اغير فوجات النوبيرا ولا...

[M.Alaa92]

بسم الله الرحمن الرحيم

السلام عليكنم و رحمة الله و بركاته
بصراحة جبت أخرى من الفوجات كل كام يو لمبة تتحرق تبقى العربية عورة أوديها لكهربائى و يعملها و برضة مفيش فايدة و طبعا انا بشغلهم على طول علشان السادة قائدى السيارات الأخرى مش بيعجبهم اللى مشغل الواطى مع انها لمبات تلجى ام 50 جنية دى و 55 وات و كمان اضائة الفوجات ضيفة و تخنق فعايز حل هل أغير اللمبات بتاعت الفوجات بأعلى ولا اجيب فوجات بتاعت عربية تانية زى الاوكتافيا ( او ترشحولى فوانيس تانية) و اخترت فوجات الاوكتافيا عشان نورها قوى و هل فى لعب كبير فى الاكصدام لما أجى اركبها و لا الموضوع مش جايب همه

منتظر الردود
و شكرا

[Badrawy]

بص يا باشا انا كنت بركب اللمض العادية الصيني ام 10 جنية دي وكانت كل شهر تتحرق واحده اليمين اروح مغير تاني شهر الشمال اغير لما زهقت من الفوجات ومبقتش اشغلها وبعدين اشتريت لمبات فيليبس اصلي ب 160 جنية (غالية علشان فى اسكندريه) وبصراحة اضاءة قويه ولحد دلوقتي شغالين زي الفل الحمد لله بقالهم شهر ونص بس انا متفائل انها مش حتتحرق لانها نضيفه جدا ولو اتحرقت حولع فى الفوجات وفى العربيه ههههههه

[Sherif Khalifa]

الفوجات بتاعت النوبيرا فاشلة جدا

مشكلة حرق اللمبات ان الفانوس بيسخن و بيسيح السلك
انا جبت لمبات اسروم 100 بى 20 جم
و عزلت السلك بعازل حرارى (heat shrink) و شلت العواكس و كانت النتيجة كويسة جدا

الى عايز اعملة بس خايف يسيح انى اغير الوش لوش شفاف

[M.Alaa92]

الفوجات بتاعت النوبيرا فاشلة جدا

مشكلة حرق اللمبات ان الفانوس بيسخن و بيسيح السلك
انا جبت لمبات اسروم 100 بى 20 جم
و عزلت السلك بعازل حرارى (heat shrink) و شلت العواكس و كانت النتيجة كويسة جدا

الى عايز اعملة بس خايف يسيح انى اغير الوش لوش شفاف

ما هى المشكلة لو شلت العواكس اضائتها حتقل ( تقريبا) و بالنسبة للوش الشفاف انا داخلة فى دماغى حكاية فوانيس الاوكتافيا دى لأن نورها جامد اوى ( لأنها شفافة) و مع لمبة فيليبس تبقى تمام التمام صح ولا انا غلطان
ما هى المشكلة لو شلت العواكس اضائتها حتقل ( تقريبا) و بالنسبة للوش الشفاف انا داخلة فى دماغى حكاية فوانيس الاوكتافيا دى لأن نورها جامد اوى ( لأنها شفافة) و مع لمبة فيليبس تبقى تمام التمام صح ولا انا غلطان

[Sherif Khalifa]

تشتيت الضوء بسبب شيل العواكس صح جدا فى الفوانيس الكبيرة
بس بالنسبة للشبورة الفانوس صغير جدا و مش سامح باى تشتيت
انا حسيت بفرق كبير بعد شيلهم

[M.Alaa92]

طب أشيل العواكس ازاى؟؟؟

[Sherif Khalifa]

فك الفانوس الاول
افتح الغطاء
هتلاقى مسمار ماسك العاكس
فكرة هيطلع فى ايداك

[M.Alaa92]

استاذ شريف الف شكر ليك يا باشا أنا عملت الى حضرتك قولت علية بس النور مش زى أنا عايز معلش سؤال كمان هل أركب لميات فيليبس كمان
أكرر شكرى لحضرتك و اعتذر عن الرد متأخر

[تامر.محمد]

انا مركب عندي لمبتين فيلبس الواحدة كانت ب15 جنيه بقى لهم فترة و الحمد لله شغالين كويس , بس حاليا عايز أغيرهم بحاجة تدي اضاءة أقوى

[Sherif Khalifa]

استاذ شريف الف شكر ليك يا باشا أنا عملت الى حضرتك قولت علية بس النور مش زى أنا عايز معلش سؤال كمان هل أركب لميات فيليبس كمان
أكرر شكرى لحضرتك و اعتذر عن الرد متأخر

ما الفكرة كلها اصلا زى ما قلت لحضرتك ان اصلا الفوانيس تعبانة
الوش الغير شفاف دا بيضيع النور
انك تشيل العواكس دا اقصى حل ممكن يتعمل فيها

انا كنت جبت لمبات اسروم 100 و كانت النتيجة جيدة جدا بى 20 جم

بس لازم تعزل السلك السالب البلاستك بى heat shrink علشان هيسيح و اللمبة تفصل برضة

[تامر.محمد]

المشكلة في الوش ان فيه تضليعه بتشتت الاضاءة خالص ( ده لو فوج النوبيرا زي فوج اللانوس1)
بس هل فيه اي حد بيعمل وش نفس الأبعاد بس شفاف ؟

[M.Alaa92]

للأسف لأ

[M.Alaa92]

المشكلة في الوش ان فيه تضليعه بتشتت الاضاءة خالص ( ده لو فوج النوبيرا زي فوج اللانوس1)
بس هل فيه اي حد بيعمل وش نفس الأبعاد بس شفاف ؟

للأسف لأ مفيش

[Sherif Khalifa]

لا موجود بى حوالى 50 جم للوشين (صب)
بس صاحب المحل قالى للامانة هيسيح منك بعد فترة قليلة

[wesam_salom]

انا عامل وشين شفافين مش حاسس بفرق كبير

وكمان الفوجات كل شويه اللمبات تتحرق

غيرت اللمبات بلمبات اعلى الفيوز بيضرب

غيرت الفيوز بفيوز اعلى بقى يسخن ويسيح جوه علبه الفيوزات

فى الاخر شيلت الفيوز وبطلت استعمل الفوجات