إصلاح كونتاكت الدايو لانوس.

[mohfud]

فى سابقة لم تحدث من قبل كنت أحاول إدخال مفتاح السيارة فلم يدخل فى الكونتاك رغم أنى من نصف ساعة فقط كنت أسير بالسيارة بشكل طبيعى وم يحدث شىء .
المهم عافرت فية وأدخلتة بصعوبة بعد أن وضعت علية نقطة من زيت الموتور ولكن السيارة حلفت ما تدور والكونتاكت حلف ما يفتح والمفتاح مزرجن زى الحديد.
حاولت أحرك التارة يمين وشمال يمكن المسوجر معصلج
أبدا مفيش إستجابة .
حاولت أدى غيار أدوس دبرياج وبنزين ولا حياة لمن تنادى.
المهم أتصلت بالكهربائى قالى لازم نفك الكونتاك ويروح لبتاع مفاتيح يصلحة وبعدين نركبة تانى وشربنا الامرين وأحنا بنفكة المهم فكيتة ورحت لبتاع مفاتيح مشهور عندنا فى المنيا فك الظرف البيكون فية المفتاح وطلع كل الريش النحاس والسوست الصغيرة ونظفها وركبها تانى والحمد لله مفيش سوست مكسورة .
بتاع المفاتيح أخد 10 جنية بعد فصال مرير وكان عاوز عشرين أما الكهربائى أخد عشرين بصراحة تعب معاية جدا وجالى الساعة 12 بالليل وقعد يفك لغاية الساعة 2.3 صباحا وفى اليوم الثانى صلحنا وركبنا الكونتاك
والحمد لله قدر الله وماشاء فعل ولاعربية كانت مركونة كويس مش فى نص الشارع.
واليكم صور الكونتاك بعد الفك

تم ايقافك 3 ايام لتعمدك كتابة لفظ الجلالة بشكل خاطىء و تجاهل تنبية الادارة بخصوص هذا الامر

مشرف عام الكورى و الماليزى

[mohfud]

دا الظرف الخارجى وفية سوستى التركيب الكبيرة الصفراء


دا القلب البيبات فية المفتاح وجنبة الريش النحاس والسوست

[karimfahmy99]

نصيحة عامة بلاش تحط لبشة مفاتيح مع مفتاح الكونتاكت . و كويس لو كل فترة ترش فى الفتحة wd40 بس بخة ع السريع مش تغرقة

[tarek_2005]

موضوعك مفيد لمن يريد المعرفة
وعندي مشكلة وهي صعوبة خروج المفتاح من الكونتاكت وارجو ان اكون وصلت لحل فيها بعد مشاهدة مشاركتك هذه

[karimfahmy99]

موضوعك مفيد لمن يريد المعرفة
وعندي مشكلة وهي صعوبة خروج المفتاح من الكونتاكت وارجو ان اكون وصلت لحل فيها بعد مشاهدة مشاركتك هذه

بخة سريعة wd40 و دخل المفتاح كذا مرة و لفة و طلعة امسحة . اعمل كدة 4 او خمس مرات هتلاقى المفتاح طالع من جوة بهباب . لو عاوز تعمل مرة تانى ممكن بخة و كرر الموضوع . زمان كنا بنعملة بالجاز

[tarek_2005]

بخة سريعة wd40 و دخل المفتاح كذا مرة و لفة و طلعة امسحة . اعمل كدة 4 او خمس مرات هتلاقى المفتاح طالع من جوة بهباب . لو عاوز تعمل مرة تانى ممكن بخة و كرر الموضوع . زمان كنا بنعملة بالجاز

اجرب النهاردة بعد الفطار واقول لكم النتيجة ان شاء الله

[karimfahmy99]

خير ان شاء الله و فى انتظار النتيجة

[shankosi]

بخة سريعة wd40 و دخل المفتاح كذا مرة و لفة و طلعة امسحة . اعمل كدة 4 او خمس مرات هتلاقى المفتاح طالع من جوة بهباب . لو عاوز تعمل مرة تانى ممكن بخة و كرر الموضوع . زمان كنا بنعملة بالجاز

أنا فعلاً بعمل الموضوع ده كل فترة عشان أحافظ على الكونتاكت

[mohfud]

يا أستاذى الفاضل الوساخة بين الريش النحاس والسوست فى مكان ضيق للغاية لا يصل الية ال wd لان الوساخة محشورة بين الريش والمكان البتبات فية وكذلك السوست لازم يتفك ويتنظف
أما بخصوص صعوبة إخراج المفتاح فدا ممكن يكون بسبب أحد الريش أو سوستى الاخراج ضعفت على ما أظن

[dr.hany]

أنا فعلاً بعمل الموضوع ده كل فترة عشان أحافظ على الكونتاكت

11111111111111111111

[karimfahmy99]

أنا فعلاً بعمل الموضوع ده كل فترة عشان أحافظ على الكونتاكت

يا أستاذى الفاضل الوساخة بين الريش النحاس والسوست فى مكان ضيق للغاية لا يصل الية ال wd لان الوساخة محشورة بين الريش والمكان البتبات فية وكذلك السوست لازم يتفك ويتنظف
أما بخصوص صعوبة إخراج المفتاح فدا ممكن يكون بسبب أحد الريش أو سوستى الاخراج ضعفت على ما أظن

الله ينور عليك و متنساش موضوع بلاش لبشة مفاتيح متعلقة مع الكونتاكت لانة بيبوظ البلى .

اعتقد ال wd يقدر يوصل اى حتة و الوساخة هتنزل تحت بعيد عن البلى . عشان كدة انا قلت يطلع و يدخل المفتاح كذا مرة و يلف المفتاح كانة بيدور و لو احتاج يكرر تانى . المهم كل مرة يطلع المفتاح لازم يمسحة بفوطة بلاش كلينكس عشان مفيش حتة تتحشر فى سن المفتاح و تدخل جوة و يمسح الوساخة اللى طالعة

[محمد الشامي]

مبروك تصليح الكونتاكت :-)

[tarek_2005]

قمت الان بتنفيذ نصيحة العضو الفاضل وقمت برش wd40داخل الكونتاكت وعلي المفتاح وقمت بادخال واخراج المفتاح اكثر من 50 مرة ومسحه بفوطة في كل مرة واجاركم الله من الي شفته بيخرج مع المفتاح في كل مرة
تقريباً مالك السيارة السابق لم ينظف حتي المفتاح
والان المفتاح اصبح في منتهي السلاسة في الدخول والخروج والتنقل بين اوضاع الكونتاكت
الف شكر لكل الاعضاء واوصي باقي الاعضاء بعمل هذا الموضوع بصفة دورية للصيانة والمحافظة علي الكونتاكت

[karimfahmy99]

قمت الان بتنفيذ نصيحة العضو الفاضل وقمت برش wd40داخل الكونتاكت وعلي المفتاح وقمت بادخال واخراج المفتاح اكثر من 50 مرة ومسحه بفوطة في كل مرة واجاركم الله من الي شفته بيخرج مع المفتاح في كل مرة
تقريباً مالك السيارة السابق لم ينظف حتي المفتاح
والان المفتاح اصبح في منتهي السلاسة في الدخول والخروج والتنقل بين اوضاع الكونتاكت
الف شكر لكل الاعضاء واوصي باقي الاعضاء بعمل هذا الموضوع بصفة دورية للصيانة والمحافظة علي الكونتاكت

الف مبروك تصليح الكونتاكت . و صح لازم كل فترة نعمل الموضوع دا و متستناش لما تلاقى زرجنة لانك بتنضف و تنزل الوساخة بالاضافة لعملية تزيت ناعمة للبلى لاطالة عمر الكونتاكت . و برضة بكرر تانى اهم نقطة بلاش تعليق لبشة مفاتيح مع مفتاح الكونتاكت لانة دا بنفس الخطورة و مع هزهزة المفاتيح يؤدى لتاكل البلى

[mohfud]

مبروك تصليح الكونتاكت :-)

ربنا يخليك ليا يا غالى وكل عام وأنتم بخير