ممكن اعرف الليجانزا عربيه كويسه ولا

[rompo6]

ممكن اعرف الليجانزا عربيه كويسه ولا لا وياريت اسعار قطع الغيار اوبعضها

يرجى من العضو اختيار عنوان مناسب للموضوع

مشرف عام الكورى و الماليزى

[محمد الشامي]

الليجانزا عربيه محترمه جدا وفخمه , لكن حسب اللي فهمته من ملاكها ان قطع غيارها مش متوفره وملهاش انتشار كبير زي اللانوس والنوبيرا , حتى عند بتوع الاستيراد حاجتها مش كتير

لكن هي عربيه تحفه من حيث الشكل والوسع الداخلي والموتور (2000 سي سي) وبحس انها عربيه ليها وضع تاني غير اللانوس والنوبيرا

http://www.nilemotors.net/Nile/96777-a.html

[walidadel81]

زي ما قال اخونا محمد قطع غيرها مش متوفره وبعدين هي تقيله جدااا في البيع بس هي عربيه محترمه لو انت حاببها هاتها ولولاقدر الله حصل فيها مشاكل كتير سقطلها ماكينه نوبيرا 2000 ولو انت لسه بتفكر خليك بحاجه تاني افضل تكون قطع غيارها متوفره وتابع برده اكيد في زملاء ليهم راي تاني

[ahmedjumpo]

اولا كل سنة و انت و كل الاخوة طيبين
بالنسبة لليجانزا هى عربية جميلة جدا و ثابتة و من الداخل واسعة و مريحة بس اهم شىء انك تفحصها بدقة قبل الشراء علشان متغلبكش بعد كده بمعنى اكشف على الموتور و الفتيس و العفشة كويس جدا و جرب كل شىء من تكييف و انارة و خلافه و متنساش تحطها على السكانر
بالنسبة لقطع الغيار فهى متواجدة بصورة جيدة و باسعار قريبة للنوبيرا و هتلاقى قطع الغيار الاستيراد فى شارع المساكن بفيصل او بالحرفيين اما الجديد فعند المنير بفيصل و عند ابو الحسن فى بين السرايات و اى خدمة يا باشا تحت امرك علشان اخوك ليجانزاوى بس الليجانزا بتاعتى بعافية شوية

[rompo6]

طيب ياباشا ممكن بعض اسعا قطع الغيار المستهلكه وانا سمعت انها غوووووووووول بنزين

[محمد الشامي]

طيب ياباشا ممكن بعض اسعا قطع الغيار المستهلكه وانا سمعت انها غوووووووووول بنزين

مستهلكه بمعنى ايه طيب ؟ :-)

حكايه غول بنزين دي انا مقدرش اقولك اه ولا لا لاني مجربتش, بس بالمنطق كده موتور 2000 سي سي عايزه يكون ايه غير انه غول بنزين :))

[mohfud]

السيارة رفاهية عالية ولكن كما سمعت لم تحقق نجاحا فى مصر مثل النوبيرا واللانوس ولكن قطع الغيار متوفرة .
توكل على الله ولو وجت حاجة ممتازة لا تتردد بس أفحصها تمام

[ahmedjumpo]

طيب ياباشا ممكن بعض اسعا قطع الغيار المستهلكه وانا سمعت انها غوووووووووول بنزين

بص يا باشا بالنسبة لاستهلاك البنزين فهى مش غول زى ما انت متصور بس بشرط تكون العربية مضبوطة و كويسة و معدلاتها فى السفر الصفيحة بتعمل تقريبا 260 كم وفى داخل المدينة المتوسط من 170 الى 190 كم للصفيحة حسب طريقة سواقتك و الزحام اللى هتواجه و لو لاحظت هتلاقى استهلاكها للبنزين مقارب جدا للنوبيرا مش زى ما كتير من الناس متصورة ان طالما 2000 سى سى يبقى غول بنزين
بالنسبة لاسعار قطع الغيار هتلاقيها قريبة جدا من اسعار قطع غيار النوبيرا و فيه موضوع عن اسعار قطع غيار النوبيرا هنا فى المنتدى شوفه هيديك فكرة كويسة عن الاسعار

[kenway]

الليجانزا عربيه محترمه جدا انا معايا مو99 وهي عربيه ثابته علي الطريق اما بالنسبه لقطع الغيار متوفره واسعارها رخيصه مثلا طرمبه المياه 160 سير الكاتينه 80 واخر حاجه انا شاريها من يومين هي ركبه كامله استيراد 250 ..... ولو حضرتك عايز اي استفسار بخصوص العربيه انا تحت امرك

[rompo6]

ياريت والله ياباشا تعرفني كل حاجه عنها بدل هي معاك لاني علي وشك اشتري واحده والناس مخوفاني جدا جدا انا عارف انها ممتازه

[rompo6]

بقدم اعتزاري للمشرف

[محمد الشامي]

ياريت والله ياباشا تعرفني كل حاجه عنها بدل هي معاك لاني علي وشك اشتري واحده والناس مخوفاني جدا جدا انا عارف انها ممتازه

انا فـ مره كنت متحير زي حضرتك كده بخصوص قطع غيار عربيه معينه , وعملت حاجه غريبه شويه
كنت طول ما انا ماشي في الشارع وبقابل محلات قطع غيار العربيه اللي محيراني بسأل عندهم على سعر اي حاجه تيجي في دماغي , كنت بسأل على الفوانيس والاكصدامات والمساعدين ,,,, الخ , سألت تقريبا على كل حاجه عليها نسبه استهلاك او هلاك عاليه , ومن خلال الطريقه دي وقتها قدرت احدد شكل اسعار قطع غيار العربيه

ممكن حضرتك تعمل كده لو امكن :-)

[srm]

انا فـ مره كنت متحير زي حضرتك كده بخصوص قطع غيار عربيه معينه , وعملت حاجه غريبه شويه
كنت طول ما انا ماشي في الشارع وبقابل محلات قطع غيار العربيه اللي محيراني بسأل عندهم على سعر اي حاجه تيجي في دماغي , كنت بسأل على الفوانيس والاكصدامات والمساعدين ,,,, الخ , سألت تقريبا على كل حاجه عليها نسبه استهلاك او هلاك عاليه , ومن خلال الطريقه دي وقتها قدرت احدد شكل اسعار قطع غيار العربيه

ممكن حضرتك تعمل كده لو امكن :-)

والله فكره حلوه....هههههههه

[محمد الشامي]

والله فكره حلوه....هههههههه

اي خدمه يا باشا :-)) هههههه

[rompo6]

هاعملها ان شاء الله