عايز أكشف أسكانر

[hon]

السلام عليكم ورحمه الله وبركاته
كل عام وانتم بخير بمناسبة عيد الفطر المبارك
لو سمحتم كنت عايز أكشف سكانر وكنت عايز أعرف هل الاسكانر ممكن يقرا قراية كل حساس على حدا؟
وهل ممكن نعرف القرايات السليمة للحساسات أد اية؟
ولا الاسكانر بيقول الحساس شغال ولا عطلان بس ودا مرتبط بلمبة التشك؟
انا عندى الاعراض التالية
1-أستهلاك البنزين زاد يعنى 200 على الطريق وفى البلد بتقل
العربية ماكنتش كدا زمان علما انى محافظ على الصيانة الدورية من يوم ماشتاريتها وتم تغيير الاتى مؤخرا
(بوجيهات-سلوك بوجيهات أصلية-طرمبة مية-طرمبة بنزين-سيور-خط عادم مجدد بالكامل ومنها علبة بيئة)
2-بحس بحرارة جاية من صدر العربية قدام حطيت أيدى على صاحج تحت التبلوة لاقيتة سخن جدا
-سحب العربية ممتاز - وانا بجرى بالعربية يعنى (3-5) rpm - ومركب فلتر رياضى كانوا قالولى محتاج طقم دبرياج فى التوكيل
بس انا شايف السحب ممتاز فمش عارف الصراحة المشكلة فين
العربية دايو لانوس 2004 بنزين 92 عداد 76000
ولكم جزيل الشكر والاحترام

[hon]

الكل معيد ولا أية مفيش حد يفيدنى؟

[karimfahmy99]

متزعلش يا سيدى انا هرد عليك لغاية ما نتقابل

اعتقد ان الرشاشات مع الاستعمال زيية زى البكات بتوسع و تؤدى الى زيادة استهلاك عن الطبيعى و اعرف بعد كدة انها تسيل و تنتهى .

موضوع السكانر هسيبة لذوى الخبرة

[Adham]

اللي بيكشف سكانر لو عارف نسب القرارات الصح للحساسات يقدر يقولك انهي حساس اللي وحش و محتاج تغيير

[karimfahmy99]

الكل معيد ولا أية مفيش حد يفيدنى؟

احنا ردينا بس يظهر هانى راح يعيد زى الناس

[Adham]

قصدي نسب القرائات الصح مش القرارات

غلطة مطبعية

يظهر انة راح يكمل اكل كحك

[karimfahmy99]

قصدي نسب القراءات الصح مش القرارات

غلطة مطبعية رقم 2 . تم التصحيح

يظهر انة راح يكمل اكل كحك

يظهر جاع ولا اية

[hon]

متشكرين يا أستاذ كريم كلك زوق
وبالنسبة للرشاشات انا كنت نظفتها الترا سونك من حوالى 6 شهور وفعلا لاقينا واحد بيرش أكتر من أخواته
بس الدوارة عادى ومفيش تسييل
حتى لما سألت على رشاشات جديدة فى التوكيل قالى فى بوش المانى ب 1100 جنية
والله العربية لما كانت زيرو عملت معايا فى مشوار 340 لتر على 20 لتر كانت ايام جميلة

[m4th]

هو بكام حوار الاسكانر ده و يبقى عند توكيل بس ولا ممكن يكون فى مراكز فيها
انا من طنطا و عايز اعمله

[محمد الشامي]

هو بكام حوار الاسكانر ده و يبقى عند توكيل بس ولا ممكن يكون فى مراكز فيها
انا من طنطا و عايز اعمله

تكلفه الاسكانر 30 جنيه

ومش شرط يكون الاسكانر في مركز صيانه , ممكن يكون عند كهربائي محترم زي محمد السيد (في القاهره - الدقي)