جنوط سبور و كاوتش عريض لعربيتى النوبيرا: مطلوب مشورة محمد ممدوح

[محمد الشامي]

والله يا محمد انت بتفكرنى بمحمد بركات = السرعه والخفه و والدقه في الاداء

شكرا يا باشا بجد علي سرعة الرد :s_thum1[1]:

ياعم ربنا يباركلك على ذوقك والله :-)

كل سنه وانت طيب :-) و رمضان كريم

[khaled_2011]

الف شكر يابشمهندس محمد على الردود السريعه والدقه والمجهود الجميل --

[waleedrahmy]

مش عمارات السعودية دى فى شارع النزهة امام دار الدفاع ولا دى حاجة تانية؟؟

فيه فعلا عمارات الشركة السعودية المصرية امام دار الدفاع الجوي ...............لاكن ال انا بقصدها ال بجوار قصر القبة والمخابرات في ميدان السواح

[mr_kenawy]

انا لسة مغير فى النوبيرا الجنوط الحديد ال 14 و الكاوتش الكومهو اللى عمل 40000 كم , و جبت من اشرفكو المطرية بجوار محطة مترو المطرية مباشرة طقم جنوط 15 ssw و اربع فرد كاوتش جود يير سلوفينى 15/195/55 مع الترصيص و ضبط الزوايا و سبت الجنوط و الكاوتش القديم و دفعت 3100 جنيه , بس الحقيقة لما طلعت على الطريق ما عجبنيش سحب العربية و حاسس انها ما بتزودش عن ال 100 كم:/ساعة بعد ما كانت طيارة و بتجيب 150 كم بكل سهولة , هل تغيير الكاوتش و الجنوط له دخل فى الموضوع ده و لا هناك سبب آخر (البوجيهات مثلا)؟

[MMamdouh]

اولا انت دفعت كتير اوى فى الحاجات دى

ثانيا تقل العربية و ضعف السحب ممكن يكون بسبب ثقل وزن الجنط... انت جبت جنط تقيل؟؟

MMamdouh

[kimo-nubira]

اولا انت دفعت كتير اوى فى الحاجات دى

ثانيا تقل العربية و ضعف السحب ممكن يكون بسبب ثقل وزن الجنط... انت جبت جنط تقيل؟؟

mmamdouh

بالنسبه لوزن الجنط نعرفه منين يا ممدوح بيبقي مكتوب عليه ؟؟

[mr_kenawy]

اولا انت دفعت كتير اوى فى الحاجات دى

ثانيا تقل العربية و ضعف السحب ممكن يكون بسبب ثقل وزن الجنط... انت جبت جنط تقيل؟؟

mmamdouh

طقم الجنوط 1800 جنيه , 4 فرد كاوتش جوديير × 380 جنيه = 1520 يبقى المجموع 3320 جنيه و دفعت 3100 بعد خصم ثمن الجنوط الحديد و الكاوتش القديم , اتضحك عليا و لا ايه؟ و فى اى جزئية؟.
2- الجنط عادى خالص مش تقيل و لا حاجة , انا قلقان من كلام كنت قريته هنا فى المنتدى بخصوص تأثير تغيير الجنوط و الكاوتش على قراءة عداد السرعة , بس الصراحة انا برده شاكك فى حاجة تانى هى البوجيهات لان العربية النهاردة عاملة 41000 كم بالبوجيهات الاصلية اللى جاية بيها , الصراحة كنت مستخسر اغيرهم لان مفيش زيهم بالضبط و لان اعراض تلف البوجيهات من تأخير التدوير صباحا الى التقطيع اثناء السير لم تظهر عندى اطلاقا , لكن واضح ان التغيير وجب.

[karimfahmy99]

موضوع البوجيهات سهل غيرهم و جرب . و بعدين 41000 كم و هل فى مرة عملت اعادة ضبط لفتحة البوجية ؟؟ كدة كدة غيرهم

[MMamdouh]

بالنسبه لوزن الجنط نعرفه منين يا ممدوح بيبقي مكتوب عليه ؟؟

لا مبيبقاش مكتوب بس بالاحساس كدة لما ترفع الجنط بايدك... طبعا لازم تكون شلت الجنط الحديد قبلة عشان تبقى علرف الجنط السبور اللى انت شايلة اتقل بكتير ولا هو هو ولا اخف و كدة

عموما الجنط الحديد وزنة بتاع 7 كيلو و لو الفرق كيلو بين الجنط الحديد و السبور مش قضية... اكتر من كدة حيبداء يتقل العربية بشكل ملحوظ

MMamdouh

[MMamdouh]

طقم الجنوط 1800 جنيه , 4 فرد كاوتش جوديير × 380 جنيه = 1520 يبقى المجموع 3320 جنيه و دفعت 3100 بعد خصم ثمن الجنوط الحديد و الكاوتش القديم , اتضحك عليا و لا ايه؟ و فى اى جزئية؟.

لا طالما بنتكلم فى جود يير يبقى الحسبة صح... الجود يير هو اللى مكلف جدا... الطقم دة فى الكومهو بيعمل 1200 جنية فقط

2- الجنط عادى خالص مش تقيل و لا حاجة , انا قلقان من كلام كنت قريته هنا فى المنتدى بخصوص تأثير تغيير الجنوط و الكاوتش على قراءة عداد السرعة , بس الصراحة انا برده شاكك فى حاجة تانى هى البوجيهات لان العربية النهاردة عاملة 41000 كم بالبوجيهات الاصلية اللى جاية بيها , الصراحة كنت مستخسر اغيرهم لان مفيش زيهم بالضبط و لان اعراض تلف البوجيهات من تأخير التدوير صباحا الى التقطيع اثناء السير لم تظهر عندى اطلاقا , لكن واضح ان التغيير وجب.

يا راجل حرام عليك... 41 الف كيلو بالبوجيهات الاصلية؟؟؟؟؟؟؟؟؟؟؟؟؟.... احمد ربنا ان العربية بتدور اساسا

MMamdouh