الشامل فى عيوب شيفروليه لانوس حصرياً.

[khaled4nour]

السادة الاعضاء
السلام عليكم جميعا
رمضان كريم عليكم
انا سبق وكتبت ما فيه الكفاية عن العربيه دى لحد ما زهقت
وكل ده بغرض اعطاء خبرة للى ناوى يشتريها
والخبرة دى عن طريق التجربة الفعليه.



انا معايا شيفروليه لانوس من 5/2010 اللون سماوى ميتاليك كاملة وعيوبها كالتالى:-

1- تقفيل السيارة سيء للغاية.

2- عزم السيارة فى الاول والثاني ضعيف جدا خاصة عند فتح التكييف.

3- التوكيل سيء فوق فوق فوق فوق فوق الوصف (حلانجيه من الاخر)ولو فى مشكلة
فى السيارة وحاولو يصلحوه وما اتصلحش مش بيحاولو فيه وبيسلموك السيارة
ويقولك هى العربيه كده. عن تجربة . الناس هناك كلها بتشتكى فى سوء المعامله
والتكلفة الباهظة فى كل شيء سواء مصنعية او قطع غيار والاستقبال غير جيد

4- استهلاك البنزين عالى جداً بالمقارنه بالدايو بنفس ظروف الطريق.

5- يوجد عيب عام واجهته مع اكثر من مستخدم السيارة تحدف يمينا ومحدش عارف
السبب مهما عملت ظبط زوايا وتغيير العجل.

6-صوت الموتور عالي جدا مش طبيعى انه يكون كده.

7- السيارة غير متزنة تماماً.

8- سوء جودة التصنيع ظاهرة بالفعل على السيارة.

9-الغيار الاول عزمة قليل.

10-الفرامل خفيفة وغير امنه تماماً خصوصا فى الفرامل المفاجأة.

11- الدريكسيون فية رعشة دائما.

12- طرمبة البنزين صينى ورديئة جدا 90% من اللى اشترو السيارة باظت معاهم

13- التوكيل يرفض تركيب الانذار ويهدد انه لو تم تركيبه سوف تخرج الضفيرة من
الضمان.

14-خشنه فى الغيارات.

15-طارة البور تقيله.

16-يوجد برجله مع التكييف غير البطئ الشديد الملحوظ لدرجة انك تكره السيارة.

17- واطيه وبتحك فى المطبات ولو حملت العربية 4 او 5 السيارة هتحك فى المطبات
100% حتى ولو مشيت ع المطب بميل.

18- بطانة الابواب من بلاستيك خشن و دريء.

19-خامة التابلوه كئيبة جدا و من بلاستيك فعلا معاد تصنيعه و الكونسول الوسطي
زباله.

20- اداء المحرك في الضياع و لو شغلت التكييف مش حتجيب 60 الا بعد ربع ساعه
و انت بتعافر و كل العربيات بتعديك حتى فيات 128.

21- الابواب بتزيق و العربية كلها تحس انها مفككه مع انها 2010.

22- ريش التكييف لو قرصت عليها ممكن تطلع فى ايدك.

23-العربية الدواخل بتاعتها زبالة و صالون التكتك اشيك منه.

24- مشاكل كتيره بداية من طنابير الي شكمان الي طرمبة بنزين الي سوء تقفيل وده
ممكن تشوفه بنفسك في مركز الخدمة.







[info]

الغرض من سرد هذه العيوب هو توصيل هذه المشاكل للمسئولين حتى يتم تفادى هذه العيوب فيما بعد

فماذا فعل المستهلك الذى قام بشرائها ب 70 الف حتى يهان بهذه الدرجة فى كل هذه العيوب؟!

فنحن ذكرنا كل هذه العيوب وذلك لتوعية كل من يريد ان يشترى هذه السيارة وبناءاً عن تجارب شخصية

وانا الان ندمااااااااااااان اشد الندم على شرائها وحسبي الله ونعم الوكيل

اسف على طول الموضوع وشكرا لحسن التقبل للرأى الصريح

م/خالد

[/info]

[info]
[/info]

[محمد الشامي]

لا حول ولا قوه الا بالله , ربنا يهون عليك ان شاء الله

بس عايز اقول لحضرتك ان ضعف الفرامل و ضعف العزم مع التكييف موجود حتى في الدايو لانوس
يعني لا تعتبر انها عيوب قاصره على الشيفروليه

لكن بخلاف الكلام ده فأنا احترم واقدر وجهه نظر حضرتك تماما

[haimaN]

5- يوجد عيب عام واجهته مع اكثر من مستخدم السيارة تحدف يمينا ومحدش عارف
السبب مهما عملت ظبط زوايا وتغيير العجل.

صحبى اشتكى من الموضوع ده برده وسمعتها من اكتر من واحد



ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون ويرجى مراجعة قوانين المنتدى
مشرف 12 أ

[rocker]

صحبى اشتكى من الموضوع ده برده وسمعتها من اكتر من واحد

الجنوت 13
لو اتحطط 14 واتغير الكاوتش فكركم ممكن تركز
ولا برضوا تعوم

[msaleh_353]

لا حول ولا قوه الا بالله , ربنا يهون عليك ان شاء الله

بس عايز اقول لحضرتك ان ضعف الفرامل و ضعف العزم مع التكييف موجود حتى في الدايو لانوس
يعني لا تعتبر انها عيوب قاصره على الشيفروليه

لكن بخلاف الكلام ده فأنا احترم واقدر وجهه نظر حضرتك تماما

أيوة موضوع الفرامل ده فعلا في الاتنين أنا عندي دايو 2005 والنهاردة تحديدا كنت واخد عربية واحد صحبي بومه ووأنا ماشي ضغطت فرامل عادي يعني علي غرار ما أفعل وأنا سايق الدايو والله كنت هخرج من الزجاج الأمامي العربيه وقفت بغباء آسف قصدي أنا اللي ضغطت فرامل بغباء زي ما أنا متعود مع عربيتي فعرفت مدي ضعف فرامل الدايو لكن المسأله مسألة تعود وتعرف كيف تتحكم في سيارتك علي قدر امكانياتها ....

[bakkarahmed]

اللي لمسته مختلف في ركوبه الشيفروليه (طبعا بعد التقفيل اللي اسوأ من الصيني)
صوت الموتور عالي جدا حتي في الكامله

[khaled4nour]

منتظرين اراء الاعضاء فى السيارة المنكوبة شيفروليه لانوس

[vibo]

اشتكي التويكل لجهاز حمايت المستهلك وقلهم العربيه فيه عيوب

[ahmedsrs]

ربنا معاك طيب ايه مميزات العربية من وافع التجربة

[bakkarahmed]

علشان نقيم الشيفروليه لانوس لازم اللي يقيمها يكون ركب دايو لانوس لفتره علشان يقدر يعمل مقارنه عادله (لان الدايو نفسه فيه عيوب زي اي عربيه) المهم ان ماتظهرش عيوب اخري تضيف عبء علي مستوي الانوس( اكتر عربيه شعبيه في مصر)
ولو الامر اقتصر علي سوء التقفيل من الداخل فبرده مش هايبقي اسؤ من الفيرنا اللي بتنزل بكاوتش نسر(فاخر)

[swordleee]

انا معايا شيفروليه لانوس جبتها 3/2009 يعني العربية بقالها معايا تقريبن سنة ونص و أليكم راي فيها :

1- انا كنت في الاول بشتكي من ضعف سحب العربية و خصوصا ان انا سواقتي رياضية و كمان كان اعلي سرعة بتجبها 140 بالعفية و مؤشر الحرارة المكنش بيزيد عن الربع و فعلن خامة العفشة وحشة جدا بالمقارنة بخامة الدايو .

2- مشكلت مؤشر الحرارة اتحلت الحمد لله طبعا بفضل ( م/سمير و استاذ ممدوح الي وضحولي سبب المشكلة كان صباع الحرارة)

ملحوظة: انا لما روحت التوكيل عشان اغير صبا ع الحرارة ملقيتش حد يكلمني او يعبرني حتي المهندس الي هناك كنت قاعد اجري ورا عشان يجي يشوف العربية لما عبرني و جالي و بص علي مؤشر الحرارة بسرعة كده قال لي انه مفيهوش حاجة , قلتلو دا مبيعديعدش الربع و الطبيعي انه يكون قبل النصف بشرطة ام قالي طب ثواني و راجع تاني و سبني و مشي طبعن انا اتعصبت جدا و ربع سا عة و لقيتو جي قلتلو انل عاوز اغير صباع الحرارة عشان هو الي عامل المشكلة دي قالي و عرفت منين ؟ قمت قلتلو علي المنتدى و كده قام قلي طيب و طلب من الصنيعي يغيرو و بعدها الحمد لله العربية حسيت بفرق فالصوت والسحب ,,,,, انا اسف علي الاطالة بس حبيت اقولكو علي تجربتي مع التوكيل

3- العربية كانت بتاكل بنزين كتير اوي و الي يغيظك اني كنت بفول 92 و برضو السحب ضعيف كنت عشان اعرف اسحب لازم اجيب rpm 4 و طبعا بعدها بلاقي البنزين قل جامد .................... اكن بعد لما قريت موضوع الاستاذ عصام بتاع تظبيت فيشة الأوكتين و عملتلها ظبتط ال 95 العربية الحمد لله بقت تمام اوي السحب بقي احسن بكتير و كمان استهلاك البنزين قل و بقت بتجيب 160 مستريح كمان.............

4- بانسبة لموضوع الفرامل فا دا معاكو حق فيه هي طعيفة فعلن بس انا اتعودت عليها كده و ربنا بيسترها .......

5- العربية فعلن بتحدف يمين بس بسيط اوي يعني غير ملحوظة

6- المشكلة المقرفة فعلن لما بشغل ال تكيف صوت الموتور بعيلى جامد اوي اوي لدرجت ان اي حد بعقعد جمبي بيقولي هو المو تور بتاعك مالو صوتو عامل كده ليه
بس غير كده العربية تمام و لسة مظهرش مشاكل و ربنا يستر................

[prince2005]

منتظرين اراء الاعضاء فى السيارة المنكوبة شيفروليه لانوس

this is what I tried to tell all the members ever since i bought this vehicle.I really rgret buying it.70,000 LE wasted away

[ahmedeg1]

السلام عليكم و رحمة الله و بركاته و كل سنه و انتم طيبيين
من الواضح ان الأخ اللى كاتب لستة المشاكل اتقرص من وساخة التوكيل و أحب أوضح لسيادتكم ان أوسخ حاجه بتنغص على الواحد عيشته فى العربية دى و يبقى شايل هماها هوا التوكيل و مواعيد الصيانه الدوريه بس عاوز أقول حاجه لوجه الله أن الشيفورليه لانوس أنا أملكها و الحمد لله من 28-3-2010 و العربيه فهلا كان سحبها زى الزفت فى الأول بس مع التكييفلكن من غيره العربيه تمام و فعلا لغيارات كانت خشنه جدا لدرجة انى ندمت انى بعت عربيتى الرينو موديل 1987 بسلاحظت حاجه ان سواقتى للعربية هيا اللى كانت مش مظبوطه أول حاجه عاوزكم تعرفوها ان العربيه دى بعد ما قعدت معايا و اتعودت عليها اكتشفت انها عربيه محترمه جدا جدا و لما بدءت أقرا فى السرفيس مانيوال بتاعها و ظبط معامل توقيت الشراره الخاص بقوة الأوكتين الموجوده فى البنزين المستخدم لاقيت العربيه فرقت كتير جدا جدا فرق السما من العمى و لما رحت التوكيل الزباله اللى أساء للانوس قالى اللى انتا عملته مظبوط بس احنا بنظبطها فى مصر على بنزين تسعيين و قولنله طبعا كلامك غلط و وريته الضبط يقى الزاى يعمى من الإخر عيوب السيارة تتلخص فى التالى التقفيل مش100 100 و لكن مقبول لحد ما و صاج السياره تحس انه ورق بس عاوز أقول حاجة ان العربية فى الثبات عشره على عشره و استهلاك البنزين عشره على عشره و السحب مع التكييف بعد ضبط الأوكسن بقى ميت فل و عشره و موضوه الهزه اللى فى الدركسيون و الحدفه اليمين أو الشمال كان عندى و رحت ظبط ترصيص العجل و خليت ضغط الكاوتش على 28 مش 30 و نتروجين و عاوز أقولك ان الهاف اوبشن فى الشيفورليه بيركبله موتور و ضفيرة الكامله فى اللانوس يعنى هتلاقى egr و علبة بيئة و لحبيت تركب سنتر أول زجاج كهربا أو شبوره و ساعة فى التبلوه مش هتقطع الضفير خالص و هتلاقى فيوزات الحاجات دى فى الدائرة الكهربيه بتاعة العربيه
صلى انتا على النبى و حاول تفتح موتورك و تعلمه المشى صح عشان يسمع كلامك لما تحب تخليه يجرى و لو احتجت اى مساعده اطلبها و متترددش
أخوك فى الله
أحمد

[mr_sameh]

هوا فيه فرق بين الدايو والشيفروليه ؟

[swordleee]

السلام عليكم و رحمة الله و بركاته و كل سنه و انتم طيبيين
من الواضح ان الأخ اللى كاتب لستة المشاكل اتقرص من وساخة التوكيل و أحب أوضح لسيادتكم ان أوسخ حاجه بتنغص على الواحد عيشته فى العربية دى و يبقى شايل هماها هوا التوكيل و مواعيد الصيانه الدوريه بس عاوز أقول حاجه لوجه الله أن الشيفورليه لانوس أنا أملكها و الحمد لله من 28-3-2010 و العربيه فهلا كان سحبها زى الزفت فى الأول بس مع التكييفلكن من غيره العربيه تمام و فعلا لغيارات كانت خشنه جدا لدرجة انى ندمت انى بعت عربيتى الرينو موديل 1987 بسلاحظت حاجه ان سواقتى للعربية هيا اللى كانت مش مظبوطه أول حاجه عاوزكم تعرفوها ان العربيه دى بعد ما قعدت معايا و اتعودت عليها اكتشفت انها عربيه محترمه جدا جدا و لما بدءت أقرا فى السرفيس مانيوال بتاعها و ظبط معامل توقيت الشراره الخاص بقوة الأوكتين الموجوده فى البنزين المستخدم لاقيت العربيه فرقت كتير جدا جدا فرق السما من العمى و لما رحت التوكيل الزباله اللى أساء للانوس قالى اللى انتا عملته مظبوط بس احنا بنظبطها فى مصر على بنزين تسعيين و قولنله طبعا كلامك غلط و وريته الضبط يقى الزاى يعمى من الإخر عيوب السيارة تتلخص فى التالى التقفيل مش100 100 و لكن مقبول لحد ما و صاج السياره تحس انه ورق بس عاوز أقول حاجة ان العربية فى الثبات عشره على عشره و استهلاك البنزين عشره على عشره و السحب مع التكييف بعد ضبط الأوكسن بقى ميت فل و عشره و موضوه الهزه اللى فى الدركسيون و الحدفه اليمين أو الشمال كان عندى و رحت ظبط ترصيص العجل و خليت ضغط الكاوتش على 28 مش 30 و نتروجين و عاوز أقولك ان الهاف اوبشن فى الشيفورليه بيركبله موتور و ضفيرة الكامله فى اللانوس يعنى هتلاقى egr و علبة بيئة و لحبيت تركب سنتر أول زجاج كهربا أو شبوره و ساعة فى التبلوه مش هتقطع الضفير خالص و هتلاقى فيوزات الحاجات دى فى الدائرة الكهربيه بتاعة العربيه
صلى انتا على النبى و حاول تفتح موتورك و تعلمه المشى صح عشان يسمع كلامك لما تحب تخليه يجرى و لو احتجت اى مساعده اطلبها و متترددش
أخوك فى الله
أحمد

+1
كان عندي استفسار بخصوص وحضرتك مشغل الكيف صوت الموتور بعلي جامد ؟