نقط زيت عالدواسه و شويه مشاكل

[mostafa mahmod]

لاحظت كذا مره وجود بقعه زيت على الدواسه تحت الفرامل و الموضوع ده حصل لما ركنت العربيه كام يوم بس الموضوع ده مش على طول
سعات مش بيبقع (( بحط ورقه و اسيبها ارجع الاقيها زى ما هى يعنى مفيش زيت بيترسب ))
و الصوره اهى



Uploaded with ImageShack.us

و فى نفس الوقت اكتشفت شويه شحم كده فى صدر العربيه (( المكان اللى عليه السهم ده بس من تحت ( الشاسيه تقريبا ) ))



Uploaded with ImageShack.us

و ده صوره للشحم بس من تحت شويه



Uploaded with ImageShack.us

فهل يا ترى الاتنين ليهم علاقه ببعض
و عذرا لو غلطت فى المسميات لانى لسه خام و مش فاهم

مع العلم ان العربيه مو 2005 ماشيه 73000 كيلو
متغير كل الزيوت و السيور و كده و مستوى الزيوت زى ما هو مش بيقل
و لما اشتريت العربيه مرفعتهاش فى بنزينه

دى اول حاجه
تانى حاجه بقى ان انا كنت اشتريت ستوب لايت بس مش الاصلى علشان ملاقيتهوش خالص و المشكله انها مفيهاش فيشه انما سلكين و بس فهل ممكن اقشر السلكتين اللى داخليين للفيشه اللى فى العربيه و اوصل الفانوس بيها و لا اروح لكهربائى احسن
و شكرا ليكم

تم دمج الموضوعين لأظهار الصور
مشرف القسم
18ب

[تامر.محمد]

مش عايز أفتي بس اظن ده ماستر دبرياج

الخبراء يفيدوك اكتر مني

[mostafa mahmod]

اه معلش انا نسيت اقول ان انا كنت مغير فتيس و طقم دبرياج كامل اول ماجبت العربيه
و شكرا يا باشا على الرد

[samirayad]

بالنسبه للزيت على الدواسه

فده بسبب أويل سيل علبة الدركسيون ( يحتاج للتغيير )

[gamal_tx]

ممكن يكون اويل سيل الدريكسيون انا عملته سعره 25 والمصنعية 70

[mostafa mahmod]

بالنسبه للزيت على الدواسه

فده بسبب أويل سيل علبة الدركسيون ( يحتاج للتغيير )

شكرا على الرد يا باشا و يا ترى ده اشتريه جديد و لا استيراد و هيبقى فى حدود كام
و اللى يركبه ميكانيكى و لا ممكن كهربائى
و شكرا مره تانيه ليك

[samirayad]

الأويل سيل لازم يبقى جديد وكاوتشه نظيف

ومن بلد منشأ جيده

وأرشح لك منشأ أيطالى أو كورى أو يابانى

للأويل سيلات

وحتلاقيه رخيص ( مش غالى )

بكتيره ( 20 جنيه مثلا )

الغلبه فى المصنعيه وحتكلفك شويه ( حوالى من 80 إلى 100 ج مثلا )

وطبعا من سيقوم لك بهذا الأصلاح

ميكانيكى

ولو كهربائى شاطر ( بتاع كله )

حيغيرهولك برضه

____________

أنا كنت بأتعامل مع كهربائى فى بور سعيد

ولد معلم بجد ( فى سياره أوبل )

[mostafa mahmod]

الأويل سيل لازم يبقى جديد وكاوتشه نظيف

ومن بلد منشأ جيده

وأرشح لك منشأ أيطالى أو كورى أو يابانى

للأويل سيلات

وحتلاقيه رخيص ( مش غالى )

بكتيره ( 20 جنيه مثلا )

الغلبه فى المصنعيه وحتكلفك شويه ( حوالى من 80 إلى 100 ج مثلا )

وطبعا من سيقوم لك بهذا الأصلاح

ميكانيكى

ولو كهربائى شاطر ( بتاع كله )

حيغيرهولك برضه

____________

أنا كنت بأتعامل مع كهربائى فى بور سعيد

ولد معلم بجد ( فى سياره أوبل )

الف شكر يا باشا
طب و يا ترى ده زيت جاى منين يعنى جاى من زيت الباور كده صح ؟؟؟

و ايه الحل فى باقى المشاكل زى ترسيب الشحم اللى فى بطن العربيه و كمان الستوب لايت
معلش انا تاعب حضرتك بس سامحنى اخر مره

[samirayad]

طب و يا ترى ده زيت جاى منين يعنى جاى من زيت الباور كده صح ؟؟؟

مظبوط ياريس

و عذرا لو غلطت فى المسميات لانى لسه خام و مش فاهم:e_braces[1]:

وبما أنك بتقول أنك لسه خام

يبقى خللى حد فاهم يعاين معاك موضوع الشحم

وموضوع الأستوب لايت

وبعد كده خليه يقنعك بالسبب من خلال المعاينه

[mostafa mahmod]

ماشى يا باشا الف شكر
اخر سوال خلاص مش هسال تانى

لو سبت اويل الزيت ده لغايه ما افضى بعض الامتحانات فيه مشكله و لا لازم اغيره ؟

[samirayad]

لو سبت اويل الزيت ده لغايه ما افضى بعض الامتحانات فيه مشكله و لا لازم اغيره ؟

لاتوجد مشكله تحت شرط

متابعتك لمنسوب زيت الباور فى القربه الخاصه بمنسوب زيت الباور

وتزويد الزيت عند نقصان منسوبه بالقربه

[M.Elgergawy]

غير الأولسية بتاع علبة الباور عشان عمل كدا معايا وكسلت لغاية لما فرش العربية باظ وغيرت اللبات كمان وكانت قصة جامدة أوي انت غيره وريح نفسك وبعدين الزيت اللي انت هتزودو في علبة الباور تأكد انه بينزلك جوه الصالون وهو مش غالي بس تركيبه صعب شوية وبياخد وقت جامد وهات واحد نضيف زي مالاعضاء قالولك عشان يعيش معاك

[mostafa mahmod]

لاتوجد مشكله تحت شرط

متابعتك لمنسوب زيت الباور فى القربه الخاصه بمنسوب زيت الباور

وتزويد الزيت عند نقصان منسوبه بالقربه

غير الأولسية بتاع علبة الباور عشان عمل كدا معايا وكسلت لغاية لما فرش العربية باظ وغيرت اللبات كمان وكانت قصة جامدة أوي انت غيره وريح نفسك وبعدين الزيت اللي انت هتزودو في علبة الباور تأكد انه بينزلك جوه الصالون وهو مش غالي بس تركيبه صعب شوية وبياخد وقت جامد وهات واحد نضيف زي مالاعضاء قالولك عشان يعيش معاك

شكرا ليكم جدا