صوت كراكيب و صوت عالى

[bravehorse]

نعم

كده تبقى السوسته مكسوره ؟ ولا محتاجه كوتش ولا ايه ؟

ولو السوسته مكسوره اجبها استيراد احسن ولا جديده وسعرها كام تقريبا

كل الشكر ليك يا باشمهندس سمير

وعلى العموم بكره ان شاء الله هروح للميكانيكى عشان اغير البطاحه اليمين وبالمره اخليه يحل السوسته ونشوفها لحسن انا خلاص قربت اتجنن من العربيه دى

[samirayad]

السوسته مش مكسوره

ولكنها طريه ومرونتها عاليه

___________________

ولو غيرت السوست

غير الأثنين بأثنين شداد

أستيراد أو جديد

( حسب ماحتلاقى سوست محمله )

[bravehorse]

السوسته مش مكسوره

ولكنها طريه ومرونتها عاليه

___________________

ولو غيرت السوست

غير الأثنين بأثنين شداد

أستيراد أو جديد

( حسب ماحتلاقى سوست محمله )

هو انهردا انا لاحظت حاجه غريبه

فتحت الشنطه وهزيت العربيه من ورا فوق وتحت سمعت صوت زى حاجه بتزيق بس على خفيف

ممكن فعلا تكون السوست

[bravehorse]

لانوس 2011 بقالها 350 كيلو شاريها زيرو
وفيها كركبه ورا ناحية اليمين برضه
كويس مش انا لوحدى ... حاسس انها مساعد ضارب !! بس وهيا زيرو كده ممكن ؟؟؟؟

طيب ان مشكلتك بسيطه اطلع على التوكيل وانت لسه فى فترة الضمان وان شاء الله تطلع حاجه بسيطه

بس متنساش تقولنا العيب طلع ايه
لحسن اخوك خلاص هيتجنن من دى عربيه

[hon]

بعد اذن الجميع
انا مش حفتى والاساتذة موجودة بس كنت فى التوكيل وكنت بسمع صوت تكتكة كدا صوتها ضعيف وكانت من ورا يمين اكتشفت بعدين انها الدنجل الخلفى وربطها وكله بقا تمام
المهم لما رحت التوكيل قلت للعامل على العيب بعد مارفع العربية قال ان فى ماسورة من مواسير الفرامل الباكم للعجلة الخلفية يمين متركبة غلط وبتزنق على السوستة وتعمل الصوت دا( مقلوبة)
فكروا فيها يا جماعة انا شفت المنظر والعربية مرفوعة فعلا ماسورة الباكم الحديد قريبة جدا من عند سوسته العجل اليمين ولمل تيجى هزهزة تسمع الاصوات
طب لية مبنسمعش لما نبقى راكيبن ورا ؟
عشان بيبقى الياى مضعوظ وبعيد عن التداخل مع سلك الباكم ولما بتبقى العربية فاضية بيبقا الياى بينفرد وبيبقى فعلا فى نقاط تماس بتعمل اصوات
طب المشكلة فين ؟ المشكلة ان القطعة دى بتتركب غلط فى المصنع وبيخطلت عليهم الامر وبيركبوهه معكوسة
وقبل الكوريين ماسيبوا مصنع دايو العيب دا ماكنش بيحصل فى موديلات 2000 مثلا
أرجو اخذ الموضوع دا ماخذ الجد عشان على المدى البعيد فى مشكلة مع الفرامل ولا يجب التعامل معاه على مجرد طقطقة عادية
وانا فكيت طرمبة البنزين قبل كدا وفتحنا تنك اللانوس ملقيناش الصفيحة دى جايز فى النوبيرا
وشكرا ليكم وطمنونا

[samirayad]

وانا فكيت طرمبة البنزين قبل كدا وفتحنا تنك اللانوس ملقيناش الصفيحة دى جايز فى النوبيرا

ياباشا

مفيش صفايح ولا حاجه فى تنك النوبيرا برضه

ده تنك بنزين علشان نحط فيه شويه بنزين

يشغلوا المكنه

يبقى أيه لزمتها الصفيحه ..........؟

[ahmed_gouda]

لا ياباشا العربيه فيها صفيحه جوه التانك

و انا شايلها قبل كدا في تانك العربيه

و لنا جبت واحد جديد كان تمام و دلوقتي الصفيحه

دي اتخلعت جوه وعايزه تتشال

و اللي مش مصدق ينزل الزقازيق و انا اوريه

العربيه و هيا واقفه و بنشيل منها الصفيحه

و في الاول و الاخر كل واحد شايف حاجه صح

يعملها

[samirayad]

لا ياباشا العربيه فيها صفيحه جوه التانك

و انا شايلها قبل كدا في تانك العربيه

طيب أنت شايف فايدتها أيه ......؟


الصفيحه دى وشكلها عامل أزاى


صفيحه مسطحه ....ولا زى بتوع علب السمنه

حق ( بضم الحاء ) يعنى ....علشان نفهم سواء فايدتها....؟


ومش أنت برضه عندك طلمبة البنزين زى بتاعتنا

كهرباء عاديه ولا أيه النظام عندك ....؟

[samirayad]

و لنا جبت واحد جديد كان تمام و دلوقتي الصفيحه

دي اتخلعت جوه وعايزه تتشال

ياريت تورينا شكل الصفيحه القديمه

بصوره لها .....؟

[blackcode_80]

واضح جدااا ان الموضوع اللى انا عملته ده خلى ناس كتير تفضفض بنفس المشكلة....
لان برضه موضوع الصوت بيروح لما حد بيقعد عالكنبة اللى ورا ... وكل ما اللى قاعدين ورا يبقو اكتر من واحد الصوت بيروح ولومليت الكنبة الخلفية مش بيبقى موجود خاااالص...

بس على فكرة انا بحس ان الصوت جاى من برة العربية من عند الكاوتش الخلفى يمين مش من جوة العربية... فمتهيألى كده ملوش دعوة بالكنبة ... ولا ايه رأيك يا استاذ سمير

[ahmed_gouda]

http://www6.0zz0.com/2011/01/10/12/932924262.jpg

[samirayad]

أنا كده بدأت أقتنع بوجهة نظرك

وكده كلامك مظبوط مائه فى المائه

بخصوص موضوع الصفيحه

لكن أعتقد ملهاش دخل برضه بشكوى الزملاء تحديدا

[ahmed_gouda]

طبعا انا معنديش الصفيحه القديمه لاكن انا رسمت

علي قد ما قدرت شكلها و بالنسبه للطرمبه انا عربيتي نوبيرا

كوري بتفك الكنبه و تفك الطرمبه عادي جدا زي اي عربيه

و بتلاقي فتحه التانك بتمد ايدك جوه التانك حاتلاقي الصفيحه

اللي انا بقول عليها زي ما انا راسمها هي سمكها حوالي 1 مم

و مجلفنه و بطول التانك و الميكانيكي قاللي دي علشان الرواسب

معرفش كلامه صح ولا غلط و التانك الجديد اللي راكب دلوقتي

كنت شاريه استيراد برضه من الحرفيين و ليا موضوع تاني ياريت

حضرتك ترد عليا فيه http://www.nilemotors.net/Nile/194945-a.html

و انا لما اشيل الصفيحه اللي راكبه دلوقتي حاصورها و حارفعها في المنتدي

بس بعد لما ترد عليا في الموضوع بتاعي الاول لاني مش عارف افكر

في حلجه تانيه

[samirayad]

و الميكانيكي قاللي دي علشان الرواسب

معرفش كلامه صح ولا غلط

مفيش شك

كلامه صح

فهى دى فايدة الصفيحه

حجز الرواسب بعيدا عن عمل طلمبة البنزين بقدر الأمكان

وذلك من خلال جعل تنك البنزين عباره عن منطقتين من الداخل

منطقه للم أكبر قدر من الرواسب وقت التموين من مكان سيىء

والمنطقه الأخرى أكثر نظافه وفيها الطلمبه

[bravehorse]

انا نزلت انهردا غيرت المساعدين الورا والادام وجبتهم يبانى kyb عملوا 580 جنيه وغيرت البطاحتين بس البطاحات حسيت كده انهم مش حلوين لان مجرد ما ركبتهم لقيتهم عليوا فوق وعملوا فى 120 جنيه وغيرت الكوز بتاع المساعدين الامامى وجبت اتنين عملوا 60 جنيه وغيرت بيض الطرف بتاع المقص وجبتهم بـ 100 وغيرت بارات الدريكسيون وجبتهم بـ 95 جنيه

والميكانيكى اخد 100 جنيه مصنعيه

المهم الحمد لله الصوت راح مفضلش غير صوت الكراكيب الورا فى الشانطه ولما ركزت معاه انهردا وانا ماشى لقيت انه صوت الحجات الفى الشنطه بالاضافه الى ان الشنطه نفسها عوزا تتربط واكر الازاز الورا سايبه عوزا تتظبط.