مشكلله في النوبيرا حيرت التوكيل

[asaadpw]

السلام عليكم ورحمه الله وبركاته ارجو المساعده من اخوني في المنتدي لاني احترت فعلا من المشكله والمصاريف انا عندي سياره نوبيرا 2001 مانويل العربيه اول لما ادور rpm بيعلي ويوطي لوحده لمده 10 ثواني وممكن العربيه تبطل وريحه بنزين من الشكمان والسحب علي الاولاني والتاني ضعيف وبالذات لو فيه حموله بحس انها بتطلع في الروح وهيه ماشيه يعني مفيش سحب مع العلم اني حطتيتها علي الاسكنر في توكيل عيسي وغيرت بوجيهات اكثر من 5 مرات في خلال 3 شهورواسلاك بوجيهات وفلاتر هواء وبنزين وزيت ورشاشات اكسنت ونظفت البوابه وغيرت الايدل مع العلم اني عندي بوجيه اشارته تكاد تكون معدومه غيرت موبينه ولاكن نفس المشكله واخر الحلول مع الميكانيكي قالي طقم شنبر فهل كلامه صحيح ارجو المساعده

[asaadpw]

فين الردود انا فعلا زقهت مع اني بحب السياره دي جدا علي الرغم من مشاكلها بس هيه عربيه بتتحمل كتير

[Adham]

لا مش شنبر و لا حاجة

نضف حساسات الهواء

شوف حد عنده سكانر و بيفهم فيها كويس يشوف نسب و قرايات الحساسات
و بالذات حساس الكولنت او الشكمان والتي بي اس ولو ماجابتش نتيجه مشكلتك مش حاتبعد عن مشاكل في الكهرباء او الضفيرة

انما ماتلعبش في الموتور لان المشكلة دي مش ميكانيكا علشان ماتلفش حوالين نفسك

[asaadpw]

مشكور جدا علي الرد بس فعلا انا حطيتها علي الاسكنر في توكيل عيسي وفي مكان خارج التوكيل وقالي ان كل الحساسات سليمه وكل قرات الحساسات مظبوطه ومعندكش اي مشكله في الحساسات بس قالي فول بنزين وحط معاه منظف رشاشات وهتبقي كويسه وفعلا عملت كده ولسه مفيش فرق

[asaadpw]

وانا كمان عندي صوت رجه في الموتور يعني صوته خشن وعامل رجه في العربيه كلها حتي لو علي السلانسيه وكل فتره الاقي البوجيهات مهببه اسود واوقات مرشحه زيت

[mahmoudysf]

انا شاكك فى الرشاشات
جرب رشاشات تانية

[MMamdouh]

العربية دى بريميوم؟

MMamdouh

[asaadpw]

اسف جدا علي السؤال بس ايه يعني بريميوم

[asaadpw]

انا فعلا كان عندي مشكله في الرشاشات بتاعتها الاصليه وروحت لميكانيكي وغيرت الرشاشات برشاشات اكسنت اللي بتيجي فتحه واحده ولما شكيت ان المشكله ممكن تكون منها رجعت الرشاشات القديمه تاني نفس المشكله مع ان لو العربيه بارده بتدور عادي يعني من غير ما rpm مايعلي ويوطي

[MMamdouh]

النوبيرا بريميوم دى اللى بتيجى من برة نظام معاقين

MMamdouh

[asaadpw]

لا هيه 2001 مصري وحطيتهااكتر من3 مرات علي الاسكنر ومظهرش اي حاجه وكل مره اللي يعملها اسكنر يقولي مفيش فيها حاجه بس بصراحه احترت وبعدين انا اسمع ان اي عربيه بتشبر يعني بتطلع مياه في الدواره الصبح من الشكمان تدل علي ان الموتور قوي بس عندي لا وبعدين حاليا بدات تطلع دخانه من الشكمان تميل للبياض والزيت بينقص بس مش المعدل المزعج يعني بعد 2000 كيلو بلاقيها علي العلامه الاخيره في المقاس مع اني العربيه عدت 220000 كيلو

[HOSSAM99]

السلام عليكم ورحمه الله وبركاته
يا استاذي الفاضل المشكله بتاعه العربيه دي علي ما اظن تنحصر فيما ذكره زميل لنا في تعليقه
وهو اعاده صيانه دوائر كهربه الماتور مش ميكانيكا وده عن تجربه
وحاول تلاقي مهندس كهربه سيارات يكون امين ميكنش ولا ميكانيكي فريجي ولا فني مقطع السمكه وديلها
واهم من ده كله يكون ليه خبره بإعاده البرمجه ممكن يكون الكمبونر هنج اوخرف او عايز كارت جديد والاخيره دي امرها سهل
(كل يؤخذ من قوله ويرد إلا صاحب هذا القبر)

[waleedrahmy]

شوف حساس الtps والماب

[Adham]

نسيت اقولك نضف الايدل كمان و انت بتنضف البوابة بسبراي دبليو دي فورتي

و جرب تفصل حساس الكولنت و شوف حاتضبط و للا لأ

لو ضبطت من غيرة يبقى غيرة

[asaadpw]

انا متشكر جدا وربنا يقدرنا دايما علي رد الجميل ان شاء الرحمن هنظف البوابه بكره وجميع الحساسات واشوف وانا سمعت فعلا عن واحد بينزل برنامج للعربيه زي سوفت وطبعا اكيد هبدا بالحل الاسهل فالاصعب لاني خايف فعلا من موضوع طقم الشنبر ده وهو لازم بعد فتره معينه الواحد يعمل عمره للموتور