وش سلندر ولا لسه فيه امل؟؟

[Car's Sniper]

بسم الله الرحمن الرحيم

امبارح بالليل جيت ادور العربية ..دارت وراحت مبطلة فى ساعتها وحلفت ماتدور تانى والمارش معدش قادر يتحرك
قلت اسيبها..جيت النهاردة ادورها لاقيتها مش بتدور ولما فتحت الكبوت ببص فى قربة المية لاقيتها قربت تفضى خالص وغطا القربة تقريبا محروق..ساعتها افتكرت لما صاحبى كان بيقولى سامع صوت غليان مية وانا مكنتش بصدقه
فكيت البوجيهات لاقيتها مهببة مع انها تعتبر جديدة والشكمان كمان بقى بينقط مع انه مخرم من كل حتة وكان بقاله كتير مابينقطش
تقريبا كدة مافيش غير جوان وش سلندر صح ولا ممكن تكون حاجة تانية؟؟
لو صح ياريت حد يقولى تفاصيل تصليح الحكاية دى وتكلفتها
وقدر الله وما شاء فعل

[nicegypt]

السلام عليكم ورحمة الله
اولا .. ادعوا الله ان لا يكون جوان وش سلندر " قول امين " ان شاء الله خير يا استاذ محمود .
ثانيا .. موضوع غليان المية مقلق .. بس علشان منتـسرعش .. حضرتك افتح القربة وشوف فيها زيت مخلوط بالمية ولا لاء
ثالثا .. افتح غطا الزيت الخاص بالموتور وشوف هل فية طحينة " لون ابيض اشبة بالطحينة " وهو ناتج من خلط الزيت بالماء
رابعا .. هل فية دخنة بيضة من الشمكان ؟ هل فية اي نوع من انواع الدخنة الاخري؟؟ وخصوصا الاولى ؟ هل حاسس ان المية بتتبخر بسرعة غريبة .. هل شايف فعلا ان المية بتغلي ؟ وبخار مية شديد طالع من القربة ؟
خامسا .. هل هناك سـخونة شديدة من المكنة وسريعة ؟ يعنى المكنة بتسخن بسرعة وبتعدى المائة ؟
حضرتك جاوب على الاسئلة دى بعد ملاحظتك للسيارة وان شاء الله خير علشان منتـسرعش بس ف الحكم .. وبلاش تروح للاي ميكانيكي
دلوقت غير بعد رد حضرتك على الاسئلة دى .. لان اي ميكانيكى هيقولك ايوة دخل لى العربية الورشة ! لقمة عيش وجت لة اي مصلحة وخلاص
ويقولك مهو باردو خير لصاحب العربية محنا جدد لة جوان .. ان شاء الله خير استاذ محمود وف انتظار ردك

[samirayad]

حضرتك جاوب على الاسئلة دى بعد ملاحظتك للسيارة وان شاء الله خير علشان منتـسرعش بس ف الحكم .. وبلاش تروح للاي ميكانيكي
دلوقت غير بعد رد حضرتك على الاسئلة دى .. لان اي ميكانيكى هيقولك ايوة دخل لى العربية الورشة ! لقمة عيش وجت لة اي مصلحة وخلاص

كلام منطقى وتمام

[aymaym]

بص لو لاقيت الزيت دخل على الميه يعنى عملت طحينه ودا هتشوفه ف الردياتير وغطاء الزيت يبقى للاسف وش ساندر ضرب من عند فتحات الزيت ودا بنسبه كبيرة العربيه مش هتدور
لو ملاقتش طحينه لكن العربيه بتنفض الميه من الردياتير او القربه وبتسخن بسرعه جدا يبقى جوان بردو بس لسه فى امل
هتروح بنزينة موبيل او شل موجود واحده ع الكورنيش بعد قسم الساحل وتجيب لحام البلوك اسمه جانك بلوك سييل
ودا امريكى ازازة بيضه ومكتوب عليها بازرق
المهم هتحطه ف الردياتير ودور لمدة ربع ساعه وسيب الموتور يبرد ساعه او اتنين وبعد كدا دور وامشى عادى هتلاقى الموتور عادى جدا وكانه مكنش فيه اى مشكله بعد يوم ابقى غير ميى الردياتير وخلاص على كدا
العبوة دى ب 35 جنيه وهى بتلحم الجوانبس عشان تشتغل لازم الموتور يدور وهى تمشى مع مية التبريد جوا الموتور ولما هتوصل لمكان التنفيث او العيب ف الجوان هتتعرض لحرارة اعلى ونظرا لان المادة دى من السلكون فبتتجمد على المكان دا وتسد التنفيث من المكان دا وكانها لحمت الجوان
اى خدمه

[Car's Sniper]

السلام عليكم ورحمة الله
اولا .. ادعوا الله ان لا يكون جوان وش سلندر " قول امين " ان شاء الله خير يا استاذ محمود .
ثانيا .. موضوع غليان المية مقلق .. بس علشان منتـسرعش .. حضرتك افتح القربة وشوف فيها زيت مخلوط بالمية ولا لاء
ثالثا .. افتح غطا الزيت الخاص بالموتور وشوف هل فية طحينة " لون ابيض اشبة بالطحينة " وهو ناتج من خلط الزيت بالماء
رابعا .. هل فية دخنة بيضة من الشمكان ؟ هل فية اي نوع من انواع الدخنة الاخري؟؟ وخصوصا الاولى ؟ هل حاسس ان المية بتتبخر بسرعة غريبة .. هل شايف فعلا ان المية بتغلي ؟ وبخار مية شديد طالع من القربة ؟
خامسا .. هل هناك سـخونة شديدة من المكنة وسريعة ؟ يعنى المكنة بتسخن بسرعة وبتعدى المائة ؟
حضرتك جاوب على الاسئلة دى بعد ملاحظتك للسيارة وان شاء الله خير علشان منتـسرعش بس ف الحكم .. وبلاش تروح للاي ميكانيكي
دلوقت غير بعد رد حضرتك على الاسئلة دى .. لان اي ميكانيكى هيقولك ايوة دخل لى العربية الورشة ! لقمة عيش وجت لة اي مصلحة وخلاص
ويقولك مهو باردو خير لصاحب العربية محنا جدد لة جوان .. ان شاء الله خير استاذ محمود وف انتظار ردك

كلام منطقى وتمام

امين ياااارب...ان شاء الله تكون بسيطة
ثانيا...القربة غطاها حسيت انه محروق على غير العادة اللى تقريبا بيكون مزيت سنة...بس مش طبقة زيت ..هى المية نفسها مزيتة وعرفت بعد كدة ان دة الطبيعى
ثالثا...غطا الماتور مخدتش بالى منه بس تقريبا مكانش عليه لون...كان شفاف ونضيف وكمان الماتور من جوة كل الزيت اللى فيه شفاف ولسه نضيف(الزيت ماكملش600كيلو)
رابعا...الشكمان مابيدخنش تقريبا اى لون ملحوظ بالعين..وبالنسبة للمية..فدى صاحبى هو اللى قاللى قبل كدة مرتين انه سامع صوت غليان مسة بس انا ماكنتش مهتم لانه كطان بيقولى كدة زمان ومكنتش بلاقى غليان ولا حاجة ...بس اكيد طالما المية نقصت اوى يبقى المية شكلها كانت بتغلى لان غطا الفربة يعتبر عليه فحم
خامسا...بالعكس المكنة بتسخن ببطء جامد...وبصراحة انا مابثقش فى اى عداد حرارة بتاع دايو لانى بكون متأكد ان الحرارة ازيد من الطبيعى والمؤشر على النص زى ماهو
وشكرا جزيلا على اهتمام حضرتك يابشمهندس
وشكرا لحضرتك يابشمهندس سمير

بص لو لاقيت الزيت دخل على الميه يعنى عملت طحينه ودا هتشوفه ف الردياتير وغطاء الزيت يبقى للاسف وش ساندر ضرب من عند فتحات الزيت ودا بنسبه كبيرة العربيه مش هتدور
لو ملاقتش طحينه لكن العربيه بتنفض الميه من الردياتير او القربه وبتسخن بسرعه جدا يبقى جوان بردو بس لسه فى امل
هتروح بنزينة موبيل او شل موجود واحده ع الكورنيش بعد قسم الساحل وتجيب لحام البلوك اسمه جانك بلوك سييل
ودا امريكى ازازة بيضه ومكتوب عليها بازرق
المهم هتحطه ف الردياتير ودور لمدة ربع ساعه وسيب الموتور يبرد ساعه او اتنين وبعد كدا دور وامشى عادى هتلاقى الموتور عادى جدا وكانه مكنش فيه اى مشكله بعد يوم ابقى غير ميى الردياتير وخلاص على كدا
العبوة دى ب 35 جنيه وهى بتلحم الجوانبس عشان تشتغل لازم الموتور يدور وهى تمشى مع مية التبريد جوا الموتور ولما هتوصل لمكان التنفيث او العيب ف الجوان هتتعرض لحرارة اعلى ونظرا لان المادة دى من السلكون فبتتجمد على المكان دا وتسد التنفيث من المكان دا وكانها لحمت الجوان
اى خدمه

شكرا لحضرتك على الرد والشرح المفصل ياaymaym باشا
وان شاء الله هاشوف المنتج ده...بس ممكن لو مافيهاش تعب اعرف اسمه الانجليزى
خمنت اسم بس مش عارف صح ولا غلط
gunk block seal او gunk block cell
ممكن يكون حاجة من دول؟

[Car's Sniper]

النهاردة اتأكدت ان غطا زيت الماتور نقى وشفاف تماما الحمد لله ومافيهوش اى لون غريب
زى ماقلت لحضراتكوا اول تشغيلة للكونتاكت( يوم الاتنين اللى فات) العربية اشتغلت وراحت مبطلة فى ساعتها قبل مالحق اديها بنزين ولما كنت بحاول معاها ..لاحظت ان المارش قوته بتضعف مرة بعد التانية لغاية مابقاش قادر يقوم الماتور
الجديد بقى كان النهاردة
زقناها وجبت التانى ولسة باشغل الكونتاكت...سمعت صوت كأن المارش بيلف فوق حديدة(صوت حديد بيتحك فى بعضه)..بس دا واحنا بنزقها بس انما وهى واقفة المارش مابيقدرش يشغلها يعنى تقريبا مش مفوت
بافكر اجيبلها ميكانيكى بس متأكد انه ممكن يشتغلنى بسهولة جدا لانى ماعرفش ايه اللى فى العربية لغاية دلوقتى
ياريت لو حد يعرف يفيدنى بحاجة من المعلومات دى