رشاشات لانوس 2

[bravehorse]

السلام عليكم ورحمة الله وبركاته يا اهل هذا المنتدى الطيب

اولا : اتوجه اليكم جميعا بالتهنئه الخالصه بمناسبة شهر رمضان الكريم

ثانيا : الحمد لله انهردا ربنا كرمنى واشتريت طقم رشاشات بوش المانى من عند نافع فى شارع دمشق وجبت كمان طقم بوجيهات جديدة واسبراى تنظيف

المهم انا عاوز اعرف راى الاعضاء الكرام فى الرشاشات البوش دى ,,, سعرها 650 جنيه جديده

الراجل بتاع المحل قالى انها احسن من الاصلى وهتوفر معاك فى البنزين

بس بصراحه لما ركبتها حسيت ان العربيه مبتسحبش زى الاول بس سحبها يعنى معقول ,,,

يا ترى حد جرب الرشاشات دى قبل كده

العربيه لانوس 2 موديل 2001

ثالثا : رحت انهردا شحت التكيف

الراجل قالى ان فى فريون صينى بـ 150 جنيه وايطالى 175 جنيه وسويسرى او سويدى مش فاكر بـ 225 جنيه

المهم انا قلتله اشحن بابو 225 جنيه

بصراحه انا مش عارف هو كده اشتغلنى ولا الكلام ده سليم بس الحمد لله التكيف بقى تلاجه ,,, الحمد لله ,,,, ميحسد المال الا اصحابه ,,,, المهم الكلام بتاع الراجل ده سليم ولا هجس فى هجس والفريون كله واحد

حد يفدنى الله يكرمكم يا اهل الخبره

[محمد الشامي]

المهم انا عاوز اعرف راى الاعضاء الكرام فى الرشاشات البوش دى ,,, سعرها 650 جنيه جديده

والله يا استاذي انا تقريبا مشوفتش في المنتدى هنا حد اشترى البوش جديده ب 650 جنيه , لكن السؤال هو المفروض الرشاشات دي اصلا بتركب في عربيه نوعها ايه ؟؟؟؟ وبتاعته 1500 سي سي ولا 1600 سي سي ؟؟؟؟؟

الرشاشات اللي اثبتت كفاءتها حتى الان في اللانوس هي البوش بتاعه المكنه m40 ودي سعرها استيراد بـ200 جنيه وجديده بتعدي 1800 جنيه , والحمد لله شغاله مع الاخوه الاعضاء زي الفل

[bravehorse]

والله يا استاذي انا تقريبا مشوفتش في المنتدى هنا حد اشترى البوش جديده ب 650 جنيه , لكن السؤال هو المفروض الرشاشات دي اصلا بتركب في عربيه نوعها ايه ؟؟؟؟

والله يا استاذ محمد ,,, الراجل بتاع قطع الغيار قالى دى بتاعت اللانوس وقالى كمان ان فى بتاعت الاكسنت بـــ 150 جنيه تركب على اللانوس فجبت بتاعت اللانوس

ايه رايكم

[MMamdouh]

ألرشاشات اللى جبتها كام سى سى فى الدقيقة و البارت نمبر بتاعها كام؟؟

MMamdouh

[bravehorse]

ألرشاشات اللى جبتها كام سى سى فى الدقيقة و البارت نمبر بتاعها كام؟؟

MMamdouh

السلام عليكم يا باشمهندس ممدوح

كل سنه وحضرتك طيب

العلبه مكتوب عليها

1 st/pc
0 280 158 502 -000

3 165143 570920

made in germany 060ckd

robert bosch gmbH auf der breit 4

D-76227 karisruhe germany 782



<a href="ط¹ظ„ط¨ط© ط±ط´ط§ط´ ط§ظ„ظ„ط§ظ†ظˆط³.jpg - 4shared.com - photo sharing - download image" target=_blank><img src="http://dc248.4shared.com/img/3617436.../___online.jpg" border="0"></a>

[bravehorse]

دى العلبه الكان فيها الرشاشا

[mohfud]

أفيدنا يا باشمهندس عن ارقام الرشاشات التى تصلح لللانوس والنوبيرا وكل مواصفاتنا أفادكم الله حتى لا نقع فى حيرة شراء رشاشات غير مطابقة
بالمناسبة أن أجد السعر الذى أشترى بة الاخ طقم الرشاشات رخيص للغاية .
(((((((((((((((((((((((((((( 650 جنية ))))))))))))))))))))))))))))))))))))

[hon]

بالنسبة للفيريون
كل الى فى السوق صينى
والصينى فعلا درحات
ولما جيت أشحن التكييف شحنت بالصينى الدرجة الاولى وشغال كويس
لو حد عنده معلومة تانية يفيدنا

[samirayad]

الراجل بتاع المحل قالى انها احسن من الاصلى وهتوفر معاك فى البنزين

بس بصراحه لما ركبتها حسيت ان العربيه مبتسحبش زى الاول بس سحبها يعنى معقول ,,,

ياترى أيه سبب تغييرك للرشاشات

وأنا شايف مفيش مشكله معاك كبيره حاليا

لأن ممكن تكون عندك أمور تانيه ليها دخل بالسحب

لأن مش كل مشاكل السحب رشاشات

فطالما المكنه بدور تمام وأستهلاك البنزين ( بعد ماتراجع عليه تمام )

يبقى مفيش مايدعوا للقلق من الرشاشات دى

طالما ركبت وطلعت أبعادها مظبوطه ومدياك عزم معقول وقت السلانسيه
ومفيش رعشه ولا رجه ظهرت معاك وأنت لسه بتسخن

أما كون أن السحب مش عاجبك

فممكن وجود سبب آخر

[bravehorse]

ياترى أيه سبب تغييرك للرشاشات

وأنا شايف مفيش مشكله معاك كبيره حاليا

لأن ممكن تكون عندك أمور تانيه ليها دخل بالسحب

لأن مش كل مشاكل السحب رشاشات

فطالما المكنه بدور تمام وأستهلاك البنزين ( بعد ماتراجع عليه تمام )

يبقى مفيش مايدعوا للقلق من الرشاشات دى

طالما ركبت وطلعت أبعادها مظبوطه ومدياك عزم معقول وقت السلانسيه
ومفيش رعشه ولا رجه ظهرت معاك وأنت لسه بتسخن

أما كون أن السحب مش عاجبك

فممكن وجود سبب آخر

العربيه كانت بتاكل بنزين بطريقه غريبه ومن شهر سافرت بيها مطروح وفولت مرتين وانا راجع نفس القصه مع العلم انى لما كنت بسافر مطروح من القاهرة كنت بسافر بتفويله واحده من القاهرة واوصل هناك لسه معايا ربع التنك

المهم كمان كنت بشم ريحت بنزين لما ادور العربيه وكانت بتغيب فى الدواره ,, فلما رجعت من مطروح رحت كشفت على العربيه بالكمبيوتر ,,,, وكانت النتيجه ان فى مشكله فى الرشاشات


فرحت غيرت الرشاشات والحمد لله العربيه دلوقتى بدور على طول ومبشمش ريحت بنزين ومبقاش فى رعشه على السلانسيه زى الاول لما كنت باجى ادورها

ملحوظه الرشاشات القديم الاصلى فيها 6 اخرام لخروج البنزين اما الجديده الجبتها فيها 4 اخرام فهل ممكن تكون دى السبب فى ان عزم السحب قل شويه


انا لسه مغير اسطوانه ودسك وبليه وفورش وكمان بوجيهات وفلتر بنزين وفلتر هواء والزيت مبالوش اكتر من الفين كيلو هو فيلتر الزيت ( زيت موبيل وان )



الف شكر ليك يا باشمهندس سمير ,,,, منتحرمش منك ابدا

واتمنى انى اعرف رايك فى الرشاشات الجبتها انا منزل صورة العلبه بتاعتها فوق فى المشاركه السابقه

[samirayad]

ملحوظه الرشاشات القديم الاصلى فيها 6 اخرام لخروج البنزين اما الجديده الجبتها فيها 4 اخرام فهل ممكن تكون دى السبب فى ان عزم السحب قل شويه

أكيد هو ده السبب

معدل تدفق من أبع أخرام حيكون أقل من ستة أخرام

ولو أن فيه ملحوظه تانيه

ممكن يكون أتساع الخرم الواحد فى الرشاشات الجديده أكبر من القديمه

ولكن سيكون معدل التزرير أقل

وستكون قطرات البنزين المنطلقه أكبر

وبالتالى ستكون كفاءة الحريق أقل

والمفروض أن الرشاش المستبدل

يكون بنفس معدل تدفق الرشاش القديم

ونفس مقاومة ملف الرشاش


فكده الخلل الموجود الحالى فى السحب

غالبا بسبب أختلاف تصميم عدد الفتحات

ولذا أنصحك حاليا

عمل مشوار كويس جدا بالرشاشات الحاليه على طريق سريع

علشان تعرف الوضع عامل أيه

كا أستهلاك وسحب

واتمنى انى اعرف رايك فى الرشاشات الجبتها انا منزل صورة العلبه بتاعتها فوق فى المشاركه السابقه

شوف حقول حضرتك على حاجه

الحكم على حاجه مينفعش إلا بتجربتها لفتره

وخصوصا مع مشاوير طويله

وبالطيع الحاله بعد المشاوير الطويله ستنعكس على الآداء داخل المدينه

فالتجربه .............خير برهان

[mohfud]

برضة عايزين نعرف أرقام ومواصفات الرشاشات المناسبة لللانوس والنوبيرا

[Eslam.Adly]

متابع باهتمام لنفس الغرض لان العربية عندى بتشرب بنزين زى الخمره

[zizoagain]

بالنسبة لشحن التكييف انا كنت سألت واحد عشان عاوز اشحن التكييف عندي وقالي ان في نوعين هندي ب 120 جنيه وأمريكي ب 150 جنيه ومقاليش ان فيه صيني انا مش عارف ايه الصح

[Akram]

طبعاً التجربة افضل دليل على إن الرشاشات مناسبة و لا لأ ,
ممكن الرشاشات يكون سحبها كويس بس بتاكل بنزين و لو سحبها مش كويس فهيبقى فيه مشاكل هتحس بيها ,

بس ممكن التاكد عن طريق عمل Scan و مراجعة زمن الرشاشات ,
و مقارنة بالزمن القياسي لعربيتك , و بالتالي تفدر تحكم عليها بشكل أدق .