***** هل من اللممكن ارجاع سيارة لانوس (شقت و طلع عينها)لحالة الزيرو ؟؟؟ *****

[atamim]

السلام عليكم ورحمه الله و بركاته

سؤال محتار فية فعلا

الدايو من ساعة ما نزلت اول مرة لحد دلوقتى نفس الشكل

الفرق بس فى الاستعمال الشخصى للعربية
ممكن تلاقى عربية موديل 99 او 2000 بحالة الزيرو و بردة ممكن تلاقى موديل 2007 طلع عينها و تحس انها بقت حتة عجينه متركبة على بعض تخاف حتى تقرب منها احسن حاجة تقع منها

هل فعلا حد جرب يشتريها حالتها تعبانه بسعر كويس و ظبتها و غير فيها كل حاجة ممكن تتغير يكون سعرها رخيص (سيور فلاتر بيض مساعدين وووو) و طلعت معاة فى الاخر كانها فبريكة؟


يا ريت اسمع حكاية الاعضاء مع تصليح و توضيت اللانوس

[Xpert]

يس سير .. متخصصون في تجديد السيارات .. و اغلب عربيات السوق معمول فيها كده ... صباح الخيييييييير

اولاً احب اقولك ان دي شبه شغلتي ... بس خلاص بقي عليه العوض و منه العوض .. بالاضافه ان انا ماعملتش كده غير في عربيتي الخاصه ماركه بي ام .. و اللي عاوز يتعمل فيها كده تاني (كان من بالظبط 10 سنين ...)

[Karim_Monir]

بس لو تعرف تاخد عربية بيتي عارف تاريخها يبقي احسن
لان مفيش عربية بترجع لحالتها مهما عملت وصرفت
ممكن اضربلك مثل هايف قوي ببلاستيكات الصالون
عمرك ما تعرف ترجعها لحالتها لو الصالون متهان
وهكذا

[محمد فريد]

قبل مانجيب اللانوس كان عندنا 124 موديل 1973 وتقريبا كانت مجددة بالكامل بس مش زيرو يعنى
بالنسبة للانوس معملناش اى حاجة فى العربية غير الصيانة الدورية وشوية ترويق من جوه
* موضوع حضرتك لو عايز ترجع اى عربية لانوس لحالة الزيرو هتصرف كتير اوى بس ده لو كنت هتخلى العربية ومش هتغيرها قبل 5 خسنين على الاقل

[MMamdouh]

مفيش عربية ينفع ترجع زيرو... انت بترجعها لاقرب حالة للزيرو

المهم هو ايه اللى عايز يتصلح و بكام فا لازم اساسيات العربية تبقى سليمة لان دى مفيش فيها مجال للاصلاح زى الشاسية و القوايم و خلافة

الباقى سهل تغييرة سواء جديد او استيراد و اسعار الدايو مش غالية و القطع موجودة فى كل مكان و بالتالى العملية مش حيبقى فيها صعوبات ان شاء الله

MMamdouh