انا مغرم بالجوليت

[aliyehia]

الاخوه الافاضل انا عايز عربيه جوليت مو حديث (2002-2005) تكون حالتها ممتازه
المشكله ان الاسعار الى باسمعها كالاتى
مو 2001 فابريقه 80000كم مطلوب 48000 جم
مو2004 راشه خوارج 123000 كم مطلوب 45500 جم
مو 2005 فابريقه عامله 80000كم مطلوب 50000 جم
انا تهت فى الاسعار دى و مش عارف اقدر تمنها علما انها دايما اغلى من اللانوس
يا ريت مساعده لاخوكم حد يقولى ايه السعر العادل للعربيات الى اديتكم مثل عليها علشان لما اشترى ما يضحكش على
و يا ريت الرد السريع لانى عايز اشترى الاسبوع الى جاى ان شاء الله

[محمد الشامي]

المقياس مش في الموديل وعداد الكيلومتر

العربيه بتكون عباره عن حاله عامه من ضمنها (الموديل والعداد) , والسعر اكيد هيختلف من عربيه لعربيه تانيه حسب المتغيرات الموجوده في كل عربيه

والافضل انك تشوف عربيه واتنين وتلاته وعشره , ومن خلال اللف والبحث هتقدر تعرف الرينج المناسب للجولييت

وعالعموم بردو انتظر رأيي الزملاء اللي عندهم درايه بحاله السوق حاليا هما هيفيدوك اكتر مني

[aliyehia]

اشكر لحضرتك سرعه ردك
و الحقيقه انا لما نزلت سوق الجمعه الاسبوع الى فات لاحظت ان معظم الجوليت طالعه من تحت ايد شباب مخلص عليها و تجار واقفين يبيعوها باسعار تتراوح ما بين 40000جم الى 50000 جم
و علشان كده انا بحاول اعتمد على اعلانات النت يمكن اقع على عربيه محترمه و متصانه و ده مشكلته ان من الصعب مع ظروف شغلى انى الف على اصحاب الاعلانات علشان اتفرج الا لو حاجه انا شايف ان فيها الرجا
و علشان احدد اتجاهى طلبت من الاخوه الاعضاء يوضحوا لى السعر العادل للجوليت بمختلف موديلاتها باعتبار الحاله جيده جدا و موديل فى الرينج بتاع من 2002- 2005 و بكده على الاقل اضيق نطاق البحث فى العربيه المناسبه من ناحيه السعر و بعد كده يتكشف عليها و ربنا ييسر الحال

[Gabrforever]

انا كنت حيب الجوليت بتاعتي من 6 شهور ب 40000 جنيه موديل 2000 بس كانت حله كويسه جدا هي بس كانت فيها الاكسدام الامامي عيز يتغير وغيرتو بواحد استراد ب 300 جنيه