يا جماعه انا نازل القاهره وهاظبط العربيه ومحتاج مساعدتكم

[jojowork1]

يا جماعه انا نازل القاهر بالعربيه لاول مره من فتره كبير وعاوز اشتري شويه حجات وعاوز مساعده عشان مش هاعرف الف ومش عارف اماكن
اولا انا كنت عاوز جهاز انزار كويس لعربيه بتعتي لانوس 1 انا بفكر في spy m5000
عاوز اجيب الشداد او الاسترس بار اللي بيركب علي البطحات
عاوز اجيب مكن استيراد لرفع الزجاج الخلفي عشان احوله كهرباء
عاوز اجيب فانوس الاستوب اللي علي الرف الخلفي بس عاوز الاصلي او استيراد
عاوز اجيب كاوتش للباب الامامي والشنطه هل ده بالمتر ولا ليها حاجه مخصوصه علي مقاسها
عاوز اجيب لمبات كويسه للنور العالي ياريت الماركه والسعر والمكان
عاوز اجيب بوجيهات كويسه انا عاوز ngk واحد شمعه او لو حد عنده فكره عن الاريديم والتيتانيوم يقولي حاجه كويسه بالرقم منين وبكام
انا محتاج اماكن واسماء محلات واسعار واناوع ان امكن
واكون شاكر جدا ليكم
شكرا مقدما للكل

[محمد الشامي]

يا جماعه انا نازل القاهر بالعربيه لاول مره من فتره كبير وعاوز اشتري شويه حجات وعاوز مساعده عشان مش هاعرف الف ومش عارف اماكن

في البدايه احب اقولك القاهره هتنور وتوصل بالسلامه ان شاء الله :-) يارب بس متتخنقش من الزحمه

انا هحاول اديك فكره عامه عن اللي اعرفه وعلى اد معلوماتي وسامحني لو في معلومه ناقصه , زي الاماكن او الاسعار مثلا

عاوز جهاز انزار كويس لعربيه بتعتي لانوس 1 انا بفكر في spy m5000

انا شخصيا مجرب الأنذار الـ wolf وهو جميل ما شاء الله وملهوش اي مشاكل معايا من خمس سنين تقريبا ويمكن اكتر , لكن افتكر ان بردو في زملاء جربو الاسباي وبيشكروا فيه

عاوز اجيب الشداد او الاسترس بار اللي بيركب علي البطحات

عادي وجدي في الحرفيين ودي بياناته نقلا عن استاذ محمد ممدوح :-

عادل وجدى و هاى لاين الاتنين عندهم شدادات... المشكلة فى ان مش اى شداد يركب على اللانوس لان الشداد لازم يكون عالى عشان يفادى المنافولد و قربة المية
MMamdouh

عادل فى الحرفيين... فى الممر اللى فى وش ورشة سمير على للسمكرة و تليفونة 0101114357
MMamdouh

عاوز اجيب مكن استيراد لرفع الزجاج الخلفي عشان احوله كهرباء

دي شويه مواضيع بخصوص الزجاج الكهرباء ويارب تفيدك

http://www.nilemotors.net/Nile/142274-a.html

http://www.nilemotors.net/Nile/165641-a.html

http://www.nilemotors.net/Nile/149534-a.html

عاوز اجيب فانوس الاستوب اللي علي الرف الخلفي بس عاوز الاصلي او استيراد

اعتقد هتلاقيه جديد وهيكون افضل , ممكن ابو الحسن في الدقي وابراهيم البنا في التوفيقيه واكيد في ناس كتير في الحرفيين

عاوز اجيب كاوتش للباب الامامي والشنطه هل ده بالمتر ولا ليها حاجه مخصوصه علي مقاسها

ده بقا مش عارف ايه نظامه , بس اعتقد انك هتلاقيه استيراد

عاوز اجيب لمبات كويسه للنور العالي ياريت الماركه والسعر والمكان

اوسرام نايت بريكر وهتلاقيها تقريبا في حدود 100 جنيه او اقل , عند ابو الحسن والمحلات الموثوق فيها

http://www.nilemotors.net/Nile/146112-a.html

http://www.nilemotors.net/Nile/113299-a.html

http://www.nilemotors.net/Nile/107949-2.html

عاوز اجيب بوجيهات كويسه انا عاوز ngk واحد شمعه او لو حد عنده فكره عن الاريديم والتيتانيوم يقولي حاجه كويسه بالرقم منين وبكام

البوجيهات الـ ngk واحد شمعه حلوه وشغاله تمام , وسعرهم حوالى 40 جنيه , وهتلاقيهم عند ناس كتير في التوفيقيه وفي توكيل ngk كان استاذ محمد ممدوح قال عليه بس مش متذكر مكانه بالظبط

انا محتاج اماكن واسماء محلات واسعار واناوع ان امكن

http://www.nilemotors.net/Nile/68807-a.html

سامحني لو قصرت في الرد على استفسار من استفسارتك , بس ده على اد معلوماتي حاليا :-)

بالتوفيق ان شاء الله

[jojowork1]

قصرت ايه بس ده كتير خالص خالص يا باشه وشكرا جدا علي الاهتمام ده كله والبلد منوره بيك وباهلها طبعا
هو فعلا موضوع الزحمه ده ربنا يستر منه انا عمري ما سقت جوه القاهره

[tarek_2005]

متهيالي الاستاذ محمد الشامي لم يترك لنا اي مجال للاجابة ولكن نحن معك في اي استفسارلا ومعلش استحمل الي بيتعمل فينا من الزحمة وبكرة تقول الله يكون في عونكم

[jojowork1]

ميرسي والله يكون في عونكم من دلوقتي مش هاستني لبكره

[karimfahmy99]

اولا انا كنت عاوز جهاز انزار كويس لعربيه بتعتي لانوس 1 انا بفكر في spy m5000 -- غير متوفر انسى انك تلاقية -ركب ولف من حسنى الحكيم
عاوز اجيب الشداد او الاسترس بار اللي بيركب علي البطحات ---------
عاوز اجيب مكن استيراد لرفع الزجاج الخلفي عشان احوله كهرباء --- ممكن جديد من التوفيقية -حسنى الحكيم
عاوز اجيب فانوس الاستوب اللي علي الرف الخلفي بس عاوز الاصلي او استيراد --- برضة التوفيقية - اسال البنا او هو يدلك
عاوز اجيب كاوتش للباب الامامي والشنطه هل ده بالمتر ولا ليها حاجه مخصوصه علي مقاسها --- بالمتر -التوفيقية
عاوز اجيب لمبات كويسه للنور العالي ياريت الماركه والسعر والمكان -- الابيارى - التوفيقية
عاوز اجيب بوجيهات كويسه انا عاوز ngk واحد شمعه او لو حد عنده فكره عن الاريديم والتيتانيوم يقولي حاجه كويسه بالرقم منين وبكام --- 30 جنية - التوفيقية - البنا

يعنى معظم اللى عاوزة التوفيقية

[A.Saad]

الانذار spy
توكيله اولا غريب
اول شارع التوفيقية شمال
وليهم فرع قطاعى تانى اسالهم فين
وليهم موزع معتمد اسمه اشرف شكرى

[karimfahmy99]

الانذار spy
توكيله اولا غريب
اول شارع التوفيقية شمال
وليهم فرع قطاعى تانى اسالهم فين
وليهم موزع معتمد اسمه اشرف شكرى

هل ليهم مركز صيانة للانذارات ؟؟ لانى اللى اعرفة معندهمش مركز صيانة . او يمكن عملوا دلوقت

[tarek_2005]

هل ليهم مركز صيانة للانذارات ؟؟ لانى اللى اعرفة معندهمش مركز صيانة . او يمكن عملوا دلوقت

سبير كار هما الي بيركبو ال spy وهما الي بيعملوله الصيانة وهنا بالمنتدي موضوع اعلاني عنهم وجنبك في عابدين

[jojowork1]

شكرا جدا يا جماعه علي الكل الردود ديه طبعا محدش قصر بس كان ليا طلب تاني انا عاوز اركب سمعات في اللانوس بدون اي فتح في الصاج عاوز سمعات للابواب والشنطه وانا بصراحه بافضل البايونير ياريت لو حد جرب انواع ومنين وبكام يقولي خبرته
وشكرا جزيلا ليكم

[محمد الشامي]

بص يا باشا على الموضوعين دول مؤقتاً لغايه لما الزملاء يفيدوك في استفسارك :-)

http://www.nilemotors.net/Nile/168113-a.html

http://www.nilemotors.net/Nile/166010-a.html

[jojowork1]

سباق يا باشا شكرا

[A.Saad]

شوف السماعات عند الارخص وارخصهم
فى التوفيقية

[karimfahmy99]

الامامية 10 سم مدور و الخلفية 16 سم مدور شوف النوع والسعر اللى يعجبك . انا مركب بايونير

[jojowork1]

طيب ممكن يا باشا موديل بتعهم وسعرهم وعاملين ايه معاك