ارجو الافاده منكم

[engjuba]

انا عندى ضاهره علامه فى التابلوه اسمها سرفز فروحت لميكا نيكى بيقولى ديه بتاعت الانجكيش المهم عاملها فاختفت فالما العربيه البنزين خلصت وفولتها رجعت تانى تظهر وتختفى ديه علجها ايه ....؟
ولو حد يعرف العوامه البنزين بكام يا ريت يعنرفنى ارجو الافاده ...؟

[محمد الشامي]

الميكانيكي عمل ايه خلى اللمبه تطفي ؟؟؟؟؟

عالعموم لما لمبه السيرفس (او التشيك) تنور فبيكون الإجراء الامثل لحل المشكله هو الكشف على العربيه بالاسكانر لتحديد مكان الخلل والاطمئنان على حاله الحساسات بشكل عام وحاله الرشاشات كمان

ولكن في البدايه وقبل الاسكانر ممكن تراجع على فيش الحساسات , وتبص على فيشه حساس العمه (بالتحديد) لانها احيانا مع المطبات يتخرج من مكانها

ولو نتيجه الفحص المبدئي كانت سلبيه , يبقا الصح انك تعمل اسكانر وبعدها تصلح الخلل

[tarek_2005]

لازم اسكانر
ايه علاقة لمبة التشك بالبنزين انا بحاول اجد علاقة مش لاقي

[engjuba]

مهو انا برضو مش عارف بس لما المشكله حصلت عندى فولت ودلوقتى مش ظاهرها والميكانيكى بيقولى ممكن يكون حساس الشكمان بس مش تحط فى دماغك والكلام ده بس الراجل اللى اشتريت منه العربيه بيقولى عشان بحط بنزين 80 بيحصل كده بس لو حطيت 90 مش هتظهر خالص فالما عملت صيانيه وغيرت جميع الفالتر والبوجهات ونظفت الانجيكش اختفت وظهرت لما خلص البنزين

[محمد الشامي]

لمبه التشيك (السيرفس) متنورش ابدا بسبب نوع بنزين ولا صيانه فلاتر ولا ولا ولا !!!!!!!!!!!!!!!!!!

لازم اسكانر عشان تحدد السبب وعشان تقدر تحل المشكله جذريا وبشكل صحيح

[engjuba]

طيب وهيها دلوقتى مش منوره هعمل اسكنر مش هيقولى فين العطل و لو هتنور بتنور اوقات بس لما بيجرى بتختفى بس ناو مش منوره خالص

[محمد الشامي]

طالما اللمبه بتنور وبتطفي يبقا العيب موجود , ولو عملت اسكانر في اي حال من الاحوال هيبان المشكله من ايه

بس الاول بص على فيشه حساس العمه اللي راكبه على خرطوم الهواء اللي بين المنافولد والفلتر , واتاكد انها راكبه كويس

وممكن يكون الموضوع مجرد شويه اخطاء متسجله على الكنترول بتاع العربيه ومحتاج يتعمله ريسيت
ممكن تجرب تفصل كابل البطاريه شويه , نص ساعه مثلا , وبعدها ركب الكابل وراقب اداء العربيه

[engjuba]

متشكر جدا لى حضرتك وانا هجرب كده فعلا بكره واشوف ايه النتجه وجزاء الله كل خير

[engjuba]

انا عملت كده بس العيب موجود وبيجى لما بتكون ماشى بسرعه هاديئا بس الميكانيكى قالى ده ممكن يكون حساس الشمكان ....
لو حد يعرف اقرب مكان من المعادى او مدينه نصر يا ريت يقولى وجزءك الله كل خير ....

[medolemo]

العوامه البنزين و الموتور لسه شاريهم ب240 جنيه بس صيني
و كنت شاري موتور الماني bosh بس ماركبش علي العوامة القديمة اللي عندي