استفسارات في اللانوس

[Akram]

السلام عليكم ,,,

انا جبت عربية لانوس 1 مو2000 من شهر و العربية حالتها كويسة والحمد لله و هي عاملة 120 ألف كيلو ,

بس انا حاسس ببعض الحاجات عايز استفسر عنها لأني لما سألت الميكانيكي مرتحتش لكلامه ,
1- الفتيس بييجي بصعوبة احياناً خاصة في الغيار الأول و في المارشدير.
** و الميكانيكي جرب العربية و للأسف معملتش حاجة معاه و قالي لما يحصل كده ابقي شيل رجلك من على الدبرياش و حطها تاني .
2- فيه صوت نعرة في الموتور خاصة لما بزود و انا على الـ 40 أو الـ 50 ك.
** و الميكانيكي قالي دا علشان الشكمان جديد و لسه هيعمل طبقة كربون و بعدها مش هتسمع الصوت ده .
3- لما بشيل رجلي من على البنزين بيكون صوت الموتور عالي و مبيوطاش بنفس السرعة اللي بشيل بيها رجلي , بمعنى ان في العربية القديمة (فيات) كنت لما بشيل رجلي من علي البنزين كان صوت الموتور بيوطى على طول.
** و الميكانيكي قالي ان كل الإنجشكشن كده.
4- فردتين الكاوتش اللي قدام جداد بس اللي ورا لما حبيت أرصصهم قالولي ان فيهم عالي وواطي و مش هينفع يترصصوا و لازم أغيرهم , و الحقيقة انا مش عايز أغيرهم دلوقتي و عايز أعرف ايه المشكلة لو مشيت بيهم لفترة , و هل ممكن أسافر بيهم , خاصة اني لما بمشي بالعربية على الـ 130 مبكونش حاسس بحاجة ورا من الكاوتش .
آسف للإطالة .

[knightmido]

الف مبروك على العربية .. ربنا يرزقك خيرها ويكفيك شرها ..

[noni67]

ناخد حاجه حاجه اوكى
1- الوصف اللى انت بتقولة ده حاجة من اتنين ملهمش تالت اما انت محتاج تغير طقم حشو الماستر السفلى او الدسك بتاع الدبرياج ريشة اعوجت ومحتاج تغيير وده طبعا لازم تغيرة مع الاسطوانة.
2- انا محتاج اعرف عربيتك طرازها ايه يعنى هى S ولا Se.
3- العيب ده انت محتاج تغسل الثوراتل مانوفل وهو الماسورة الالومنيوم الموجودة فوق المحرك ولم ما فيش فايده غير حساس البوابة.
4- انت مش هتحس بموضوع العالى والواطى ده لكن اللى هيحس حوالى 250 جنية هتدفعهم زيادة على ثمن الكاوتش ودول ثمن المساعدين اللى ورا ارجوك غير الكاوتش احسن ليك وللعربية ولو حتى تجيبهم قسط اهون من اللى هيحصل بعد كده.
اتمنى اكون قدرت اجاوبك على كل أسئلتك

[kemoelord]

السلام عليكم :_

انا معايا نفس العربيه الي مع الاستاذ " اكرم " دايو 1 وفيها العيب رقم 1 الي حضرك قولت عليه وهو الغيار الاول والمارشدير بيجيوا بصعوبه شوي فلما روحت للميكانيكي تبعي قالي ان علبة الفتيس محتاجة تتغير علما باني مغير طقم اسطوانه دبرياج ومغير ماستر دبرياج كما قال الاخ noni لكن لم يحدث تغيير فاعتقد ان المشكله فعلا في علبه الفتيس نفسها وشكرا