السلام عليكم

[hkyfgvyiyu]

ان شاء الله صديق ناوى يشترى نوبيرا فكنت عايز اعرف الفرق بين اللانوس والنوبيرا فى الحاله حيث ان معايا لانوس ولكن النوبيرا ايه اخبارها قطع غيار ومشاكلها وكدا وشكرا

[محمد الشامي]

اللانوس , 1 و 2
موتور 1500
89 حصان
مشاكلها بسيطه ومحدوده , زيها زي اي عربيه حديثه
قطع غيار متوفره

النوبيرا . 1 و 2
موتور 1600
106 حصان (تقريبا)
مشاكلها بسيطه ومحدوده , زيها زي اي عربيه حديثه
قطع غيار متوفره
عربيه شيك وموتورها وعزمها وثباتها ممتاااااااز

[hkyfgvyiyu]

شكرا يا باشا على ردك
طب ليه بيقولو عليها مش بياعه

[محمد الشامي]

طب ليه بيقولو عليها مش بياعه

احيانا كمان بيسموها العربيه العجوزه , بس اتوقع ان كله كلام تجار وصنايعيه

بس بمنتهى الامانه من رأيي العربيه اكتر من ممتازه

- صاجها حلو
- سحبها حلو
- موتورها قوي ومناسب ليها
- ثبات ممتاز على الطريق لغايه 180 كم/ساعه ويمكن اكتر
- شياكه واناقه
- كابينه واسعه
- امكانيات محترمه ولا بأس بها
- قطع غيار مش غاليه بالطريقه المبالغ فيها
- مشاكلها بسيطه طالما الواحد بيتعامل معاها بالاصول
- ............................................... الخ

بصراحه انا شايفها مريحه وقيمتها فيها
واحب اطمن حضرتك ان العربيات الدايو النضيفه مطلوبه جدااااااا

انا واحد من الناس لو لقيت نوبيرا نضيفه مش هفرط فيها ابدا

[samirayad]

طب ليه بيقولو عليها مش بياعه

مجرد فكر وثقافه خطأ

قد يكون مصدرها بعض جهلة الصنايعيه

نظرا لأن العمل فى حوض السياره النوبيرا

أكثر صعوبه من حوض السياره الانوس

فحينما تنطلق النوبيرا وتملك الطريق

فلا تستطيع سياره مبارزتها ( وعن تجربه )

[م. محمد نافع]

السلام عليكم
مشاكل النوبيرا 2
معدل استهلاك البنزين مرتفع
العفشه بتبوظ بسرعه
لو اوتوماتيك الفتيس بتاعها بيبوظ بسرعه
بس مجملا هي عربيه محترمه
علي فكره موتور النوبيرا 1 1500 cc كامه مزدوجة