ياترى ايه اللى ممكن يخلى الباور تقيل

[m0hsen]

يااااااااااااه 130 جنيه علشان اويل سيل جلد لييييييييييييه يعنى
وبعدين ابو الحسن ده فين وفين عنوانه
بقى من 7 جنيه ل 130 يبقى على الاقل المفروض اتاكد ان تقل الباور ده ممكن يكون زى العفشجى ماقاللى محمل على العمود وللا ايه رأيك بقى

[MMamdouh]

يااااااااااااه 130 جنيه علشان اويل سيل جلد لييييييييييييه يعنى

زى الفرق بين طقم التيل الاصلى ابو 130 جنية و الطقم ابو 45 جنية و الاتنين انتاج شركة سانج شاين

و زى الفرق بين طقم الدبرياج ابو 285 جنية و الطقم الاصلى ابو 450 جنية و الاتنين انتاج شركة فاليو

فرق الصناعة و الاسم اللى على العلبة

وبعدين ابو الحسن ده فين وفين عنوانه

http://www.nilemotors.net/Nile/68807-a.html

بقى من 7 جنيه ل 130 يبقى على الاقل المفروض اتاكد ان تقل الباور ده ممكن يكون زى العفشجى ماقاللى محمل على العمود وللا ايه رأيك بقى

طيب و انت حتعرف ازاى من غير ما تغير الاويل سيل؟؟

MMamdouh

[m0hsen]

ز

طيب و انت حتعرف ازاى من غير ما تغير الاويل سيل؟؟

mmamdouh

انا قصدى علشان العيب لو ممكن يكون من حاجة تانية اشوفها الاول بدل ما اعمل حاجة انا كنت عاملها واعيد الموضوع تانى بس دا اللى كان قصدى
وهو ابو الحسن ده ممكن يعملى القصة دى ولو فى بوش فى الدركسيون يظبطهولى ويعدل التارة مسطرة
معلش على كتر الاسئلة بس المشكلة دى مضايقانى

[MMamdouh]

ابو الحسن دة محل قطع غيار مش ورشة صيانة

ضبط الطارة و الكلام دة عايز ورشة ضبط زوايا

MMamdouh

[samirayad]

جرب تستنزف الهواء من دايرة الباور أولا

جايز يكون فيه هواء فى الدايره وقت تغييرك لسيل العلبه

[m0hsen]

جرب تستنزف الهواء من دايرة الباور أولا

جايز يكون فيه هواء فى الدايره وقت تغييرك لسيل العلبه

جربت ياباشمهندس سمير بس مش على المينيمم لا جربت وهى القربة كانت مليانهتحت ال max بشوية نفسى اعرف المشكلة منين وانت ايه رايك فى حكاية العفشجى اللى بصلى عليها وقاللى ان الاويل سيل محمل على العمود

[samirayad]

وانت ايه رايك فى حكاية العفشجى اللى بصلى عليها وقاللى ان الاويل سيل محمل على العمود

معتقدش أن السيل طالما قطع زيت وحبك على العمود

ممكن يعمل مقاومه ضد قوة توجيهك للدركسيون ويحسسك بتقل فى الدركسيون

دا شفة السيل الكاوتش اللى بتبقى محمله على العمود

مش حديد يعنى ممكن يقفش ويحسسك بتقل

[m0hsen]

معتقدش أن السيل طالما قطع زيت وحبك على العمود

ممكن يعمل مقاومه ضد قوة توجيهك للدركسيون ويحسسك بتقل فى الدركسيون

دا شفة السيل الكاوتش اللى بتبقى محمله على العمود

مش حديد يعنى ممكن يقفش ويحسسك بتقل

هو مش قافش يعنى قافش هو محمل شوية وبعدين انا قولت اجرب حاجة كده
دورت العربية وقعدت الف الدركسيون يمين وشمال ولفيت صباعى حوالين العموود وانا بلف الدركسيون ولاحظت ان كل لما بقفل اكتر على العمود وانا بلف الدركسيون بلاحظ ان الدركسيون بيتقل فده معناه فعلا ان ممكن يكون الاويل سيل هو اللى عامل كده وطبعا انت ادرى منى ياباشمهندس

[samirayad]

بس مش على المينيمم لا جربت وهى القربة كانت مليانهتحت ال max بشوية

دى طريقة أستنزاف الهواء من دايرة الباور

والزيت على الوضع min

الطريقه مترجمه من واقع الكتالوج

http://www.nilemotors.net/Nile/102195-a.html

[m0hsen]

دى طريقة أستنزاف الهواء من دايرة الباور

والزيت على الوضع min

الطريقه مترجمه من واقع الكتالوج

http://www.nilemotors.net/Nile/102195-a.html

مانا عارف الطريقة ياباشا بس انا عملتها كده انا عارف الطريقة كويس بس اللى انا عملته وهى فوق ال min ميؤديش نفس النتيجة وللا ايه

[samirayad]

جرب ياباشا نفس الكلام إللى فى الطريقه وخللى الزيت على الحد الأدنى

متى نلجأ لأستنزاف الهواء من دايرة الباور

حينما يتم العمل فى أى أعمال صيانه ميكانيكيه لدايرة الباور مثل
تغيير الطلمبه - تغيير قفزان - رباط قفزان على خط سحب الطلمبه
فأن ذلك يؤدى الى دخول هواء خارجى ليصير الهواء مختلطا بزيت الباور

الطــــــــــــريـقه

1- أدر الدركسيون الى أقصى اليسار ثم أجعل منسوب الزيت على الوضع min
2-أبدأ فى تشغيل المحرك وبعد تشغيل المحرك ووصول حرارته الى الوضع الطبيعى للتشغيل
والمحرك على السلانسيه والسياره متوقفه فى مكانها
أعد الأطمئنان على منسوب الزيت وقم بالتزويد (أن تطلب الأمر ) حتى الوضع min فى وعاء زيت الباور
3- قم بأدارة الدركسيون بلف الطاره من اليمين الى اليسار والعكس (العديد من المرات ) وتنك الباور مفتوح للجو الخارجى
ودائما تابع ثبات منسوب الزيت على الوضع min

حيث أن نقصان المنسوب فى التنك (عن هذا الوضع يكون دليلا على أستمرار خروج الهواء من الدائره )

4- بعد التأكد من عدم نقصان الزيت مع أستمرارية التوجيه يمينا ويسارا دون الوصول الى آخر مشوار التوجيه (يمين أو شمال )

فأن هذا يعنى أنه تم بصوره تقريبيه الى حد ما بأنه تم أستنزاف كل الهواء المختلط بالزيت

5- قم بأرجاع الدركسيون الى وضعه الطبيعى فى المنتصف وأترك المحرك لمدة ثلاث دقائق دون التحرك بالسياره
6- قم بقيادة السياره لمشوار معقول للأطمئنان على كفاءة التوجيه والأطمئنان على صوت طلمبة الباور

7- حينما تطمئن لجودة الآداء أقف السياره وقم يتزويد تنك الزيت على العلامه max

وكده خلص الموضوع

ودور الدركسيون الأول قبل ماتنقص الزيت كمان

علشان الهواء يلاقى مكان يخرج منه من القربه والزيت يتسحب كله فى الخطوط وجوه الأسكترا

يعنى لازم تكسر شمال الأول على الآخر وبعد كده خللى الزيت على ال min

بمعنى

دقق أولأ مع الخطوات وربط قفزان الدايره صح وخصوصا من أول التنك لحد طرد الطلمبه

حتى لو حكمت

تحط أفيز عادى جنب القفزان الخواجاتى

على خط سحب الطلمبه ........من بداية التنك

جايز يكون فيه منفذ لدخول الهواء من على خط السحب

وفيه هواء بيخش بدون أن تدرى

[m0hsen]

حاضر هاعمل كده بس انا كنت سألت الاساذ ممدوح وقاللى ماتفرقش

[samirayad]

وأحنا مختلفناش

وكلام الأستاذ : ممدوح على عينا وراسنا

بس أنا بأقول

دى حاجه مش حتكلفك شىء

يمكن ....يمكن ....ربنا يكرمك

وأحنا مش عاوزين غير كده

[m0hsen]

وأحنا مختلفناش

وكلام الأستاذ : ممدوح على عينا وراسنا

بس أنا بأقول

دى حاجه مش حتكلفك شىء

يمكن ....يمكن ....ربنا يكرمك

وأحنا مش عاوزين غير كده

حاضر ياباشا هاعمل كده وشكرا لاهتمامك وطول بالك
انت فعلا تستحق التقدير
هاجرب وابقى اواليك بالنتيجة

[samirayad]

ربنا يكرمك إن شاء الله

لما فيه الخير

وكلنا متابعين معاك