لمبة التشك نورت على طول

[shaky]

مساء الخير على كل من فى المنتدى

واحد صاحبى عزيز عليا عندة مشكلة ياريت نحلها هو عندة نوبيرا 2002

غسل العربية امبارح وكمان المكنة وهو مروح العربية نورت لمبة التشك سابها لما بردت ودورها تانى استحالة تدور وبعد محاولات مستميتة دارت ولكن لمبة التشك نورت على طول والمكنة متلتة وبترجرج روحنا لميكانيكى قال ببوبينة جبنا واحدة "نفس القصة" قال سلوك بوجيهات وبوجيهات جنا بردة" نفس القصة " لما كشف على كهربا البوببينة لقى فردتين فى البوبينة شغالين واثنين لا قال دا كمبيوتر عربية قولنا نجرب الكمبيوتر على عربية تانية قبل مانشترى لقينا الكمبيوتر مش قادر فعلا يدور العربية التانية

روحنا جبنا واحد من بورسعيد ب850 ج ونركب "نفس القصة " عملنا فحص للضفيرة لقيناها سليمة

بصراحة الناس احتارت واحنا معاهم رايكوا اية فى المشكلة دى

[waleedrahmy]

هل راجعت علي الضفيرة وفيش الحساسات وخراطيم المانوفلد والماب وegr

[shaky]

الماب وegr لا لكن االباقى راجعنا عليهم كلهم وهو الماب ممكن يخلى البوببينة تشغل فرديتين وفرديتين لا

[wlelw2003]

حصلت معايا و المشكلة بسيطه خلي الميكانيكي يبصك على فردة ارضي الموتور

[waleedrahmy]

الماب وegr لا لكن االباقى راجعنا عليهم كلهم وهو الماب ممكن يخلى البوببينة تشغل فرديتين وفرديتين لا

خرطوم الماب او حساس الماب لما يبقي فيهم حجة يتلت العربية وegr يبطل العربية كمان

[zocor742]

850ج على كارتة الكمبوتر كتييير جدا
انا جايبها قبل كدة ب500ج يعنى فية فرق 350ج

[MMamdouh]

خللى محمد السيد يبص على العربية دى

MMamdouh

[shaky]

خللى محمد السيد يبص على العربية دى

mmamdouh

احنا من دمياط ياستاذ محمد هل فية حل ممكن نعملة سوا ونلاقى حل لموضوع فردتين الببونينة

[waleedrahmy]

الماب ممكن يخلى البوببينة تشغل فرديتين وفرديتين لا

لا الماب يخلي العربية غير منتظمة وعمالة تعلي وتوطي وممكن تتلت وتبطل

[shaky]

لا الماب يخلي العربية غير منتظمة وعمالة تعلي وتوطي وممكن تتلت وتبطل

انا عايز اعرف فردتين الموبينة اللى مش شغالين دول سببهم اية ؟

[waleedrahmy]

انا عايز اعرف فردتين الموبينة اللى مش شغالين دول سببهم اية ؟

ياعيب موبينة ياضفيرة الكهرباء ال رايحة للموبينة(التوصيل بالارضي -فيش-سلك مش معزول كويس-الخ) وبتهيالي انت غيرت الكمبيوتر وكبلات الموبينة الموصلة للبوجيهات وغيرت البوجيهات

[shaky]

ياعيب موبينة ياضفيرة الكهرباء ال رايحة للموبينة(التوصيل بالارضي -فيش-سلك مش معزول كويس-الخ) وبتهيالي انت غيرت الكمبيوتر وكبلات الموبينة الموصلة للبوجيهات وغيرت البوجيهات

بالظبط اتغير كل دة والضفيرة الكهربائى قاسها قال تمام

[عصام غنايم]

اتصل بى وانا اشوفهالك

رقمى فى التوقيع

دمياطى وافتخر

[waleedrahmy]

بالظبط اتغير كل دة والضفيرة الكهربائى قاسها قال تمام

بص برضه علي علبة الفيوزات وراجع عليهم وتاكد من ملامستهم جيدا وكمان الاماكن البيركبوا فيهم جايز تكون فيه حاجة مش موصلة الكهرباء جيداااااااااا

[shaky]

اتصل بى وانا اشوفهالك

رقمى فى التوقيع

دمياطى وافتخر

متشركين على المعاونة ياستاذ عصام ودة العشم بردة ماحنا دمايطة زى بعض على فكرة احنا من مدينة الزرقا تعرفها طبعا وان شاء الله اقولة ونحاول نكلمك