlelw2003]

العربية بتبطل لوحدها سواء سخنة أو باردة لكن مش دايما أحيانا تمشي طويس ومرة واحدة تتعفرت

بتقل فرصة التبطيل مع تشغيل المكيف

قبل ما تبطل العربية بتبدأ تتلت

بيقل السحب بدرجة ملحوظة

أحيانا بيكون في تقطيع في المشي

وساعات كتير بتمشي كويس بدون مشاكل

غالبا بتزيد فرصة التبطيل لما امشي فوق ال 100

العربية بتدور على طول لما ارميلها أو أشغل بالمارش

============
أنا غيرت طرمبة البنزين
وغيرت البوجيهات
وأسلاك البوجيهات
ونظفت البوابة
وعملت ايدل ليرن
وعملت اختبار شرارة

وعملت شنبر والمشكلة كانت موجودة قبل وبعد الشنبر


ولا زالت المشكلة

صدعتكوا



يا ترى ما السبب

على فكرة الموضوع حصل معايا و بعد لما غيرت 4 موبينة طلع ان ارضي الموتور بيهرب روح لميكانيكي خليه يبصلك على الارضي و ان شاء الله تتحل المشكلة

[ramyraby]

ياحج أحمد

هى عربيتك طرازها أيه

فانتوم ولا أير باص

خليك مع العلايه الكاوتش

حنينه وطريه على الأسنان

ومبتعملش أصوات مع المطبات

ولا تحتاج خرطوم للفه حول الياى

أنا مركبهم عندى من 3 سنوات

ولسه على أبوهم

ولا أتفعصوا ولا حاجه

دى علايات ياحج : أحمد

مش طماطم .....ممكن تتفعص

استاذي ومعلمي الاول المهندس / سمير بك عياد سؤال واحد لو تسمح يا غالي
هلى العليات دي تعوم العربية ؟؟ سمعت كده

[samirayad]

هلى العليات دي تعوم العربية ؟؟ سمعت كده

مش فى كل الأحوال

لو يايات العربيه طريه وبتنام مع تحميل السياره

لن يحدث أى تأثير وعومان مع وضع علايات مناسبه

أما لو اليايات أساسا كويسه

وحطينا علايات وأختل مركز ثقل السياره

فوارد طبعا حدوث تعويم للسياره مع السرعات

_____________________

نخرج من كده بأيه

أن كل حاله وليها ظروفها

وزى مابيقولوا بالبدى برضه

صوابعك مش زى بعضها

[mohfud]

طب العلايات الكاوتش دى سمكها أدإية وبتتحط ورا وقدام ولا ورا بس ونوعها إية وسعرها كام