لانوس اتوماتيك صوتها بيعلى بعد سرعة ال 70

[medolove72]

السلام عليكم عندى لانوس اتوماتيك مو 2000 من 3 شهور لاحظت ان صوت الموتور بيعلى بصوره واضحة بعد العربية سرعتها بتزيد عن ال 70 ده ليه علاقة بالشكمان ولا فيه سبب اخر ولاعضاء المنتدى الشكر والاحترام

[kamalsalem]

لونها ابيض؟ لو لونها ابيض يبقى الشكمان وفلتر الهوا... لو مش ابيض معرفش مالها الصراحة

[محمد الشامي]

صوتها بيعلى ازاي بالظبط ؟؟ يعني مع الغيارات ؟؟ ولا مع القرص ؟؟ ولا لمجرد انها ماشيه على سرعه فوق الـ 70 حتى لو كانت العربيه مش واخده غيار ؟؟؟؟؟

ممكن يكون بلي العجل بايظ

[M.Zaher]

صوتها بيعلى ازاي بالظبط ؟؟ يعني مع الغيارات ؟؟ ولا مع القرص ؟؟ ولا لمجرد انها ماشيه على سرعه فوق الـ 70 حتى لو كانت العربيه مش واخده غيار ؟؟؟؟؟

ممكن يكون بلي العجل بايظ

+111111

الار بي ام بيكون على كام؟؟

[Mo.Kareem]

بما ان صاحب المضوع مش موجود استغل الظروف واسأل على حاجة فى عربيتى ولما صاحب الموضوع يرجع يبقى يشوف الاسئلة اللى حضرتكم موجهانها انا عربيتى اوتو برضه بس ملاحظ حاجة الفترة اللى فاتت ان العربية تيجى عند الـ 60 والاربى ام يعلى ومبتخدش النقلة بتعتها ده لو انا قارص عليها لو مسيسها مبتعملش الموضوع ده ، مع انى لسه مغير زيت من حوالى شهر ومنضف المصفة كويس ، ياترى ده عيب كهربا و عيب فى ميكنزم الفتيس نفسه
ومتشكر جدا يارجالة الدايو

[M.Zaher]

بما ان صاحب المضوع مش موجود استغل الظروف واسأل على حاجة فى عربيتى ولما صاحب الموضوع يرجع يبقى يشوف الاسئلة اللى حضرتكم موجهانها انا عربيتى اوتو برضه بس ملاحظ حاجة الفترة اللى فاتت ان العربية تيجى عند الـ 60 والاربى ام يعلى ومبتخدش النقلة بتعتها ده لو انا قارص عليها لو مسيسها مبتعملش الموضوع ده ، مع انى لسه مغير زيت من حوالى شهر ومنضف المصفة كويس ، ياترى ده عيب كهربا و عيب فى ميكنزم الفتيس نفسه
ومتشكر جدا يارجالة الدايو

انت الفتيس بتاعك كهربا ولا واير

[osama.m]

شوف زرار البور اللي في الفتيس شغال ولا لا .. عشان حصلت معايا مرة حد شغلة و مأخدتش بالي .. لما جيت امشي لقيت الموتور صوته عالى جدا

[Mo.Kareem]

انا الفتيس بتاعى كهربا ، والزرار ده مش المفروض يكون على النورمال 0 انا عملة كده

[aam113]

شوف زرار البور اللي في الفتيس شغال ولا لا .. عشان حصلت معايا مرة حد شغلة و مأخدتش بالي .. لما جيت امشي لقيت الموتور صوته عالى جدا

فعلا الموضوع ده حصل معايا قبل كده ، حد شغل الزرار ده وما اخدتش بالى فصوت الموتور بقى عالى جدا وعداد الـ ار بى ام بقى يعلى برده ، والزرار ده ليه لمبة بتنور فى التابلوه لما بيكون شغال وتقريبا بيبقى مكتوب pwr مكتوب

[aam113]

صوتها بيعلى ازاي بالظبط ؟؟ يعني مع الغيارات ؟؟ ولا مع القرص ؟؟ ولا لمجرد انها ماشيه على سرعه فوق الـ 70 حتى لو كانت العربيه مش واخده غيار ؟؟؟؟؟

ممكن يكون بلي العجل بايظ

انا معايا لانوس اوتوماتيك وبيحصل معايا حاجتين :.
اولا ـ مع الغيارات الاوتوماتيك ( تقريبا على سرعات 40 ، 80 ، 120 فى معظم الاحيان) بحس ان العربية زى ما تكون كانت مخنوقة ( وفى هذه الحالة عداد الـ ار بى ام بيعلى) وفاقت مرة واحدة ( وفى هذه الحالة عداد الـ ار بى ام بينزل)
ثانيا ـ مع القرص صوت الموتور بيعلى وعداد الـ ار بى ام بيعلى من 3 الى 4 ثم يستقر عند 2.5
فمش عارف دا طبيعى ولا فى مشكلة ؟

[medolove72]

اسف على تاخرى فى الرد بالنسبه لعداد الار بى مظبوط بس زرار الباور مش بيشتغل من فترة ومش عارف السبب وياريت اى حد من الاخوة يدلونى على مكان يكون تمام اعمل فيه صيانة للفتيس االاوتو ولو تقالة يدينى رقم الموبيل الخاص بالورشة وياريت بتاعه كمان ولكم جميعا الشكر

[alaa_tawfik]

ممكن يكون بلى العجل لان ده بيحصل فى الانوس والنوبيرا كتير فبتلاقى العربية بتنعر على السرعات العاليه وتهدى لما تهدى وعلى فكره ده من عيوب العربيات الكورى كلها انها ملهاش بلى عجل نضيف