كام سؤال كده على الطاير

[M.Alaa92]

اولا كل سنة و انتم طيبين
بصو يا رجالة العملية عايزة صبر شوية
انا معايا نوبيرا 2001
اول حاحة العربية على السلانسية بتبقى مش مزبوطة يعنى تبص على المرايا اللى فى الجناب تلاقيها بتتهز؟؟؟
تانى حاجة صوت الموتور شنيع عند ار بى ام 3.5 تحس انك راكب عربية سولار كده
التكيف ده حكايته حكاية لما تيجى تشغله يطلع ريحة كمكمة
و الهوا بيوصل لرجلى مع انى مش مختار وضع ان التكيف يجى على رجلى خالص

صوت المروحة عالى اوى على السرعة الرابعة
ولما يجى ار بى ام 3.5 و التكيف شغال بيضعف هل ده طبيعى ولا اية؟
غير اما بدوس فرامل الدركسيون بيتهز فى ايدى

واخر حاجة عشان انا عارغ انى عذبتكو معايا و ده من عشمى فيكو
الفوانيس صفرا بغباء حاسس ان العربية شكلعا غبى اوىىىىىىىىىى
و شكراااااااااااااااااااااااااا

[haimaN]

دا باين من كلامك انك عمرك ما عملت صيانة ليها
قولنا بس اخر حاجة عملتها صيانة اى والعربية ماشية اد اى وبيانات كده على العربية
علشان خبراء المنتدى يقدروا يرودا عليك

[محمد الشامي]

اول حاحة العربية على السلانسية بتبقى مش مزبوطة يعنى تبص على المرايا اللى فى الجناب تلاقيها بتتهز؟؟؟
تانى حاجة صوت الموتور شنيع عند ار بى ام 3.5 تحس انك راكب عربية سولار كده

اعتقد لو عملت الصيانه الدوريه بتاعت العربيه الدنيا هتتظبط شويه , غيير فلتر هواء وبنزين ونضف الايدل كنترول والبوابه , و ظبط البوجيهات او غييرهم (حسب الحاله)

http://www.nilemotors.net/Nile/103773-a.html

http://www.nilemotors.net/Nile/70279-a.html

http://www.nilemotors.net/Nile/70461-a.html

التكيف ده حكايته حكاية لما تيجى تشغله يطلع ريحة كمكمة

نضف فلتر التكييف

الهوا بيوصل لرجلى مع انى مش مختار وضع ان التكيف يجى على رجلى خالص

ممكن يكون الواير بتاع التحكم في اتجاهات الهوا مش مظبوط . ممكن تخلي حد بتاع تكييف يبصلك عليه

صوت المروحة عالى اوى على السرعة الرابعة

لو علو الصوت متمثل في صوت تدفق جامد للهواء فـ ده طبيعي , لكن لو الصوت العالى عباره عن زنه (او شخلله) فـ ده معناه ان المراوح محتاجه تنضيف او محاور الحركه بتاعت المروحه باظت وعايزه تتغير

ولما يجى ار بى ام 3.5 و التكيف شغال بيضعف هل ده طبيعى ولا اية؟
غير اما بدوس فرامل الدركسيون بيتهز فى ايدى

دي مش فاهمها بصراحه :-) يعني تقصد التكييف بيفصل عند 3.5 ولا صوت المراوح بيضعف ولا ايه !!!!

الفوانيس صفرا بغباء حاسس ان العربية شكلعا غبى اوىىىىىىىىىى

http://www.nilemotors.net/Nile/172249-a.html

http://www.nilemotors.net/Nile/162070-a.html

http://www.nilemotors.net/Nile/152944-a.html

http://www.nilemotors.net/Nile/124595-a.html

http://www.nilemotors.net/Nile/87969-a.html

http://www.nilemotors.net/Nile/4905-a.html

[M.Zaher]

محمد الشامي جابلك من الاخر
بالنسبه لصوت المروحة
ممكن تنضف البلور اللى تحت درج التابلوه بس هوه عادي يعني لما صوتها يكون عالى على 4

[M.Alaa92]

شكرا لرد حضرتك الوافى جدا بالنسبة لسؤال حضرتك التكيف شغال عادى لحد مايجى ار بى ام 3.5 تدفق الهوا بيقل ولما بنقل التدفق الهوا بيرجع طبيعى

[محمد الشامي]

بالنسبة لسؤال حضرتك التكيف شغال عادى لحد مايجى ار بى ام 3.5 تدفق الهوا بيقل ولما بنقل التدفق الهوا بيرجع طبيعى

بصراحه انا مش عارف ده ممكن يكون ايه !! لكن بإذن الله حد من الزملاء يفيدك اكتر مني :-)

وانا تحت امرك :-)

[M.Alaa92]

الف شكر

[M.Alaa92]

هو سؤال كده مش وقتة ولا موضوعه انا عايز اطلع نار من الجكمان زى the fast the farious و مين ممكن يعملهالى و عايز اعمل المساحة الربر و مين يعملهالى و اية المطلوب و تتكلف كام

[محمد الشامي]

هو سؤال كده مش وقتة ولا موضوعه انا عايز اطلع نار من الجكمان زى the fast the farious و مين ممكن يعملهالى

للاسف الجو ده مش هتلاقي حد يعملهولك في مصر :-) وبصراحه ملهوش لازمه
ومبرره الوحيد انك تكون مركب حاجه في الموتور تعمل كده , مش فاكر Super Charger Or Turbo ؟؟؟؟؟
وطبعا حرام عليك تركب حاجه زي دي في نوبيرا

[M.Zaher]

لاء تقريبا في حاجة كده بتركب على الشكمان من ورا هيا اللى بتعمل النار دي
كان فيه واحد هنا في المنتدى عامل الحكاية دي
بس طبعا ممنوعه من المرور

[M.Alaa92]

ما هو انا مش حاعمله عمال على بطال دى كده تفاريحى يعنى واحد يتنطط عليا عشان عربيتو مش عارف اية اما يلاقى حاجة زى دى يخاف صح و لا اية
طب انا عايز اعمل مساحة واحدة زى بتوع الرالى مش متاكد من اسمهم مين يعملهالى(كهربائى ولا مين) و بكام و اية الحاجات اللى اشتريها

[محمد الشامي]

ما هو انا مش حاعمله عمال على بطال دى كده تفاريحى يعنى واحد يتنطط عليا عشان عربيتو مش عارف اية اما يلاقى حاجة زى دى يخاف صح و لا اية

لو حد اطنطط عليك احسن حاجه انك تقوله (الله يسامحك) وتفكك منه :-)

وبعدين ابسط حاجه يوم ما حد يطنطط وتحب تعرفه غلطه وريله اداء عربيتك ومهارتك وسيبك منه بعدها

[MMamdouh]

هو سؤال كده مش وقتة ولا موضوعه انا عايز اطلع نار من الجكمان زى the fast the farious و مين ممكن يعملهالى

you need a flame thrower kit... cost 600 LE



MMamdouh

[M.Alaa92]

شكرا لرد حضرتك يا استاذ ممدوح و انا اقول الموضوع منور لية و بالنسبة لحوار التكيف ده يبقى اية نظامة لحسن جننى

[محمد الشامي]

you need a flame thrower kit... Cost 600 le



mmamdouh

شكرا على المعلومه , لاني فعلا اول مره اعرفها :-)

بس فعلا الكلام بيتباع عندنا في مصر ؟؟؟ لان عمري ما شوفت حد عامل الحوار ده !