صوت موتور لانوس عالى اوى , ايه الحل ؟

[m4th]

السلام عليكم
و كل سنه و انتوا طيبين و يعيد علينا الشهر الكريم اليمن و البركات ان شاء الله

انا عندى عربيه لانوس جوليت 2 موديل 2000 مانويل كامله

صوت العربيه و هى دايره متوقفه تمام و مموره بيكونه عالى نسبيا , اللى هو يتسمع بسهوله

مش هقارن العربيه طبعا بالعربيات الزيرو بس ده عالى بوضوح يعنى

غير كده ال RPM عندى فيه علامه خضره كده لحد ال 2.5 لما بثبت السرعه على اى نقله ( التانى خصوصا) العربيه مش بتكون هاديه خالص ... بحس انى ماشى على 3.5 او 4

الموضوع انا لاحظته بس قلت يمكن ده طبيعى و لما بقرص شويه صوت الفلتر بيبان و كنت مستظرفه

لكنى ركبت عربيه تانيه ( هى تاكسى الصراحه ) لانوس 2 بس كانت موديل اعلى يعنى 2006 او اعلى

طبعا انا عارف ان فى فرق فى الموديل لكن صوت الموتور فرق السما من الارض بمعنى الكلمه !!!

يعنى العربيه و هى على التانى عنده و جايبه 40 زى عندى و هى جايبه 20 !!

اعمل ايه عشان الموتور يبقى اهدى من كده شويه ؟؟؟

ملحوظه بقى , انا تقريبا علبه البيئه عندى فيها مشكله لان بعد اى مشوار بلاحظ ان فرامل اليد بتبقى سخنه

(( انا استنتجت ان فيها علبه بيئه من كلام الاخوه فى المنتدى ان الفول اوبشن فيها لكن عمرى ما شفتها فعلا ))

ملحوظه كمان : العربيه دى استيراد يعنى كانت مركونه شويه حلوين فى المينا اكيد على ما جت و كده
و انا جبتها ركنتها شهر تقريبا تحت البيت من غير حركه
هل ممكن يكون ده عمل شمشكله خلت الموتور صوته كده ؟

يا ترى ايه حل الموضوع ده

_ بحط فى العربيه زيت موبيل XHP 3 تلاف و بغيره قبليها مش بهريه يعنى

يا ريت يكون في حل لان الموضوع ده بدأ يضايقنى فعلا

و شكرا و رمضان كريم

[ahmed_h_g]

أكشف على فلتر الهواء وأتأكد انه راكب صح وأكشف على مواسيره + الشكمان
روح لورشة شكمان وأتأكد ان الشكمان مفيهوش خرم أو شرخ

[m4th]

أكشف على فلتر الهواء وأتأكد انه راكب صح وأكشف على مواسيره + الشكمان
روح لورشة شكمان وأتأكد ان الشكمان مفيهوش خرم أو شرخ

شكرا على الرد هجرب فعلا اشوف الفلتر و الشكمان

و علبه البيئه دى ممكن تكون عمله مشكله فى مواسير الشكمان صح ؟
و لا ملهاش علاقه بالصوت ؟

و شكرا جزيلا على ردك يا باشا

[mohfud]

جرب تنظيف البوابة وحساس الايدل وإن شاء الله هتبقى تمام

السيد العضو الفاضل

تم تنبيهك عدة مرات لكتابة "ان شاء الله" بشكل صحيح

يرجى من العضو الالتزام

مشرف عام الكورى و الماليزى

[ahmed_h_g]

شكرا على الرد هجرب فعلا اشوف الفلتر و الشكمان

و علبه البيئه دى ممكن تكون عمله مشكله فى مواسير الشكمان صح ؟
و لا ملهاش علاقه بالصوت ؟
ليها طبعا"
أكشف عليها برضه
و شكرا جزيلا على ردك يا باشا

[tarek_2005]

موضوعك مكرر وسبق وقلنا لك ان عازل الكبوت هو السبب

[elsherif_2000]

موضوعك مكرر وسبق وقلنا لك ان عازل الكبوت هو السبب

و اين يتم تركيبه عازل الكبوت؟؟؟

[tarek_2005]

عازل الكابوت هو اللباد الاسود الي راكب علي صاج الكبوت من جوه ووظيفته عازل صوت وحرارة

[elsherif_2000]

ايوا يعني الواحد يبيجبه منين ويركبه فين وبكام؟؟؟

[m4th]

ايوا يعني الواحد يبيجبه منين ويركبه فين وبكام؟؟؟

+1

[MMamdouh]

140 جنية بدون كلبسات من ابو الحسن

MMamdouh

[zocor742]

بس ياجماعة الفرق مش كبير اوى ان كان فية عازل حرارى ولا لأ
يعنى هو التاثير الواضح فى الحرارة انما الصوت حاجات بسيطة مش بالدرجة اللى الاخ وصفها .
انا كنت قارنت بين عربيتى مفهاش العازل واخرى اختها اوروبى راكب فيها عازل كانت عند الميكانيكى ومكنش فية اختلاق كبير حاجة بسيطة مش زى ما الاخ وصف . بس الفرق كان محسوس بالنسبة للسخونية مع ان العربية التانية كانت سودا وكنا فى عز الحر .
ولا كلامى فية حاجة غلط

[bakkarahmed]

بس ياجماعة الفرق مش كبير اوى ان كان فية عازل حرارى ولا لأ
يعنى هو التاثير الواضح فى الحرارة انما الصوت حاجات بسيطة مش بالدرجة اللى الاخ وصفها .
انا كنت قارنت بين عربيتى مفهاش العازل واخرى اختها اوروبى راكب فيها عازل كانت عند الميكانيكى ومكنش فية اختلاق كبير حاجة بسيطة مش زى ما الاخ وصف . بس الفرق كان محسوس بالنسبة للسخونية مع ان العربية التانية كانت سودا وكنا فى عز الحر .
ولا كلامى فية حاجة غلط

+111111111111111