نشع زيت من الجهة العليا اليسرى للمتور

[Mohamed A S]

الأخوة الكرام
بعد التحية
أولاً أعذروني لضعف ثقافتي بمسميات وميكانيكا السيارات
سيارتي لانوس 2001 من حوالي يومين وجدت نشع في الجهة العليا اليسرى للموتور من عند المسمار اليسار اللي بيرط الغطاء المكتوب عليه E-tec، والغريبة أيضاً أن نشع الموتور دا ظاهر في خرطوم الفايظ اللي واصل من الموتور إلى الوصلة اللي واصلة بين فلتر الهواء والجزء المعدني الفضي. هل فيه حاجة غلط والا خطر امشي بالعربية كده. أفيدوني أفادكم الله.

[mohamed ibiza]

ولاهي يا محمد هي ممكن يكون في حاجة غلط و ممكن لا ممكن يكون في تسريب و الزيت بيتنطر علي الموتور و وش السلندر وممكن يكون عادي سيبك من خرطوم الفايظ انا عندي في الابيزا خرطوم الفايظ طالع من ورا العمة كده و ده عادي سيبك منه بس لو النشع علي الموتور كتير و مكانش موجود قبل كده انصحك تكشف لكن الفايظ ده عادي امال هو فايظ ليه ما هو اكيد هيجيب حاجة












Ibiiiiiiiiiiiiiiiiiiiiiiiiiiiiizzzzzzzzzzzzzzzzzzz zaaaaaaaaaaaaaaaaaaaa For Ever

[SEATLOVER]

قيس الزيت يا محمد ..ممكن فى المرة الاخرانية اللى غيرت فيها زيت الراجل حطلك زيت زيادة ..دة ممكن يسبب كدة .

[Sherif Khalifa]

ممكن صورة..........

[Mohamed A S]

أنا اقتبست صورة من الصور اللي الأخوة حاطنيها في المنتدى ووضعت عليها أماكن نشع الزيت

[Sherif Khalifa]

دا فيظ الزيت
هوا عادى مش مشكلة بس ممكن لو شكلة مش عجبك تغير الخرطوم و الافيز

[Sherif Khalifa]

معلش اختلط عليا حاجة
العلامة الى على اليمين دى المقصود بيها الخرطوم ولا غطاء التاكيهات البلاستك ؟

لو غطاء التاكيهات دى ممكن تغير جوان التاكيهات و دى بردة حاجة عادية و سهلة جدا
فى الحالتين الموضوع بسيط جدا
ممكن تراجع الموضوع دة كمان

http://www.nilemotors.net/Nile/showthread.php?t=17502

[Mohamed A S]

العلامة اللي على اليمين بتشير للحاجتين اللي انت قلت عليهم الغطاء من عند المسمار والخرطوم، وشكراً على اهتمامك وردك

[noni67]

غير خرطوم ال T

اللى بتقولة ده معناه انك محتاج تغير خرطوم T اللى موجود فى الصورة هتلاقى فيه قطع صوغنون فى الجزء الواصل بين الخرطوم الكبير والصغير