واخيرا بعت النوبيرا الاوتوماتيك !!!!!!!!!!

[mhDeeb]

حضرتك جلبت لنا القلق من ناحية الاتوماتيك بالرغم من ان مصر الان تحتاج إلى السيارة الاتوماتيك للزحام الموجود والتوقف الكثييييييييييير وعموما يمكن ان تكون صيانة الاتوماتيك هى السبب ويجب البحث فيها ونرجو من ادارة الموقع تبحث في هذه المشكلة

[lakany]

انا عندى فى الشغل سيارات نوبيرا اوتوماتك عامله 200000 فى 3 سنين شقى و زى الفل طالما بتعمل الصيانه فى مواعيدها و اكثر السيارات ايجار فى مصر النوبيرا الاوتوماتك و هوا دا الى بوظ سمعتها عشان العيال بأجروها و هات يا كيك دون بيها

[ashrafE51]

ياجماعة كلام الاشاعات الدائم ده
انا واحد صبحي كان معه عربية ( ماتريكس ) اتوماتيك وحصل مشكله في الفيتيس وهو يعاني الان
وعلي فكره العربية التويوتا الكورولا الجديدة الان فيها مشكله في التعامل مع الفيتس

وعلي فكره اعرف ان الفيتس الاوتوماتيك بتاع النوبيرا لو تحب تغيره من بورسعيد بحوالي 1300 جنيه وهذا ممكن و علي فكره العربية جميلة - واسعة جداً وسريعه جداً
وايضاً اذا نظرة لها من جميع زوايا العربية تري انها فاخمه ...

[knightmido]

ايه ؟؟؟؟؟؟؟؟؟؟؟؟؟؟!!!!!!!!!!!!!!!!!!! ... اسف مش مستوعب اللى حضرتك عملته

[mummy_47]

انا فعلا متعجب من اللي عملته مع احترامي الشديد انك حر تبيع بخسارة او تكسب ده رتجع لك..لكن طالما بتاخذ ارائنا فمتزعلش مني ..كان قرار البيع قرار غير موفق تماما..وبالنسبة لعملية اعادة البيع واراء الناس..طيب متشوف اراء الناس في البيجو 405 المستعمل رغم انها سيارة رائعة جدا الا ان اعادة البيع بتكون ثقيلة لكن ليها زبونها اللي بيقدرها..كذلك النوبيرا الاوتوماتيك لو كنت طولت بالك شوية كنت لقيت زبونها...انا بعت عربيتي السابقة في خلال شهر او شهر ونصف لحد ما جابت سعر محترم...وخلي بالك ان غالبية الناس دلوقتي بتفكر في الاوتوماتيك لما تيجي تشتري سواء ياباني او كوري او حتى صيني ...ومتنساش ان صيانة الاوتوماتيك اصبحت منتشرة كتير غير زمان وكمان العربيات الحديثة اصبحت تجمع بين الفتيس الاوتوماتيك والمانيوال..المهم ميكونش فيها دبرياش ..وبعدين انت مخدتش بالك ان اوتوبيسات النقل العام كلها اوتوماتيك..وبيطلع عينها ليل مع نهار ..والا كانوا جابوا اوتوبيسات مانوال افضل.....اللي بيقولك الاوتوماتيك مش حلو..بيكون مجربوش او سمع من حد مجربوش..ومتنساش ان احنا في عام 2008 والاوتوماتيك بقاله كثر من 30 سنة في العالم واصبح متطور جدا الان وخصوصا في امريكا اللي كل سياراتها تقريبا اوتوماتيك شوف الموديلات القديمة بتاعتها عاملة ازاي الكاديلك والشيفروليه وشوف الفتيس بتاعها عامل ازاي.قمة في الروعة....شوف الهوندا السيفك من ساعة ما اتولدت وهي اوتوماتيك وشغالة لحد دلوقتي زي الفل...والنوبيرا الاوتوماتيك انا اعرف ناس كتير راكبينها بقالهم 10 سنين زي الفل ..وانا نفسي راكب واحدة مو99 اوتوماتيك زي الفل ماشاء الله.. انا نفسي اسمع حد مجرب العربية الاوتوماتيك من اي ماركة وبيقول ان الاوتوماتيك وحش...

[احمدعبدالعزيز]

تعليق على بعض اراء الاخوه الاعزاء اعضاء المنتدى .....

1- ناس بتقول كنت صبرت شوايه ( انا بحاول ابعها منذ سنه وثلاثة شهور ) !!!!! ودى اللى دفع فلوس فيها كله كان بيسمع انها اوتوماتيك والله ماكان بيرضى يجى اصلا .

2- فيه عضو قال انى خايف من اللى الناس بتقوله على العربية ( طبعا لازم اخاف ) وانا شايف بعينى اكثر من واحد بيشتكى من العربيه رغم ان الشكوى مش عندى ولكن لازم تحس انك خايف واللى حسبته لاقيته . ( انا بعت 53000 الف فى شهر 3/2008 ) سعرها النهارده حوالى 47000 الف دى غير اللى ممكن يظهر فى 5 شهور مابين فتيس يعطل او غيره ودى لوحده حايتكلف كام يبقى الخساره القريبه احسن من تكاليف سياره وضياع وقت مع صناعية .

3- انا مقولتش ان كل الاوتوماتيك وحش دى انا بحب جدا السياره الاوتوماتيك عشان مريحه وخصوصا فى الزحمه اللى مصر ولكن الناس كلها اجمعت ان النوبيرا الاوتوماتيك فيها سىء جدااا

ممكن تركب اى عربيه تانيه لكن نوبيرا اوتوماتيك لا .


واخيرا النوبيرا ( المانيوال ) عربيه تحفة وجميله جداااااااااااااااااااااااااااااااااااااااااااااااا اااااااااااا


ولكن ابعـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ د عن الاوتوماتيك

[MMamdouh]

طيب ليه مخليتهاش معاك و لما الفتيس يبوظ كنت تقلبها مانيوال؟؟

MMamdouh

[احمدعبدالعزيز]

اولا :- شكرا لاهتمامك ..


ثانيا :- إن شاء الله اجيب عربية زيرو احسن ..لانى تعبت من المصروف عليها ..