جلد صباب و لا رشاشات

[khaledserag]

عايز اعرف ايه اعراض جلد الصبابات و اعراض الرشاشات
لان انا عربيتى بتجيب دخنة عند الدوارة صباحا فقط و لكن باقى اليوم لا
و كمان فيه اعراض رشاشات زى ضعف السحب بشدة و تاخير الدوارة خلال اليوم و ريحة بنزين و استهلاك بنزين عالى جدا
قلت اروح اجيب طقم رشاشات بى ام زى ما الاخوة نصحونى
الميكانيكى قاللى لا اعمل جلد الصباب الاول و بعدين ممكن باقى العيوب تتحل
انا عايز اعرف انا لو عملت جلد صباب ايه اللى هيتحسن لان لو على الدخنة بس مش مضايقانى دلوقتى لكن اللى مضايقنى اكتر باقى الاعراض
فايه رايكوا اعمل جلد الصبابات الاول و اسمع كلام الميكانيكى و لا اغير رشاشات
و يا ترى لو عملت جلد صباب هيتكلف اد ايه
thanx

[MMamdouh]

المنطقى انك تغير الرشاشات الاول... حل المشاكمل دايما بيبقى الحل الاسهل و الاقل تكلفة الاول فا الاصعب و الغلى و هكذا

MMamdouh

[wlelw2003]

كلام سليم و منطقي

[SBkr]

الأرجح و الأكثر قبولا هو الرشاشات لأن لو كاوتش الصببات هوة التالف الدخنة هتستمر معاك حتي بعد تسخين المحرك و السير وليس فقط عند بدأ التشغيل لأن بتكون الرشاشات مسيلة بنزين علي البساتم بكثرة فتسبب هذة الدخنة الشديدة وارتفاع الإستهلاك للوقود برضة دليل آخر وهل المنطقي ان تبداء من قلب المحرك تفك وش السلندر أم يبدأ من الخارج حيث الرششات يمكن تغييرها في نصف ساعة وشكرا دة انا نفسي حد يجبلي رششات بي أم تكون كويسة للنوبيرا علشان عندي برضة استهلاك عالي خاصة جوة البلد وريحة بنزين واضحة في العادم.

[khaledserag]

يعنى افهم من كدة ان جلد الصباب مشكلته بس الدخنة بتاعة الصبح و لكن باقى الاعراض رشاشات؟

[bakkarahmed]

لو عايز تتاكد اكشف علي الرشاشات باسكانر .. علشان تبقس مطمن والاوقع ان الرشاشات تكون هي السبب

[mohfud]

لو عايز تتاكد اكشف علي الرشاشات باسكانر .. علشان تبقس مطمن والاوقع ان الرشاشات تكون هي السبب ++++111
ط§ظ„ط¯ظˆط± ط§ظ„ط·ط§ط¦ظپظٹ ظ„طµطظٹظپط© ط§ظ„ظٹظˆظ… ط§ظ„ط³ط§ط¨ط¹

[memoo305]

على حسب لون الدخنة لو كانت سوده يبقى رشاشات ولو كانت بيضا ذات رائحة زيت محروق أو مائلة للأزرق يبقى كاوتش الصباب . هذا والله أعلم.

[alexcdx]

على حسب لون الدخنة لو كانت سوده يبقى رشاشات ولو كانت بيضا ذات رائحة زيت محروق أو مائلة للأزرق يبقى كاوتش الصباب . هذا والله أعلم.

+1

فى حاجه عايز نفكر فيها سوا
أنا كنت بنضف البوابه و المانافولد كل شهر بالكاربو كلين سبراى و الماده دى حاميه جدا على الجلد أو الكوتش
لحد لما العربيه أبتدت تدخن أبيض .
و كان الحل أنى أفك وش السلندر و أغير طقم جلد الصباب ودى كانت تانى مره فى سنه واحده
و على فكره جلد صباب الأوبترا من التوكيل محكم أكتر من اللى فى السوق (و هو هو نفس رقم العينه) وكان عامل 110 جنيه تقريبا
و الحمد لله العربيه دلوقتى باقلها سنه مفيش دخنه و البوبه بنضفها بمنديل وسبرتو أبيض.

[محمد الشامي]

+1

فى حاجه عايز نفكر فيها سوا
أنا كنت بنضف البوابه و المانافولد كل شهر بالكاربو كلين سبراى و الماده دى حاميه جدا على الجلد أو الكوتش
لحد لما العربيه أبتدت تدخن أبيض .
و كان الحل أنى أفك وش السلندر و أغير طقم جلد الصباب ودى كانت تانى مره فى سنه واحده
و على فكره جلد صباب الأوبترا من التوكيل محكم أكتر من اللى فى السوق (و هو هو نفس رقم العينه) وكان عامل 110 جنيه تقريبا
و الحمد لله العربيه دلوقتى باقلها سنه مفيش دخنه و البوبه بنضفها بمنديل وسبرتو أبيض.

المفروض تنضيف البوابه بيكون بالـ wd40 , اعتقد عشان النقطه دي

بس حضرتك بتنضف المنافولد نفسه ازاي ؟ ده لازم يتفك من مكانه

[khaledserag]

طب ممكن حد يفيدنى تكلفة جلد الصباب بالمصنعية و الخراط كام تقريبا؟

[MMamdouh]

+1

فى حاجه عايز نفكر فيها سوا
أنا كنت بنضف البوابه و المانافولد كل شهر بالكاربو كلين سبراى و الماده دى حاميه جدا على الجلد أو الكوتش
لحد لما العربيه أبتدت تدخن أبيض .
و كان الحل أنى أفك وش السلندر و أغير طقم جلد الصباب ودى كانت تانى مره فى سنه واحده
و على فكره جلد صباب الأوبترا من التوكيل محكم أكتر من اللى فى السوق (و هو هو نفس رقم العينه) وكان عامل 110 جنيه تقريبا
و الحمد لله العربيه دلوقتى باقلها سنه مفيش دخنه و البوبه بنضفها بمنديل وسبرتو أبيض.

بس كاوتش الصباب مش فى سكة المنظف خالص لما يترش فى المنافولد

MMamdouh

[alexcdx]

بس كاوتش الصباب مش فى سكة المنظف خالص لما يترش فى المنافولد

mmamdouh

أمال جلد الصباب ده شغله زيت فقط ؟ طب و شفط الهواء من المانفولد مش شغل الصباب؟
ما تفهمنى الحته دى
(لك وحشه يا محمد)

[MMamdouh]

هو فعلا كاوتش الصباب شغلتة التحكم فى كمية الزيت اللى بتوصل لساق الصباب لعملية التزييت

الصباب بالفعل شغلتة تمرير شحنة الهوا و البنزين و اخراج العادم بس دة بيحصل عند منطقة قرص الصباب... كاوتش الصباب بيبقى من ناحية سوستة الصباب و بعيد تماما عن ممر العادم و خليط الهوا و البنزين

لما كاوتش الصباب بيتلف كمية كبيرة من الزيت بتمر من منطقة الكامات و الكستبانات الى ساق الصباب و تكل لحد ما توصل الى ممرات الهوا و بالتالى بيتسحب الزيت دة مع خليط الهوا و البنزين و يتحرق و يطلع فى صورة دخنة

انت والله اللى ليك وحشة يا باشا و على فكرة فيه مشروع مقابلة يوم الخميس ان شاء الله... ارجو يسعدنا الحظ و تكون فى القاهرة و نقدر نشوفك يا باشا

MMamdouh

[alexcdx]

هو فعلا كاوتش الصباب شغلتة التحكم فى كمية الزيت اللى بتوصل لساق الصباب لعملية التزييت

الصباب بالفعل شغلتة تمرير شحنة الهوا و البنزين و اخراج العادم بس دة بيحصل عند منطقة قرص الصباب... كاوتش الصباب بيبقى من ناحية سوستة الصباب و بعيد تماما عن ممر العادم و خليط الهوا و البنزين

لما كاوتش الصباب بيتلف كمية كبيرة من الزيت بتمر من منطقة الكامات و الكستبانات الى ساق الصباب و تكل لحد ما توصل الى ممرات الهوا و بالتالى بيتسحب الزيت دة مع خليط الهوا و البنزين و يتحرق و يطلع فى صورة دخنة

انت والله اللى ليك وحشة يا باشا و على فكرة فيه مشروع مقابلة يوم الخميس ان شاء الله... ارجو يسعدنا الحظ و تكون فى القاهرة و نقدر نشوفك يا باشا

mmamdouh

كلامك منطقى جدا .

(كان نفسى نتقابل ممكن المقابله اللى بعد العيد )
كل عام و أنتم بخير