الدبرياج(قفش)على الاول والمارشدير

[dr.hany]

هى كانت كانت بتحصل على فترات بس كانت خفيفه جدا ومش ماثرة فى النقل.يعنى مجرد صوت بسيط

بس انهارده بقي بسمع صوت احتكاك التروس بصوت عالى ومابتنقلش غير لما اشيل رجلى واحطها كذا مره

انما باقى السرعات من التانى للرابع عادي جدا.الخامس ماجربتهوش

ياريت تطمنونى لحد ماروح للميكانيكى بكرة وشكرا

[gebreel]

كدة الطقم بيلفظ اخر انفاسه

[dr.hany]

كدة الطقم بيلفظ اخر انفاسه

معقولة

يعنى مش ممكن يكون الواير شبةاتقطع او الدبرياج عاوز يعلى مثلا؟؟؟؟

حضرتك حكمت عليه بسرعه كده نه انتهى ازاى؟

[gebreel]

اصل حضرتك بتقول بتسمع صوت احتكاك التروس ده معناه انو مبيفصلش صح من الاول لازم تشيل رجلك و تحطها اكثر من مرة يبقى معنى كدة ان فيه مشكلة فيهم علشان مبيفصلوش عن بعض

بالنسبة لموضوع ان الدبرياج يعوز يعلى شوية دي انا معرفهاش لكن لو حضرتك معملتش شغل في الدبرياج قبل كدة و ماشي معاك كويس ايه اللي يخليخ يوطى؟!

بس جايز اكون غلطان علشان نتأكد فيه حاجة تعملها و سؤال تجاوب عليه

السؤال هل بتلاحظ اي فرق في السحب و انت ماشي يعني تحس ان صوت العربية بيعلى على الفاضي فترة كدة بعد كل نقلة و مفيش عزم؟

الحاجة اللي ممكن تعملها و العربية واقفة اديها رابع و جرب تطلع بيها لو طلعت معاك يبقى الدبرياج كدة فيه مشكلة لو فصلت منك يبقى سليم

[محمد الشامي]

يعنى مش ممكن يكون الواير شبةاتقطع او الدبرياج عاوز يعلى مثلا؟؟؟؟

للاسف الدبرياج مش على واير

[dr.hany]

بصراحه مافيش اى فرق فى السحب خالص ولا اى اصوات

موضوع الرابع ده حصل غلطه كذا مرة وماتحركتش من مكانها

[تامر.محمد]

لما حصل معايا كده كانت دي بوادر دمار ماستر الدبرياج

[karimfahmy99]

اولا زعق الفتيس مش شرط يكون عيب فى الطقم . و موضوع ان الدبرياج بيوطى مع الاستعمال دا وضع طبيعى . السؤال المهم لصاحب المشكلة هو لما بتدوس دبرياج و تبتدى تسيب و انت معشق العربية بتبتدى تتحرك امتى بعد ما تسيب رجلك باد اية يعنى تتطلع رجلك اد اية من الدواسة عشان الدبرياج يحمل و يبتدى يحرك العربية ؟؟؟؟ و هل لما بتغير لازم تدوس على الدواسة للاخر ؟؟؟

غالبا الدبرياج عاوز يترفع شوية من عمود البستم اللى فى الدواسة و دا يتوقف على ردك للاسئلة

[dr.hany]

اولا زعق الفتيس مش شرط يكون عيب فى الطقم . و موضوع ان الدبرياج بيوطى مع الاستعمال دا وضع طبيعى . السؤال المهم لصاحب المشكلة هو لما بتدوس دبرياج و تبتدى تسيب و انت معشق العربية بتبتدى تتحرك امتى بعد ما تسيب رجلك باد اية يعنى تتطلع رجلك اد اية من الدواسة عشان الدبرياج يحمل و يبتدى يحرك العربية ؟؟؟؟ و هل لما بتغير لازم تدوس على الدواسة للاخر ؟؟؟

غالبا الدبرياج عاوز يترفع شوية من عمود البستم اللى فى الدواسة و دا يتوقف على ردك للاسئلة

كلام حضرتك مطابق للى عملة الميكانيكى فعلا

هو طلع جرب العربية وقالى السحب تمام ومافيهوش حاجه

وفعلا ان بدوس الدواسه للاخر عشان انقل الاول

وعشان كده الراجل رفع الدبرياج شويه وكشف على الزيت ولقاه ناقص حوالى كيلو كمان فذوده

ومشيت من عنده وكل حاجه تمام (حتى الان)

وربنا يستر بقي وتكون المشكلة اتحلت

[dr.hany]

الحمد لله المشكلة اتحلت

طلع العيب من قطعه صغيرة فوق الفتيس اسمها خزنه الفتيس

فيها بستم صغير بسوسته

والبستم ده عليه جلده تاكلت

وعشان كده كان بيعلق

تمن البستم 15 جنيه

[karimfahmy99]

مبروك عليك حل المشكلة بس هل يا ترى بعد ما غيرت البستم رجع وطى الدبرياج تانى و لا سابة زى ما هوا

[dr.hany]

مبروك عليك حل المشكلة بس هل يا ترى بعد ما غيرت البستم رجع وطى الدبرياج تانى و لا سابة زى ما هوا

بصراحه ماوطهوش تانى لسسه
بكره اعدى عليه يوطيه

[m0hsen]

طيب الحمد لله ومبروك ان المشكلة اتحلت

[dr.hany]

طيب الحمد لله ومبروك ان المشكلة اتحلت

شكراااا

[mashaly]

الحمدلله ان المشكلة اتحلت
لوممكن صوره للبستم دا لان تقريبا انا عندي نفس المشكلة في النوبيرا ومغير طقم جديد و زيت فتيس والعقربة من فترة الا ان المشكلة مازالت موجوده في الغيار الاول وفالرجوع بحس انها بتترس معايا ولازم ادوس للاخر