استشارة بخصوص صوت مجننى

[drmomoking]

دلوقت كان عندى صوت فى الناحية اليمين وكنت فاكرة من صفيحة التيل و الميكانيكى ظبطها وشالها والصوت راح دلوقتى الصوت رجع وانا هحاول اوصفة كويس عشان الصورة توصل

1-الصوت مش بيظهر اول لما امشى بالعربية لازم امشى مسافة كبيرة مش اقل من 5 كم عشان يبدا
2-الصوت انا بحسة جاى من ناحية اليمين ولما مراتى بتركب جنبى بتقولى انها بتحسة تحت رجليها فى الدواسة
3-الصوت الاول اشبة بصوت حكة بسيطة و بعدين بيزيد والصوت بيعلى اوى ودى المرحلة اللى مراتى بتحسة فيها تحت رجليها بعد كدة الصوت بيزيد اكتر وساعات فى المرحلة دى بحس مجرد احساس انو مسمع فى الدركسيون
4- الصوت لو وقفت نص دقيقة بيروح كانة مش موجود ودة اللى مخلينى مش عارف اسمعة للميكانيكى لانى لازم ادب مشوار تانى عشان يظهر و طبعا الميكانيكى مش فاضى يقعد معايا نص ساعة يجرب
5- بحسة بيزيد مع المطالع بتاعة الكبارى
كنت فاكر المشكلة فى التيل و غيرت التيل و نفس المشكلة
6- بحسة بيظهر اكتر لو هو موجود مع كسر الدركسيون سنة صغيرة اوى سواء يمين او شمال مش فارقة

ياريت اكون وضحت الصورة و ياريت حد يقدر يفيدنى لان الصوت زهقنى شكرا لحضراتكم

[drmomoking]

و العربية اوتو عشان محش يشك فى الدبرياج وكدة

[drmomoking]

يا مسهل يارب انا مش عارف 29 مشاهدة ولا رد واحد هوا الموضوع صعب اوى كدة ولا انا زعلت الناس فى حاجة عشان كدة محدش رد ولا اية ؟؟؟

[ramy87]

لا متضايقش من حد
اصل اللي بيدخل بيقرأ الموضوع بيخاف يقولك كلام غلط غير سليم
ف ان شاء الله استنى لحد ما حد فاهم مشكلتك يكتبلك احسن
بس انا لو منك اروح ميكانيكي تاني نضيف و خلاص ما دام ده مش عارف يحل حاجه و مدوخك معاه
و استنى ان شاء يدخل احد الأعضاء و يدلك على سبب المشكلة
مــــــــــــــــــــــــــــــــــــــــــــــا تزعلــــــــــــــــــــــــــــــــــــــــــــــ ش

[drmomoking]

لا متضايقش من حد
اصل اللي بيدخل بيقرأ الموضوع بيخاف يقولك كلام غلط غير سليم
ف ان شاء الله استنى لحد ما حد فاهم مشكلتك يكتبلك احسن
بس انا لو منك اروح ميكانيكي تاني نضيف و خلاص ما دام ده مش عارف يحل حاجه و مدوخك معاه
و استنى ان شاء يدخل احد الأعضاء و يدلك على سبب المشكلة
مــــــــــــــــــــــــــــــــــــــــــــــا تزعلــــــــــــــــــــــــــــــــــــــــــــــ ش

استاذى الفاضل شكرا جدا على ردك انا الميكانيكى مش مدوخنى ولا حاجة بس كل المشكلة ان الصوت مش دايم يعنى زى ما انا قولت فى مشاركتى انى لو وقفت ثوانى الصوت بيروح خالص ولا كانة موجود ولازم مشوار جامد تانى عشان الصوت يظهر و بالتالى الميكانيكى مش عارف يسمع حاجة و هوا مش فتاى يعنى مش راضى يغير حاجة غير لما يسمع بودنة عشان ما يكلفنيش عالفاضى و فى الاخر المشكلة تفضل موجودة فعشان كدا عاوز الناس تحلل معايا الموضوع عشان احاول احصر المشكلة ممكن تكون فين

[drmomoking]

فين وحوش الدايو الناس مفرهدة من الحر ولا من الطماطم اللى بقت ب 10 جنية ههههههههههههههههههههههههه

[tarek_2005]

راجع علي طرمبة البور وشداد الكاتينة والكاتينة وطرمبة المياه
كل هذه الاشياء ممكن تعملك الصوت ده

[drmomoking]

راجع علي طرمبة البور وشداد الكاتينة والكاتينة وطرمبة المياه
كل هذه الاشياء ممكن تعملك الصوت ده

و الحاجات دى تعمل الصوت دة مش طول الوقت يعنى بعد فترة من المشى وعلى فكرة الصوت بقالة 10 شهور ومش عارف اسمعة للميكانيكى

وهل الحاجات دى تصدر اصوات فى الناحية اليمين بس؟؟؟؟؟؟؟؟؟

[karimfahmy99]

اكشف على بلية العجلة اليمين من كلامك دا احتمال كبير البلية . و طبعا لازم تسمع فى الدركسيون و اللى جنبك يحسها تحت رجلة

[bakkarahmed]

اول حاجه خلي الميكانيكي يرفع العجله اليمين ويفكها وبعدين تعشق وتدو العربيه وتدي غيار علشان يطمن علي البلي والمكونات الاخري من تيل وغيره
تاني حاجه ..انا كان عندي صوت مدوخني شهر قريب من الصوت بتاعك وطلع في الاخر شكمان ملامس لجسم العربيه من تحت ( متحرك سنتي بس من مكانه) طلع هوا السبب في الصوت اللي بسمع وبحسه تحت رجلي وبيسمع في الدركسيون برده. ولما الميكانيكي بعد 5 مرات تجربه اكتشف الصوت جاي منين قالي اطلع علي بتاع شكمانات يعدلهولك ولما رحت لبتاع الشكمان قولتله يعدله قالي الشكمان راكب في مكانه ولكني اصريت انه يبعده شويه ناحيه الشمال علشان الصوت بيجي لما باكسر يمين ( كسره حاده) وبعد ما عمله الصوت اختفي تماما

[محمد الشامي]

اول حاجه خلي الميكانيكي يرفع العجله اليمين ويفكها وبعدين تعشق وتدو العربيه وتدي غيار علشان يطمن علي البلي والمكونات الاخري من تيل وغيره

+1

[م. محمد نافع]

السلام عليكم
ممكن يكون تيل الفرامل صناعتة رديئة ويعمل الصوت ده مع المشي
فشوف حضرتك هل الصوت ده ظهر بعد ما غيرت تيل الفرامل ولا اية و التيل اللي راكب ماركته ايه

[drmomoking]

اول حاجه خلي الميكانيكي يرفع العجله اليمين ويفكها وبعدين تعشق وتدو العربيه وتدي غيار علشان يطمن علي البلي والمكونات الاخري من تيل وغيره
تاني حاجه ..انا كان عندي صوت مدوخني شهر قريب من الصوت بتاعك وطلع في الاخر شكمان ملامس لجسم العربيه من تحت ( متحرك سنتي بس من مكانه) طلع هوا السبب في الصوت اللي بسمع وبحسه تحت رجلي وبيسمع في الدركسيون برده. ولما الميكانيكي بعد 5 مرات تجربه اكتشف الصوت جاي منين قالي اطلع علي بتاع شكمانات يعدلهولك ولما رحت لبتاع الشكمان قولتله يعدله قالي الشكمان راكب في مكانه ولكني اصريت انه يبعده شويه ناحيه الشمال علشان الصوت بيجي لما باكسر يمين ( كسره حاده) وبعد ما عمله الصوت اختفي تماما

تصدق حضرتك شككتنى فى موضوع الشكمان دة لان بلاحظ ان العربية لازم تعمل مشوار جامد و تسخن عشان الصوت يظهر والصوت مش دايم

و بتهيالى لو البلى الصوت يبقى مستمر على طول ولا اية؟

وفى حاجة تانية لاحظتها النهاردة الصبح ان الصوت شبة مستحيل يظهر لو السرعة اعلى من 60 و بيكون ظاهر اوى لو وقفت مثلا فى اشارة وانا طالع بعدها ولحد سرعة 30-40 فا مش عارف دة برضة تاثيرة اية

[drmomoking]

+1

انتا فين يا راجل وحشتنى من بعد الخطوبة وانتا مختفى وبعد اذنك عاوز اسم الشركة بتاعى البلى اللى فى رمسيس عشان لو طلعت بلية

و عاش من شافك يابطل واكيد قلة وجودك نتيجة المشاغل الجديدة وربنا يقدرك عليها ويكرمك باذن الله

[drmomoking]

السلام عليكم
ممكن يكون تيل الفرامل صناعتة رديئة ويعمل الصوت ده مع المشي
فشوف حضرتك هل الصوت ده ظهر بعد ما غيرت تيل الفرامل ولا اية و التيل اللي راكب ماركته ايه

الصوت موجود من قبل ما اغير التيل وانا غيرتة اصلا عشان الصوت بس مفيش فرق وهوا نوع اتحاد اوروبى اسمو ترينتى على ما انا فاكر