الى خبراء تقييم السيارات - سيارة لانوس جولييت

[Forever.Leo]

معروض على سيارة لانوس جولييت بالموصفات التالية:

- موديل 99
- 1500 cc
- فابريكة من الداخل و رشة جنبين فقط من الخارج
- جميع الكماليات (تكييف - باور - سنتر - زجاج و مرايات كهرباء)
- جنوط اصلية
- علما بان العداد 180000 .

ياترى السعر المناسب للعربية يكون كام؟

[Sherif Khalifa]

انا اعتقد بلاش الكيلو مترالكتير داة فى الكورى
اكيد هتلائى حاجة كويسة بكيلو متر اقل بكتير

[SEATLOVER]

بص يا now سعرك الحلو اللى تتمسك بية لو كلة فى التمام 42
اكتر من 44 لا
ومايغركش ان العربية حلوة و مش موجودة كتير ..حتى لو دورت عليها شوية بعد كدة

[someone]

انا جبت زيها بس عداها 90000 ب 40 و كانت ممكن تنزل عن كدة الكيلو متر دة كبير اوى
انا كنت شايف واحد فى السوق معاة موديل 2000 الشكل الجديد وكانت حلوة وكان بيتكلم فى 44 وكان معاة الفواتير بتاعة التوكيل وكان جيبلها رشاشات جديدة ومغيرها جنوط وفرش جاد عمولة مش كسوة
وخد بالك ان الجديداللى بعد سنة 2000 تحكم الزجاج الكهرباء بتاعها لانوس بالضبط لكن ال99 التحكم بتاع الزجاج الكهرباء بتاعها مختلف يعنى لو زرار اتكسر بتاع كهراباء الزجاج اللى وار حتدوخ علية عشان تلاقيه
ونصيحة ليك خليك فى اللانوس احسن مش حتفرق انها عربيه شبابيه او شكلها حلو روشه بس فى بيعها رخمه عشان هى ليها زبونها اللى بيدور عليها عن اللانوس بيعها اسهل من بيع ال 128

[Forever.Leo]

شكار ليكم جميعا على الافادة