بوبينة التكرير(الكويل) لانوس طلب مساعدة

[tarekalrashedy]

احبائى كل سنة وانتمطيبين سيارتى دايو لانوس 2000 منذ اربعة شهور وحتى الآن تم تغيير بوبينة التكرير ثلاثة مرات واليوم بدأت مرة أخرى تنتش وتدق اثنين بدل اربعة نفس الأعراض فى كل مرة فهل هناك حل لهذه المشكلة علما بإنى بأشترى البوبينة الصينى لإنها أرخص وكان الميكانيكى الأول قال غير طلمبة البنزين وتم التتغيير ولكن التنتيش استمر والميكانيكى الثانى قال عيب البوبينة وفعلا بمجرد التغيير اختفى العيب ولكن يظهر كل فترة واغير البوبينة ياريت المشورة والنصيحة أيها الأحبة

[tarek_2005]

اخبار البوجيهات التي لا تعمل عند العد اثنين ايه واخبار شرارة البوبينة الجديدة علي الاربع مخارج ايه وهل نفس المخرجين الي بيتوقفوا ولا بيتغيروا

[tarekalrashedy]

شكرا أخى طارق أما عن البوجيهات فهى جديدة ونفس المخارج هى هى اللى بتتوقف وسوف اتاكد من ذلك مرة اخرى

[tarek_2005]

قصدت في سؤالي البوجيهات التي تقطع مخارج البوبينة لها هل هي محترقة او متفحمة او الحرق عليها لونه ابيض ام اسود ام اللون العادي وجديدة تم تغيير الثلاث بوبينات عليهم ولا غيرتهم مع تغيير اي من البوبينات السابقة

[tarekalrashedy]

أخى طارق أنا غيرتهم مع أول مرة يحدث تغيير للبوبينة وبعدين كنت بغير البوبينة دون تغيير البوجيهات وعموما سوف أرد عليك غدا بإذن الله بعد أن أشاهد البوجيهات معلش استحملنى شوية

[tarek_2005]

احتمال وارد ولكنه ضعيف ان البوجيهات لو بها كسر عزل طفيف توثر علي كويل البوبينة وتقوم باحراقه لذا عند تغيير البوبينة الحالية اوصيك بتغيير البوجيهات وطقم السلوك معها حتي تتاكد لاقدر الله لو تكرر العيب انه من صناعة البوبينة الرديئة وليس من عيب لديك بالسيارة

[zocor742]

البوبينا الصينى تعبانة ومش بتكمل حاجة وتعطل
لدرجة انك ممكن وانت بتشتريها تلاقيها قاطعة خرجين وشغالة على اتنين بس .
من الاخر ريح دماغك وهات الاصلى gm وهتعييش معاك ان شاء الله
انا اتحطيت فى نفس الموقف زيك وكنت ما اجيب واحدة صينى تقعد شهر وتشيع تالت مرة جبت الاصلى وقولت يارتنى جبتها من الاول .
واعمل حسابك تغير سلوك البوجيهات عشان هتلاقيها تعبت وهتبوظ الجديدة وبالمرة غير البوجيهات .

[MMamdouh]

فيه حد كان قال ان تكرار تلف البوبينة بيبقى مشكلة كابل ارضى بيبقى مش راكب و غالبا دة بيحصل بعد عملية تغيير طقم الدبرياج

MMamdouh

[tarek_2005]

فيه حد كان قال ان تكرار تلف البوبينة بيبقى مشكلة كابل ارضى بيبقى مش راكب و غالبا دة بيحصل بعد عملية تغيير طقم الدبرياج

mmamdouh

نسيت اقول ان كابل الارضي مهم جداً في هذه المشكلة
شكراً مهندسنا للتذكير

[bakkarahmed]

فيه حد كان قال ان تكرار تلف البوبينة بيبقى مشكلة كابل ارضى بيبقى مش راكب و غالبا دة بيحصل بعد عملية تغيير طقم الدبرياج

mmamdouh

ده كان استاذ وائل وكان مغير بوبينه 3مرات والمشكله موجوده وطلع العيب من الكابل الارضي اللي ناحيه الفتيس مش مربوط كويس

[mashaly]

طب ودا مكانه فين ياجماعة الكابل دا
لانه فعلا انا بعد ماغيرت طقم الدبرياج والتنتيش اللي عندي حصل بعد الموضوع دا ولسى لحد دلوقتي مش عارف من ايه الموبينه قربت تودع ولا من حاجه تاني وممكن الكابل دا مش موصل وهو اللي عمل القلق دا كله

[fosfos010]

ياريت توصف كابل الارضى دة فين ولو فى صورة لية يبقى احسن

[tarek_2005]

ولا تزعل انا في الخدمة بص علي الصورة دي



ومن الصورة تعرف ان مكانه بين صدر العربية والمحرك من الخلف واسفل المانفول

[mashaly]

شكرا استاذ طارق على الاهتمام والتوضيح
دا صعب اننا نوصله على مااعتقد لانه ورا الماتور لازم المكانيكي يبص عليه صح ولا انا غلطان

[tarek_2005]

ممكن تشوفه لو وقفت جنب الرفرف اليمين وبصيت علي المكان بتاعه او انك تقف جنب الرفرف الشمال وتبص عليه من فوق السيرفو