الكاوتش اتقطع منى من الرفرف :(

[E30power]

الموضوع بما فية انى مجنط ومعرض الكاوتش 16 45 205 ..ولقيت الكاوتش بيحك فى الشفة ورا ونحتلى شوية من الكوتش حلوين فقلت اتنيها وعلى كدة المشكلة اتحلت ..ولكن للاسف اكتشفت انها مع الاوزان التقيلة لسة بتحك برضك ممكن يكون السسب انى كنت واخد تكحيتة فى الرفرف دة وداخل لجوة شوية بس الواقع انها لسة بتحك .....وانا تعبت نفسيا خصوصا انى لسة بشد العربية ودلوقتى فى المراحل الاخيرة والكاوتش جديد كمان ..

فمحتار من انى افك الرفرف وانفخ فية وسمكرة والعربية لسة فبريقة ... وفى ناس قالتلى على حاجة اسمها صدادة على السوست بتمنع العربية تنزل منى وتحك !!!!!؟؟

فعلا الكلام دة حقيقى وهينفع يكون الحل النهائى ليها !!!؟واىة هيا الفكرة بتاعتها ومنين اجيبها واسعارها ....يا ريت يا جماعة اي حد يعرف حاجة عن موضوع الصدادات دة يساعدنى ....

[احمد المصرى]

كاوتش 16 كبير اوى على لانوس يا باشا

[waleedrahmy]

غير الي 15

[E30power]

كاوتش 16 كبير اوى على لانوس يا باشا

غير الي 15

يا باشا انا مغير العفشة ب 14 فالعفشة شايلة حلو معايا مفهاش مشاكل الحمدلله ....بس الفكرة ورا مدايقنى بشكل كبير التكحيتة مش اكتر

[msafa]

مما عملنا مش هنعمل حاجة احسن من الفابريقة

هو المقاس 16 ولا 14

عموما الكاوتش كبير جدا سواء جنط او حتى العرض و للاسف هيفضل يحك ولو عملت الصدادات (انا مش عارف في كده ولا لأ) هتحس احساس اسوأ من ال 128 والادا لأن العفشة هتكون ناشفة اوي خصوصا انها نشفت كده كده مع الجنط ال 16

[mahmoudysf]

الجنط 16 اوفر شويتين على اللنوس
بالكتير اوي 15 فل عليها

[E30power]

يا جماعة انا مغير عفشة ومعنديش اى ادنى مشكلة الحمدلله ...وانا ركبت ال16 خلاص وصعب انى افكر اركب 15 او اشيل الى عندى ....انا كنت عايز اعرف يعنى اية الصدادات وبتعمل اية علشان لو كدة اجيبها بدل ما انفخ فى الصاج

ومشكورين يا رجالة على مروركم :)

[عصام غنايم]

بلاش الصدادات

هى عباره عن كاوتش بيتحط على المساعد علشان يمنعه انه ينزل لمستوى نزوله الطبيعى ويحك

نتايجه نشوفيه فى العربيه مع المطبات وبدل الحكه اللى مضايقاك هتلاقى رزعه مع اى مطب هواء

انصحك انك تتنى شفة الرفارف شويه كمان وتخلى حد وزنه تقيل يقعد فى الشنطه وتبص العربيه لما بتهبط بتحك فين وغالباٌ هتلاقى الدلايه اللى وراء هى السبب فهتخفها شويه بالصاروخ

وعلى فكره مشكلتك مش من مقاس الجنط الكبير

لا

الموضوع ان فى رقم جوه الجنط اسمه et

الرقم ده هو اللى بيتحكم فى دخول وخروج الجنط بره العربيه

لو بصيت على الجنط عندك هتلاق الرقم ده 30 او 35 بالكتير

لو جبت نفس الجنط بنفس مقاسات الكاوتش ولاكن ال et بتاعه 40 او 45 هتتمنع الحكه من عندك نهائى

عن تجربه شخصيه

وجرب وادعيلى

[محمد الشامي]

الموضوع ان فى رقم جوه الجنط اسمه et

الرقم ده هو اللى بيتحكم فى دخول وخروج الجنط بره العربيه

لو بصيت على الجنط عندك هتلاق الرقم ده 30 او 35 بالكتير

لو جبت نفس الجنط بنفس مقاسات الكاوتش ولاكن ال et بتاعه 40 او 45 هتتمنع الحكه من عندك نهائى

طيب يا استاذ عصام هل في نسب معينه بين حجم الكاوتش والجنط ورقم الـ et ؟؟؟ ولا الموضوع انه كلما زادت قيمه الـ et كلما كان افضل ؟؟؟

[E30power]

الحمد لله يا جماعة المشكلة اتحلت تقريبا بانى نزلت دقتلى دقتين على الرفرق تانى ...
مشكوور على توضيحك يا استاذ عصام حقيقى فنااان :):)
بس انا تقريبا فليت الجنط حتة حتة ومش عارف الاقى الرقم دة فين للاسف ....

[MMamdouh]

طيب يا استاذ عصام هل في نسب معينه بين حجم الكاوتش والجنط ورقم الـ et ؟؟؟ ولا الموضوع انه كلما زادت قيمه الـ et كلما كان افضل ؟؟؟

الet مفيش فيه افضل و اسواء... دى قيمة ليها علاقة بتصميم عفشة و جسم السيارة و غالبا بيبقى عندك مدى او مساحة تقدر تتحرك فيها بامان... اكتر من كدة او اقل من كدة الكاوتش حيحك اما فى شفة الرفرف زى ما حصل مع احمد او فى المساعد



MMamdouh

[MMamdouh]

الحمد لله يا جماعة المشكلة اتحلت تقريبا بانى نزلت دقتلى دقتين على الرفرق تانى ...
مشكوور على توضيحك يا استاذ عصام حقيقى فنااان :):)
بس انا تقريبا فليت الجنط حتة حتة ومش عارف الاقى الرقم دة فين للاسف ....

انا عندى الرقم مكتوب على جسم الجنط من الداخل

MMamdouh

[محمد الشامي]

الet مفيش فيه افضل و اسواء... دى قيمة ليها علاقة بتصميم عفشة و جسم السيارة و غالبا بيبقى عندك مدى او مساحة تقدر تتحرك فيها بامان... اكتر من كدة او اقل من كدة الكاوتش حيحك اما فى شفة الرفرف زى ما حصل مع احمد او فى المساعد

mmamdouh

متشكر على التوضيح يا استاذي :-)

[عصام غنايم]

طيب يا استاذ عصام هل في نسب معينه بين حجم الكاوتش والجنط ورقم الـ et ؟؟؟ ولا الموضوع انه كلما زادت قيمه الـ et كلما كان افضل ؟؟؟

بص يا محمد زى ما ابو يوسف قال كل عربيه وليها مقاس مناسب ليها او مدى معين ممكن تتحرك جواه

( كل ما رقم ال et قل او صغر كل ما الفرده خرجت بره العربيه وده بيدى ثبات اعلى وحساسيه اكبر للطاره وتفسيخ اكبر للعفشه )

وعلى العكس

( كل ما رقم ال et كبر كل ما الفرده دخلت لجوه وحساسية الطاره قلت و العفشه استريحت )

بالنسبه لالانوس مدى التحرك الآمن من ( 35 الى 49 ).

[عصام غنايم]

الحمد لله يا جماعة المشكلة اتحلت تقريبا بانى نزلت دقتلى دقتين على الرفرق تانى ...
مشكوور على توضيحك يا استاذ عصام حقيقى فنااان :):)
بس انا تقريبا فليت الجنط حتة حتة ومش عارف الاقى الرقم دة فين للاسف ....

تحت امرك

وعلى البركه