عضة فى الغيار الأول

[negmeddin]

السيارة فيها عضة فى الغيار الأول مما يسبب الضيق و الثقل عند وضع الفتيس على الأول ولا أعرف السبب فى ذلك علما بأن زيت الفتيس تمام
السيارة لانوس 1 موديل 2000

[karimfahmy99]

اتمنى انة يكون بس عملية رجلاش للفتيس . شوف ميكانيكى و يظبط العصاية

[atefadel]

نفس المشكلة
بس اعتقد انها اسطوانة دبرياج
بس انا مستني لمل تخلص خالص

[gassarian]

أعتقد إنه طبيعي لكا تكون العربية مش واقفة خالص أو ماشية بيبقى فيها عضة

لكن بردو نشوف إخواننا الخبراء يقولوا إيه

المشكلة دي ساعات عندي أنا في النقلة التانية غير الأول
و كمان لما بجيب ريفيرس لورا ساعات لمبة المارشيدير تنور و ساعات لأ

[tarek_2005]

اخبار الزيت الباكم ايه

[abo_lamar]

نفس المشكلة عندي وبالذات الصبح بدري

[karimfahmy99]

نفس المشكلة عندي وبالذات الصبح بدري

لاجظ ان الجو شتا و برد و زيت الفلفلين بطبيعتة تقيل و مع برودة الجو بيبقى محجر شوية لغاية ما يسخن عشان كدة يفضل تسخن العربية شوية قبل الحركة

[negmeddin]

أولا أتقدم بالشكر لكل المشاركات السابقة من الأخوة الأعضاء
ثانيا : أحب أن أوضح أن زيت الباكم تمام بلا مشاكل. والعضة دى بتخلى فى صعوبة فى وضع االغيار الأول حتى أننى أحيانا أستخدم الغيار الثانى مباشرة للخروج من هذه المشكلة. كما أن هذا ليس له علاقة بموضوع البرد و السقعة
وأنا سوف أعرض السيارة على ميكانيكى بس حبيت آخذ رأيكم أولا لأجمع معلومات عن العيب لأنى خايف إن الميكانيكى يقول لى ننزل الجيربوكس