ازاي بضبط ثغرة البوجيه ؟

[abo_lamar]

السلام عليكم ورحمه الله يا شباب
بعد أذنكوا انا عندي سؤالين ...
1- دايما بسمع عن ضبط الثغرة في البوجيه ودايما بيتقال اضبط الثغرة على 0.7 للعربية اللانوس ... طب ازاي اضبط الثغرة دي على القيمة السابقة ؟

2- هل ياترى ممكن اي رشاش يحدث فيه عطل مفاجئ ومايبخش البنزين ؟
ولو حدث ده ازاي بكتشفه ؟ اكيد كفاءة العربية حتقل بس عقلي حيوديني لكذا سبب منها فلاتر وبوجيهات بس مش حيجي في بالي ان في رشاش مش شغال .
وشكراً

[jojowork1]

السؤال الاول
انك تظبط الثغره هتحتاج حاجه اسمها فلر الفلر ده عباره عن ادرعه صغيره كده فيها كل المقسات من 0.05 لغايه 1 ملي الاول بطحت المقاس اللي عاوز تظبط عليه بين سن البوجيه الانود والكاثود وتشوف لو هو نفس المقاس خلاص لو اضيق ها تبدي توسعه ويفضل انك توسعه تدريجي يعني استخدم مقاس مقاس بالترتيب لغايه ما توصل للمقاس اللي عاوزه
لو كان اكبر دوس عليه براحه من فوق علي السن بتاعه عشان تضيقه شويه وبعدين ابتدي وسع لما توصل للمقاس اللي عاوزه
عمتا لو جبت بوجيه njk pbr6es ده كويس ومش بيحتاج ظبط للانوس هو تقريبا 7.5 وده كويس للانوس
بنسبه للسؤال التاني ممكن طبعا يحدث اي عطل بالرشاش بس ده هايكون واضح جدا ان سحب العربيه هايقل خالص والعربيه ها تتبرجل وتحس بالكلام ده بسهوله لان العربيه كده هاتكون متلته يعني شغاله تلاته سلندر
طيب نعرف ازاي من غير كمبيوتير بطريقه عادي وسهله
هاتفك اسلاك البوجيهات من ناحيه البوبينه هاتفوك الاربع اسلاك وبعدين تركبهم بس ما تتضغطش عليهم يعني يدوبك يلمس في مكانه وبعدين هادور العربيه وهاتبدي تشيل سلك سلك لما هاتشيل السلك هتلاقي العربيه اتبرجلت علطول وهتلاقي شراره بين البوبينه والسلك ما تتخضش بس حاسب منها لانها فولت عالي اسحب السلك بعدي خالص عن البوبينه وجرب واحد واحد لو لقيت نفسك شلت واحد وما عملش فرق يبقي كده فعلا في مشكله
طريقه تاني اسهل شويه بس هاتختبر بيها الرشاشات بس يعني لو انت شاكك في الرشاشات وما عندكش اي شك في البوبينه والبوجيهات هاتفوك فيش الرشاشات واحد واحد واللي هتلاقي نفسك فكيت فشته وما غيرش حاجه يبقي كده بايظ

[jojowork1]

شوف الفديوا ده في اخره بيشرح ظبط الفجوه
YouTube - Spark Plug Replacement

[abo_lamar]

الف شكرا على مجهودك يا باشا

[jojowork1]

تحت امر حضرتك